မနာလိုစိတ်ကိုကျော်လွှားဖို့…









တစ်စုံတစ်ယောက်ကိုချစ်ခင်မိချိန်မှာ သူတို့နဲ့ပတ်သက်ပြီး မနာလိုသ၀န်တိုတဲ့စိတ်ကလေးခံစားဖူးကြမှာပါ။ ဒါကိုယ်ဂရုစိုက်အလေးထားတဲ့တစ်စုံတစ်ယောက်ကြောင့် သဘာဝအတိုင်းဖြစ်တဲ့ခံစားချက်ပါ။ ဒါပေမဲ့ အလကားနေရင်း သ၀န်တိုစိတ်ဖြစ်လာပြီဆိုရင်တော့ စိုးရိမ်စရာရှိလာပါပြီ။ အဲဒီ သ၀န်တိုမနာလို စိတ်ကြောင့်ပဲ အရာရာကိုသံသယဖြစ်လာမယ်။ မယုံကြည်ဖြစ်လာမယ်။ နားလည်မှုတွေလွဲ လာမယ် ဆိုတော့ မနာလိုသ၀န်တိုစိတ်ကို ဘယ်လိုကျော်လွှားကြမလဲ…။

မနာလိုစိတ်ရှိကြောင်းလက်ခံပါ
ပထမဆုံးအတားအဆီးက ကိုယ်ကမနာလိုသ၀န်တိုတတ်တယ်ဆိုတာ လက်မခံနိုင်ဘဲ ဂရုစိုက်တယ်လို့ အထင်လွဲနေတဲ့စိတ်ပါ။ ဒီစိတ်ကိုလက်ခံတတ်ဖို့ကြိုးစားပါ။ အဲဒါမှ နောက်ဆက်တွဲကိစ္စတွေဖြေရှင်းတဲ့အခါ ပိုပြီးအကျိုးရှိမှာပါ။ 

တစ်ခြားလူတွေနဲ့မနှိုင်းယှဉ်နဲ့
မနာလိုဖြစ်စေတဲ့အကြောင်းတစ်ခုက ကိုယ့်ကိုယ်ကိုယ်တစ်ခြားလူတွေနဲ့နှိုင်းယှဉ်မိနေတာကြောင့်ပါ။ ကိုယ်ကကိုယ်ပါပဲ။ ကိုယ်နဲ့ဘယ်သူမှမတူနိုင်သလို သူတို့လိုလည်းကိုယ်မဖြစ်နိုင်ပါဘူး။ အဲဒါကြောင့် ဘယ်တော့မှ မနှိုင်းယှဉ်ပါနဲ့။

အတိတ်ကိုမူတည်ပြီးမဆုံးဖြတ်နဲ့
အတိတ်ကာလအဖြစ်အပျက်တွေကြောင့်လည်း မနာလိုစိတ်ဖြစ်တာဖြစ်နိုင်ပါတယ်။ အခုချိန်မှာ လူတွေ ကပြောင်းလဲကောင်းပြောင်းလဲသွားနိုင်ပါပြီ။ အဲဒါကြောင့် မနာလို သ၀န်တိုစိတ်အတွက် အတိတ်က အဖြစ်အပျက်တွေကိုအခြေမခံပါနဲ့။

ကိုယ့်ကိုယ်ကိုယ်သတိပေး
အတိတ်ကာလအချိန်ကမနာလိုစိတ်ကိုကျော်လွှားခဲ့တဲ့အဖြစ်အပျက်တစ်ခုကို အောက်မေ့သတိရလိုက်ပါ။ မနာလိုစိတ်ဆိုတာ မကျော်လွှားနိုင်တာမဟုတ်ပါဘူး။ အရေးကြီးဆုံးက ကိုယ့်ကိုယ်ကိုယ် သတိကလေးပေးနေဖို့ပါ။

ဝန်တိုစိတ်ကြောင့်ဘာမှမရနိုင်
သူများကိုမနာလိုဖြစ်လို့ကိုယ့်မှာပြောင်းလဲသွားတာဘာရှိပါသလဲ။ ဘာမှမပြောင်းလဲသွားပါဘူး။ ကိုယ့်ရဲ့သူ့အပေါ်ထားတဲ့အပြင်အတွေးတွေသာပြောင်းလဲသွားမှာပါ။ ပြီးတော့ ပတ်ဝန်းကျင်က ကိုယ့်ကိုယ်ရှောင်ဖယ်သွားကြမှာပေါ့။

စိတ်ကူးယဉ်မရိုင်းစေနဲ့
မနာလိုစိတ်က စိတ်ကူးယဉ်စိတ်ကြောင့်ဖြစ်လာတာပါ။ အဲဒါကြောင့် ပတ်ဝန်းကျင်ကလူတွေကိုကြည့်ပြီး မနာလိုသ၀န်တိုစိတ်တွေနိုးမကြားလာပါစေနဲ့။

ယုံကြည်ဖို့ကြိုးစား
မယုံကြည်ထိုက်သူတွေရှိသလို ယုံကြည်ဖို့ထိုက်တန်သူတွေရှိပါတယ်။ ယုံကြည်မှုဆိုတာ ဆက်ဆံရေးတိုင်းရဲ့အခြေခံပါ။ ယုံကြည်မှုပျက်စီးရင် မနာလိုဝန်တိုစိတ်ဆိုတာ ၀င်လာနိုင်တာပါပဲ။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment