သဘာဝကျကျအသားအရေလှချင်ရင် …












အသားအရေအမျိုးအစား တစ်ယောက်နဲ့တစ်ယောက်မတူကွဲပြားသလို အသားအရေပြနာတွေ လည်း ကွဲပြားကပါတယ်။ မေးခွန်းကတော့ တောက်ပသန့်ရှင်းတဲ့အသားအရေကို ဘယ်လိုပိုင်ဆိုင်ဖို့ ဘယ်လို ကြိုးစားမလဲဆိုတာပါ။ သေချာတာတော့ ဘယ်သူမှမွဲခြောက်နေတဲ့အသားအရေ မလိုချင်ကြပါဘူး။ တင်းတိပ်၊ မှဲ့ခြောက်တွေထူပြောတဲ့ မျက်နှာပြင်ကိုမလိုချင်ကြပါဘူး။ အဲဒီတော့ သဘာဝအတိုင်း တောက်ပနေတဲ့ အသား အရေပိုင်ဆိုင်ဖို့ ဘယ်လိုကြိုးစားကြမလဲ။

အသင့်စားအစားအစာတွေရှောင်
အသင့်စားအစားအစာတွေထဲမှာပါတဲ့ အဆီနဲ့သကြားဓာတ်က အသားအရေကိုအဆီပြန်စေပါတယ်။ မွဲပြီး တင်းတိပ်တွေထွက်လာစေပါတယ်။ ဒီလိုအစားအစာတွေ ပုံမှန်စားမယ်ဆိုရင် အသားအရေတင်မက ကျန်းမာရေးပါ ထိခိုက်စေလာပါလိမ့်မယ်။

ရာသီဥတုသတိပြု
ဆောင်းရာသီရဲ့ အေးမြတဲ့လေထုနဲ့ နေ့ဘက်ပြင်းထန်တဲ့ နေရောင်ခြည်က အသားအရေကို ပျက်စီး စေပါတယ်။ အဲဒါကြောင့် ဘယ်သွားသွား Sunscreen လိမ်းပြီးမှ အပြင်ထွက်တာ အကောင်းဆုံးပါ။

အိပ်ရာမ၀င်ခင်မိတ်ကပ်ဖျက်
အိပ်စက်နေချိန် မျက်နှာပြင်ပေါ်မှာ ချွေးနဲ့သဘာဝအဆီတွေ ထွက်လာပါတယ်။ မိတ်ကပ်မဖျက်ဘဲ အိပ်တဲ့အခါ ချွေးပေါက်တွေပိတ်လာပြီး မှဲ့ခြောက်နဲ့ အမည်းစက်တွေ ထွက်လာစေပါတော့တယ်။

ကြေးချွတ်
ကြေးချွတ်ခြင်းက မျက်နှာပြင်ဆဲလ်အသေလေးတွေ ဖယ်ရှားပေးပါတယ်။ အရေပြားဆီ သွေးလည် ပတ်မှုကောင်းစေပြီး အသားအရေကို ကျန်းမာစေပါတယ်။

ဆံပင်ကိုအနောက်စည်းထား
ခေါင်းလျှော်ပြီးကာစ ဆံပင်မှာတောင်အဆီရှိပါတယ်။ အဲဒါကြောင့် အိပ်စက်တဲ့အချိန်တိုင်း ဆံပင်ကို နောက်လှန်စည်းထားပြီးမှ အိပ်ပါ။

ရေများများသောက်
ရေများများသောက်တဲ့အတွက် ခန္ဓာကိုယ်က အဆိပ်အတောက်တွေကို ဆီးကနေတစ်ဆင့်စွန့်ထုတ် လိုက်ပြီး အသားအရေကိုကြည်လင်သန့်ရှင်းစေပါတယ်။

ပုံမှန်အိပ်
အိပ်စက်ချိန်မမှန်တာကလည်း အသားအရေကို မွဲခြောက်စေပါတယ်။ အိပ်ရေးပျက်လာလေ အသားအရေက မွဲခြောက်လာလေပါ။ အဲဒါကြောင့် ပုံမှန်အိပ်စက်ပေးပါ။

ဝဿန်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment