ဖက်ရှင်ကျကျနဲ့ လေယာဉ်စီးမယ်…










လေယာဉ်အကြာကြီးစီး ကားအကြာကြီးစီးရတာ အသားအရေနဲ့ဆံပင်ကိုညှိုးနွမ်းစေပါတယ်။ အဲဒါဆို ရုပ်ရှင်ဇာတ်ကားတွေထဲကမိန်းကလေးတွေ လေယာဉ်ပေါ်ကနေထွက်လာတော့ Beauty Saloon ကနေထွက်လာသလို လှလှပပလေး ဘယ်လိုထွက်လာကြသလဲ။ နည်းလမ်းကောင်းလေးတွေရှိပါတယ်။ 

လေယာဉ်မစီးခင်ပေါင်းတင်
လေယာဉ်ကိုယ်ထည်ထဲက အေးပြီးခြောက်သွေ့တဲ့လေက ဆံသားကအစိုဓာတ်ကိုစုပ်ယူပြီး ခြောက်သွေ့ကြမ်းတမ်းသွားစေပါတယ်။ အဲဒီတော့ လေယာဉ်မစီးခင် တစ်ညအလိုကတည်းက ဆံကေသာပေါင်းတင်တာမျိုးလုပ်ပေးပါ။
ရေများများသောက်
နောက်တစ်ချက်ကတော့ ရေများများသောက်ပေးဖို့ပါ။ ခန္ဓာကိုယ်တွင်းရော အသားအရေပါ အစိုဓာတ်ဖြည့်ပေးဖို့ ရေများများသောက်ပေးပါ။
နေရောင်ကာလိမ်းဆေးသုံး
ကောင်းကင်နဲ့ပိုပြီးနီးနေတဲ့အတွက် နေရောင်ခြည်နဲ့လည်း ပိုနီးစပ်ပြီးအသားအရေအတွက် အန္တရာယ်ပိုများပါတယ်။ အဲဒါကြောင့် ၂ နာရီတိုင်းတစ်ကြိမ် နေရောင်ကာလိမ်းဆေးသုံးပေးပါ။
မိတ်ကပ်မလိမ်းနဲ့
မိတ်ကပ်လိမ်းပြီးလေယာဉ်စီးတာက မိတ်ကပ်လိမ်းပြီးညအိပ်သလိုပဲ အသားအရေအတွက် အန္တရာယ်ရှိပါတယ်။ အဲဒီတော့ အသားအရေကိုစိုပြေနေအောင် အလှဆီလေးသာလိမ်းထားပေးပါ။
ခရီးဆောင်ပစ္စည်းအရွယ်လေးသာသုံး
လေကြောင်းလိုင်းတွေက တစ်ချို့သောပစ္စည်းတွေတင်ဖို့ တင်းကျပ်ထားပါတယ်။ အဲဒီတော့ မသွားခင်ကိုယ်စီးမယ့်လေကြောင်းလိုင်းရဲ့သတိပေးချက်တွေကိုဖတ်ထားပြီး လိုအပ်ရင် ခရီးဆောင်အရွယ်လေးတွေသာသုံးပါ။

လည်စည်းပုဝါဆောင်
လေယာဉ်ပေါ်မှာအိပ်မယ်ဆိုတိုင်း ဆံပင်ပုံမပျက်သွားစေဖို့ ပုဝါလေးနဲ့ ခပ်ဖွဖွစည်းနှောင်ပြီးမှအိပ်ပါ။

လက်သန့်စင်ဆေးဆောင်
လက်သန့်စင်ဆေး ဒါမှမဟုတ် Wet Tissue တွေက လေယာဉ်စီးမယ့်လူတိုင်း မပါမဖြစ်ဆောင်သွားရမယ့်ပစ္စည်းပါ။ ကိုယ့်ကိုယ်ကိုယ်သန့်စင်ဖို့ရော၊ ကိုယ့်ထိုင်ခုံသန့်စင်ဖို့အတွက်ပါ အသုံးဝင်ပါလိမ့်မယ်။

Crystal
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment