ညအိပ်ရာဝင်ခါနီး အသားအရေဘယ်လိုထိန်းသိမ်းကြမလဲ …









အသားအရေထိန်းသိမ်းမှုနည်းစနစ်နဲ့ ပတ်သက်ပြီး ဘာပြီးရင် ဘာလုပ်စသည်ဖြင့် အဆင့်ဆင့်တွေ ကြားဖူးမြင်ဖူးကြမှာပါ။ အားလုံးက ကိုယ့်အလုပ်နဲ့ကိုယ်ရှုပ်နေကြတဲ့လူတွေပါ။ အဆင့်အာလုံးတော့ ဘယ် တတ်နိုင်ပါ့မလဲ။ ဒါပေမဲ့လည်း ညအချိန်က အသားအရေကိုကောင်းကောင်း အားဖြည့်ပြုပြင်ပေးနေတဲ့ အချိန်ဖြစ်တဲ့အတွက် အဆင့်ဆင့်အသားအရေထိန်းသိမ်းမှုက အရေးကြီးနေပြန်ပါတယ်။ အဲဒီတော့ ညဘက် အိပ်ရာဝင်ခါနီး အသားအရေဘယ်လိုထိန်းသိမ်းကြမလဲ။

မိတ်ကပ်ဖျက်
မိတ်ကပ်တွေနဲ့ ညအိပ်တာ အရေပြားအတွက် တကယ့်အန္တရာယ်ပါ။ ချွေးပေါက်တွေကို ပိတ်ဆို့ပြီး အရေပြားအသက်ရှုနိုင်စွမ်း၊ ကျုံ့နိုင်လျော့နိုင်စွမ်းကိုလျော့စေကာ အရေးကြောင်းတွေဖြစ်လာစေတဲ့အတွက် မိတ်ကပ်ဖျက်ဖို့အရေးကြီးဆုံးပါ။

မျက်နှာပေါင်းတင်ကပ်ခွာသုံး
မိတ်ကပ်ဖျက်ပြီးတဲ့အခါ မျက်နှာအသားအရေနဲ့လိုက်ဖက်တဲ့ ပေါင်းတင်ကပ်ခွာသုံးပေးပါ။ မီးသွေးနဲ့ လုပ်ထားတဲ့ပေါင်းတင်ကပ်ခွာက မျက်နှာပေါ်ကအညစ်အကြေးတွေကို စုပ်ယူသွားပြီး အသားအရေကို သန့်ရှင်း စေပါတယ်။

Cleanser သုံး
မျက်နှာပေါင်းတင်ကပ်သွားပြီးတဲ့အခါ အဆီအခြေခံထုတ်ထားတဲ့ Cleanser သုံးပေးပါ။ အဆီပါဝင် တဲ့အတွက် အရေပြားရဲ့အဆီဓာတ်ကိုပါ ထိန်းညှိပေးပါတယ်။ မျက်နှာကိုခြောက်သွေ့ခြင်းကင်းစေပါတယ်။

ကြေးချွတ်
သန့်စင်ခြင်းအဆင့်ပြီးတဲ့အခါမှာတော့ ကြေးချွတ်ဖို့လိုပါပြီ။ Lactic Acid, Glycolic Acid, Salycilic Acid ပါဝင်တဲ့ ကြေးချွတ်ဆေးသုံးပေးပါ။ မျက်နှာပေါ်က ဆဲလ်အသေတွေကို ဖယ်ရှားရှင်းလင်းပေးပါတယ်။

တိုနာသုံး
တိုနာက အရမ်းကြီးအသုံးလို လှတယ်မဟုတ်ပေမယ့် မျက်နှာပေါ်မှာကျန်ခဲ့တဲ့ မိတ်ကပ်နဲ့အညစ် အကြေးအကြွင်းအကျန်တွေကို နောက်ဆုံးအဆင့် ဖယ်ရှားရှင်းလင်းပေးလိုက်ပါတယ်။ အသားအရောင် ညီညာစေပြီး အရေပြားနီရဲခြင်းသက်သာစေသလို ရေဓာတ်ကိုထိန်းသိမ်းပေးပါတယ်။

အစိုဓာတ်ဖြည့်ပေး
အရေးကြီးဆုံးအဆင့်ပါ။ အစိုဓာတ်ဖြည့်ပေးပြီး အိပ်စက်တဲ့အတွက် နံနက်နိုးထလာတဲ့အခါ အရေပြားကို တင်းတင်းရင်းရင်းလေးနဲ့ လှပနုပျိုနေစေပါတယ်။ အသားအရေအမျိုးအစားပေါ်မူတည်ပြီး ရွေးချယ်သုံးစွဲပေးပါ။

ရေတစ်ဖန်ခွက်သောက်
အားလုံးပြီးဆုံးသွားတဲ့အခါမှာတော့ ညအိပ်ရာဝင်ခါနီး ရေတစ်ဖန်ခွက်သောက်ပေးပါ။ ညအိပ်စက်ချိန် ရေဆာတာကြောင့် အရေပြားခြောက်သွေ့ခြင်း ကင်းစေပါလိမ့်မယ်။

န်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 



Share on Google Plus

0 comments:

Post a Comment