ဂန္တ၀င်ဆန်တဲ့အမျိုးသမီးတစ်ယောက်အတွက် ဖက်ရှင်ပစ္စည်းတွေကဘာတွေများလဲ…











နှစ်စဉ်နှစ်တိုင်းမရိုးနိုင်တဲ့ ဖက်ရှင်ပွဲတွေက စိတ်လှုပ်ရှားစရာ ဒီဇိုင်းအသစ်တွေနဲ့ဆွဲဆောင်နေပေမယ့် အမြဲတမ်းဝတ်ဆင်နိုင်ဖို့ခက်ခဲပါတယ်။ အဲဒီတော့ အချိန်မရွေး၊ ရာသီမရွေးအမြဲတမ်းဝတ်ဆင်နိုင်မယ့် ဖက်ရှင်ကိုပဲစဉ်းစားရွေးချယ်ရပြီပေါ့။ အဲဒီတော့ ဂန္တ၀င်ဆန်တဲ့အမျိုးသမီးတစ်ယောက်အတွက် အမြဲတမ်းအသုံးဝင်နေစေမယ့် ဖက်ရှင်ပစ္စည်းတွေက ဘာတွေများလဲ….

ကြယ်သီးတပ်အဖြူရောင်ရှပ်အင်္ကျီ
အရည်အသွေးကောင်းရှပ်အင်္ကျီအဖြူရောင်တစ်ထည်က အလုပ်အင်တာဗျူးတွေ၊ ညစာစားပွဲတွေလိုမျိုးအတွက် ထင်သာမြင်သာနဲ့ ကျက်သရေရှိနေစေတဲ့ဝတ်စုံမျိုးပါ။ ဒါကြောင့်လည်း အမျိုးသမီးတစ်ယောက်အနေနဲ့ မရှိမဖြစ်ဆောင်ထားသင့်တာပေါ့။

အနက်ရောင်ဝတ်စုံ
ဂန္တ၀င်အဆန်တကာ့အဆန်ဆုံးတွေထဲကတစ်ခုကတော့ အနက်ရောင်ပွဲတက်ဝတ်စုံတစ်စုံပါ။ ဒင်နာသွားမလား၊ ပါတီသွားမလား၊ ဘယ်လိုမျိုးညပွဲဖြစ်စေ ဘက်စုံအသုံးဝင်နေစေပါလိမ့်မယ်။

ခါးပတ်
ဒီဇိုင်းလှလှ၊ အရည်အသွေးကောင်းတဲ့ ခါးပတ်လေးတစ်ခုကလည်း အမျိုးသမီးတစ်ယောက်အတွက် မရှိမဖြစ်ပါ။ ခါးပတ်လေးတစ်ခုကြောင့် ၀တ်ဆင်ထားတဲ့ဝတ်စုံကို ပိုပြီးစတိုင်ကျပေါ်လွင်သွားစေပါတယ်။

အပြာရောင်ဂျင်းဘောင်းဘီ
အပြာရောင်ဂျင်းဘောင်းဘီကလည်း အမျိုးသမီးတစ်ယောက်အတွက် မရှိမဖြစ်ပါ။ ထသွားထလာ ဘယ်နေရာမဆို အလွယ်တကူ ၀တ်ဆင်နိုင်သလို အကြမ်းလည်းခံစေပါတယ်။

လည်စည်းပုဝါ
တဖြတ်ဖြတ်လွင့်ပျံ့နေတဲ့လည်စည်းပုဝါလေးတစ်ထည်ကလည်း အ၀တ်ဗီရိုထဲမရှိမဖြစ်ဆောင်ထားရမယ့် အရာတစ်ခုပါ။ လည်ပင်းမှာဖက်ရှင်ကျကျစည်းထားနိုင်သလို လက်ကိုင်အိတ်မှာလည်း ချည်နှောင်ထားပြီး ဖက်ရှင်အတွက်အသုံးပြုနိုင်ပါတယ်။

လည်ရှည်ဒေါက်ဖိနပ်
လည်ရှည်ဒေါက်ဖိနပ်တစ်ရံကလည်း အခုချက်ခြင်းကြီးမဟုတ်တောင် တစ်ချိန်မှာအသုံးလိုလာနိုင်တဲ့ ပစ္စည်းဖြစ်ပါတယ်။ စီးထားလိုက်ရင် စတိုင်ကျကျနဲ့ လူအများကြားထင်ရှားပေါ်လွင်နေစေမယ့် ဖက်ရှင်အသုံးအဆောင်ပစ္စည်းပါ။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment