တစ်ဦးတည်းအချိန်ကုန်ဆုံးပါ









တစ်ယောက်တည်းအချိန်ဖြုန်းနေတာ တကယ်ပဲပျော်ရွှင်ကျေနပ်မှုရစေနိုင်ပါရဲ့လား။ တကယ်ရစေနိုင် ပါတယ်။ ပြီးတော့ အကောင်းဆုံးအလုပ်တွေဖန်တီးနိုင်တာလည်း တစ်ယောက်တည်း ရှိနေတဲ့ အချိန်မ ဟုတ်ပါလား။ တစ်ခြားလူတွေကိုမချစ်ခင် ကိုယ့်ကိုယ်ကိုယ်ချစ်တတ်ဖို့လိုတယ်။ ဒီလိုချစ်တတ်ဖို့ ကိုယ့်ကိုယ်ကိုယ် အချိန်များများပေးဖို့လိုအပ်တယ်။ ဘာကြောင့်လဲ…။

ကိုယ်လုပ်ချင်တာကို ရှာတွေ့သွားတယ်
'ပျင်းလိုက်တာ' လို့ လူတိုင်းပြောဖူးမှာပါ။ ဒါပျင်းစရာကောင်းတဲ့ ပတ်ဝန်းကျင်နဲ့ပျော်မွေ့နေတာကိုး။ တစ်ယောက်တည်းရှိနေချိန်ပျော်ရွှင်စေဖို့ကတော့ ကိုယ့်ကိုယ်စိတ်ကျေနပ်ပျော်ရွှင်စေတဲ့အလုပ်တွေလုပ်နေဖို့ပါ။

အချိန်ယူ
တစ်ယောက်တည်းရှိနေချိန် အစမှာတော့ သိပ်ပြီးအဆင်မပြေဘူးပေါ့။ ဒါပေမယ့် အချိန်ကြာတော့လည်း တစ်ယောက်တည်းရှိနေရတာ ပျော်သွားပါလိမ့်မယ်။ အဓိကကတော့ အချိန်ယူတတ်ဖို့ပါ။

စာရေး
တစ်ယောက်တည်းရှိနေချိန် လုပ်ဖို့အကောင်းဆုံးက စာရေးတာပါ။ စာရေးနေတဲ့အတွက် တစ်ခုတည်းကိုပဲ အာရုံစိုက်မိစေပြီး မငြီးငွေ့တော့ပါဘူး။ ဘာအကြောင်းရေးမလဲဆိုရင် ကိုယ်ဖန်တီးခဲ့တဲ့ အမှတ်တရလေးတွေအတွေ့အကြုံလေးတွေမျှဝေတဲ့အနေနဲ့ ပြန်ရေးကြည့်ပါ။ 

စာလေ့လာ
ကိုယ်မသိသေးတဲ့ ဘာသာရပ်တစ်ခုခုလေ့လာတာလည်း စိတ်ကိုဖြန့်ကျက်ပေးရာရောက်ပြီး နေထိုင်ရသက်သောင့်သက်သာရှိသွားစေပါလိမ့်မယ်။

လိုအပ်ပါတယ်ဆိုတာတွေမေ့ပစ်
ဘယ်သူမှမပါလို့ ရုပ်ရှင်သွားမကြည့်နိုင်ဘူးလား။ အဲဒါဆို အိမ်မှာပဲသန့်ရှင်းရေးလုပ်တာဖြစ်ဖြစ် လုပ်နေလိုက်ပါ။ တစ်ယောက်တည်းလည်းလုပ်နိုင်တယ်မဟုတ်ပါလား။ အဲဒါဆို ရုပ်ရှင်သွားကြည့်တာရော တစ်ယောက်တည်းသွားမကြည့်နိုင်ဘူးလား။ တစ်စုံတစ်ခုလုပ်ဖို့အတွက် ဘေးလူတွေလိုအပ်ပါတယ်ဆိုတဲ့စိတ်ကိုဖြေဖျောက်ထားပါ။

သီချင်းနားထောင်
ကိုယ်အကြိုက်ဆုံးသီချင်းတွေသာ နားထောင်နေရရင် ဘ၀ကနေသာထိုင်သာရှိသွားပါလိမ့်မယ်။ ဘယ်သူနဲ့မှလည်း လုနေစရာမလိုဘူး။ ဘယ်သူနဲ့မှလည်း ညှိနှိုင်းတိုင်ပင်စရာမလိုဘူးလေ။

အလုပ်ရှုပ်နေပါ
တစ်ယောက်တည်းမနေနိုင်တဲ့အကြောင်းတစ်ခုက လုပ်စရာဘာမှမရှိနေလို့ပါ။ အဲဒီတော့ ပတ်ဝန်းကျင်ကိုမေ့လျော့သွားစေဖို့အတွက် အလုပ်တွေများနေပြလိုက်ပါ။

အနာဂတ်အစီအစဉ်ဆွဲ
တစ်ယောက်တည်းရှိနေချိန်မှာ တိတ်တိတ်ဆိတ်ဆိတ်လေးနဲ့ အနာဂတ်ဘ၀လမ်းအတွက် အစီအစဉ်တွေရေးဆွဲနေရတာလည်း အရသာတစ်မျိုးပါ။ 

တိတ်ဆိတ်မှုကို ကျေးဇူးတင်ပါ
နောက်ဆုံးတိတ်ဆိတ်မှုကိုတွန်းလှန်နေမယ့်အစား သူ့ကိုကျေးဇူးတင်လိုက်ပါ။ သူ့ကြောင့်ပဲ အတိတ်၊ အနာဂတ်၊ လက်ရှိ အချိန်ကာလတွေကိုပိုပြီးသတိပြုမိလာတာမဟုတ်ပါလား။
ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment