မိုးရေစက်တွေကြားမှာ မြင်သူတိုင်းငေးကြည့်စေဖို့













နွေရာသီတစ်ခုလုံး ပူပြင်းခြောက်သွေ့လာခဲ့သမျှ မိုးရာသီမှာ မြင်မြင်သမျှတို့က စိမ်းလန်းစိုပြည်ပြီး သစ်လွင်နေပါတော့တယ်။ ဒါပေမယ့် မိုးရွာနေတုန်းမှာ စိုစိုရွှဲရွှဲနဲ့ အပြင်သွားအလုပ်လုပ်ဖို့ကတော့ လုံးဝမနှစ်မြို့စရာတစ်ခုဖြစ်ပါတယ်။ အဲဒီလိုအချိန်မျိုးဆို အိမ်မှာကော်ဖီပူပူလေးတစ်ခွက်နဲ့ မိုးရွာတာကိုခံစားရတာ လူတိုင်းလိုချင်တဲ့ ဇိမ်ယူမှုတစ်မျိုးပါ။ ဒါပေမယ့်လည်း ဒါက အမြဲတမ်းဖြစ်နိုင်တာ မဟုတ်ပါဘူး။

အလှအပနဲ့ ဖက်ရှင်ကိုဦးစားပေးနေကြတဲ့ ကိုကို၊ မမတွေအတွက်တော့ မိုးလရာသီဟာ ပြဿနာကြီးတစ်ခုဖြစ်ပါတယ်။ မိုးရာသီမှာ ကိုကို၊ မမတွေ အစိုးရိမ်ဆုံးကတော့ အ၀တ်အစားဖြစ်ပါတယ်။ အ၀တ်အစားတွေဟာ မိုးရာသီမှာ ဖားဥတက်ခြင်း၊ ရွှံ့ဗွက်များပေရေစွန်းထင်းခြင်း စတာတွေပါ။ အကောင်းဆုံးကာကွယ်မှုကတော့ မိုးကာဝတ်ဆင်ခြင်း၊ ထီးဆောင်းခြင်းတို့ပဲဖြစ်ပါတယ်။ ကိုယ်နဲ့လိုက်ဖက်တဲ့ ထီး၊ မိုးကာတို့ အသုံးပြုပြီး မိုးရေထဲမှာ စတိုင်ကျလှပနိုင်ပါတယ်။
မိုးကာ၊ ထီးတို့နဲ့တင် စတိုင်ကျပြီးရောလားဆို မပြီးသေးပါဘူး။ ပိုပြီးစတိုင်ကျလှပဖို့ အခုပြောပြမယ့် အချက်လေးတွေကိုလည် ဖတ်ကြည့်ပါဦး။

မိုးရာသီရောက်ပြီဆိုတာနဲ့ ယခင်ကစီးခဲ့တဲ့ဖိနပ်တွေကို သန့်ရှင်းအောင်ပြုလုပ်ပြီး သိမ်းထားလိုက်ပါ။ အဲဒီဖိနပ်တွေအစား ကတ္တီပါဖိနပ်က မိုးရာသီမှာရေစိုပြီး တစ်နေကုန်ဝတ်ဆင်ထားခြင်းဖြင့် ဖျားနာစေပါတယ်။ ၄င်းဖိနပ်တွေအစား ဘွတ်ဖိနပ်၊ ဂျပန်ဖိနပ်တို့ကို အသုံးပြုပေးပါ။ အခုဆိုရင် မိုးတွင်းစီးဖိနပ်လေးတွေက အရောင်စုံ၊ ဒီဇိုင်းစုံ၊ စတစ်ကာလှလှလေးများနဲ့ ဈေးကွက်ထဲမှာရောင်းချပြီဖြစ်တဲ့အတွက် နှစ်သက်ရာရွေးချယ်ပြီး စတိုင်ကျလှပနိုင်ပါတယ်။
မိုးရာသီမှာ အရောင်တောက်ပတဲ့ အ၀တ်အစားများဝတ်ဆင်ပေးပါ။ ၄င်းတို့က သင့်ကိုတက်ကြွပျော်ရွှင်စေပါလိမ့်မယ်။

မိုးရာသီမှာ သွားလေရာ ပလတ်စတစ်အိတ်တစ်လုံး ယူဆောင်သွားခြင်းက အကောင်ဆုံးဖြစ်ပါတယ်။ ပလတ်စတစ်အိတ်က ရေစိုခံဖြစ်တဲ့အတွက် စိုရွှဲနေတဲ့ထီး၊ မိုးကာတို့ကိုထည့်ပြီး သယ်ဆောင်ဖို့ အကောင်းဆုံးပါ။

မိုးရာသီအတွက် နောက်ထပ်ပြဿနာတစ်ခုကတော့ ဆံကေသာဖြစ်ပါတယ်။ မိုးရာသီမှာ လွန်ကဲတဲ့ အစိုဓာတ်က ဆံသားကိုအရောင်မှေးမှိန်စေခြင်း၊ မာခေါက်ခေါက်ဖြစ်စေခြင်း၊ ဆံသားရှုပ်ထွေးခြင်း၊ ဆံပင်ကျွတ်ခြင်းတို့ကိုဖြစ်ပေါ်စေပါတယ်။
ဒါကြောင့်မို့ ဆောင်ရန်ရှောင်ရန်လေးတွေကို လက်ဆင့်ကမ်းဝေမျှပါရစေ။
- ခေါင်းလိမ်းဆီ၊ ဆံပင်ပုံသွင်း ဂျယ်လ် အသုံးပြုခြင်းကို အတတ်နိုင်ဆုံးလျော့ချပါ။
- ခေါင်းလျှော်ရည်အပျော့နှင့် Conditioner အသုံးပြုပေးပါ။
- ပုံမှန်ခေါင်းလျှော်ပေးပါ။
- ရေများများသောက်ပေးပါ။
- ပရိုတင်းဓာတ်ကြွယ်ဝတဲ့ အစားအစာများ၊ သစ်သီးများနှင့် ဟင်းသီးဟင်းရွက်များများစားသုံးပေးပါ။
မိုးရာသီမှာဖြစ်ပေါ်တတ်တဲ့ နောက်ပြဿနာတစ်ခုကတော့ အသားအရေဖြစ်ပါတယ်။ လွန်ကဲတဲ့ အစိုဓာတ်ကြောင့် အသားအရေက အဆီပြန်ခြင်း၊ ညစ်နွမ်းခြင်း၊ ၀က်ခြံထွက်ခြင်းတို့ ဖြစ်ပေါ်တတ်ပါတယ်။
- တစ်ပတ် နှစ်ကြိမ်ခန့် မျက်နှာကိုချေးချွတ်ပေးပါ။
- အစိုဓာတ်အလွန်များတဲ့ ခရင်မ်တွေ၊ အဆီပါတဲ့မိတ်ကပ်တွေ အသုံးပြုခြင်းရှောင်ကြဉ်ပါ။
- သစ်သီးများရဲ့ အဆီအနှစ်ဖြင့်ပြုလုပ်ထားသော မျက်နှာသန့်စင်ဆပ်ပြာ နေ့စဉ်အသုံးပြုပေးပါ။
- အသားအရေကိုတောက်ပစေတဲ့ Brightening toner အသုံးပြုပေးပါ။ တိုနာအသုံးပြုခြင်းအားဖြင့် ချွေးပေါက်များကိုကျဉ်းစေပြီး အရေပြားရဲ့အစိုဓာတ်ကိုလည်း ထိန်းညှိပေးပါတယ်။
အခုပြောပြခဲ့တဲ့အချက်လေးတွေကို မှန်မှန်ဆောင်ရွက်ပေးခြင်းဖြင့် မိုးရာသီမှာ လူတကာနဲ့မတူတဲ့ အသားအရေနဲ့ စတိုင်ကျလှပနိုင်ကြပါစေ။

Crystal
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment