စိတ်ကျန်းမာမှ ဘ၀ချမ်းသာမယ်…









စိတ်ကျန်းမာရေးပြဿနာဆိုတာ လူတိုင်းထင်ထားတာထက် ပိုပြီးအလေးထားဂရုစိုက်ရမယ့်ကိစ္စတစ်ခုပါ။ နှစ်စဉ်နှစ်တိုင်း ကမ္ဘာပေါ်ကလူ ၄ ဦးမှာ တစ်ဦးက စိတ်ကျန်းမာရေးပြဿနာကြုံတွေ့နေရပါတယ်။ ပြီးတော့ စိတ်ကျန်းမာရေးပြဿနာဆိုတာက လူတိုင်းပြောချင်တဲ့ ပြဿနာလည်းမဟုတ်ပါဘူး။ အဲဒါကြောင့်လည်း စိတ်ကျန်းမာရေးထက် ရုပ်ကျန်းမာရေးကိုပဲ ဂရုစိုက်နေကြတာပါ။ တကယ်တော့ စိတ်ကျန်းမာမှ ဘ၀ ချမ်းသာမှာပါ။ အဲဒီတော့ စိတ်ကျန်းမာရေးဘယ်လိုစောင့်ရှောက်ကြမလဲ…။

ထိတွေ့ခံစားနိုင်တာတွေရှောင်
ပထမဆုံးအနေနဲ့ အရက်၊ ကဖိန်းတို့က စိတ်ပူပင်မှုတွေကိုတိုးစေပြီး စိတ်ထင်ယောင် ထင်မှားဖြစ်စေပါ တယ်။ အဲဒါကြောင့် အရက်၊ ကဖိန်းတို့လို ပစ္စည်းတွေ ဝေးဝေးရှောင်ပါ။ 

ပုံမှန်အိပ်
ပုံမှန် အနားယူဖို့လည်းကြိုးစားပေးပါ။ ဒါက စိတ်ကျန်းမာရေးအတွက် အရိုးရှင်းဆုံးနည်းလမ်းပါ။ အိပ်စက် ချိန်နည်းလေ စိတ်ဖိစီးလေဖြစ်ပြီး စိတ်ကျန်းမာရေးကိုထိခိုက်စေပါတော့တယ်။

လေ့ကျင့်ခန်းလုပ်
သန့်ရှင်းလတ်ဆတ်တဲ့လေကိုရှူရင်း လေ့ကျင့်ခန်းလုပ်ပေးခြင်းက စိတ်ကိုလန်းဆန်းစေပြီး စိတ်ဖိစီးမှုကို တိုက်ထုတ်ပေးပါတယ်။ စိတ်ဖိစီးမှုကင်းစင်တာ စိတ်ကျန်းမာရေးတစ်ခုပါပဲ။

သင့်တင့်မျှတအောင်စား
စိတ်ကျန်းမာရေးနဲ့ အစားအသောက်ကလည်း ဆက်စပ်နေပါတယ်။ အိပ်စက်ချိန်နည်းပါးလာတဲ့အခါ စိတ်ဖိစီးလာပြီး အစားအသောက်ပျက်ရတဲ့အတွက် စိတ်ကိုထိခိုက်စေပါတော့တယ်။ အသင့်စား အစား အစာတွေ၊ ဆီကြော်မုန့်တွေကတော့ ဝေးဝေးရှောင်ပါ။

အကူအညီတောင်းပါ
စိတ်ကျန်းမာရေးဆိုးရွားသွားရတဲ့အကြောင်းတစ်ခုကတော့ အကူအညီတောင်းခံဖို့ရှက်ရွံ့နေတာကြောင့်ပါ။ ဘယ်တော့မှ မရှက်ရွံ့ပါနဲ့။ ပတ်ဝန်းကျင်ကမိတ်ဆွေသူငယ်ချင်းတွေနဲ့ အတတ်နိုင်ဆုံးတိုင်ပင်ဆွေးနွေးပါ။

သူငယ်ချင်းများနဲ့အချိန်ကုန်ဆုံး
စိတ်ဖိစီးနေတယ်၊ စိတ်ဓာတ်ကျနေတယ်လို့ခံစားရတိုင်း သူငယ်ချင်းတွေဆီပွင့်ပွင့်လင်းလင်း အကူအညီတောင်းပါ။ တစ်ယောက်တည်းကြိတ်ပြီးခံစားမနေပါနဲ့။ ပိုဆိုးလာနိုင်ပါတယ်။

ကိုယ့်ကိုယ်ကိုယ်ပျော်ရွှင်ဖို့ကြိုးစား
စိတ်ဓာတ်ကျ စိတ်အားငယ်နေတိုင်း မှိုင်တွေမနေပါနဲ့။ ကိုယ့်ကိုယ်ကိုယ်ပျော်ရွှင်တာလေးတွေ ကြိုးစားကြည့်ပါ။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment