ဘာကြောင့်စာဖတ်သင့်သလဲ…








ဘယ်အချိန်တုန်းကများ ထိုင်ခုံတစ်လုံးပေါ်ထိုင်ပြီး စာအုပ်တစ်အုပ်ကို သဲသဲမဲမဲဖတ်ခဲ့ပါသလဲ။ စာအုပ်ဆိုလို့ သတင်းစာတွေ၊ ဂျာနယ်၊ အလှအပဖက်ရှင်မဂ္ဂဇင်းတွေကို မဆိုလိုပါဘူး။ စာအုပ်တစ်အုပ်ကို မျက်နှာဖုံးကနေအဆုံးအထိ သေသေချာချာဖတ်ခဲ့ဖူးတာကိုပြောတာပါ။ တကယ်တော့ စာဖတ်တာက အသိဉာဏ်ဗဟုသုတတိုးရုံတင်မကပါဘူး။ သူ့ရဲ့ကောင်းကွက်တွေ အများကြီးရှိနေပါတယ်။

စိတ်ဖိစီးမှုလျော့ချပေးတယ်
ဝတ္ထုကောင်းကောင်းတစ်ပုဒ်က ကိုယ်အကျွမ်းမ၀င်သေးတဲ့ တစ်ခြားကမ္ဘာထဲကိုဆွဲခေါ်သွားပြီး စိတ်ဖိစီးမှုအတွက် အကောင်းဆုံးဆေးတစ်လက်ဖြစ်ပါတယ်။ နေ့တစ်နေ့ချင်းစီရဲ့ စိတ်ဖိစီးမှုတွေက ကိုယ့်စိတ်ကိုတင်းကျပ်ရှုပ်ထွေးစေတဲ့အတွက် စာအုပ်ဖတ်လိုက်တာက စိတ်ကိုပြေလျော့စေပါတယ်။ 

ဝေါဟာရကြွယ်ဝစေတယ်
စာဖတ်ခြင်းရဲ့ ကောင်းကျိုးတစ်ခုကတော့ ဝေါဟာရပိုပြီး ကြွယ်ဝစေတာပါ။ ဘ၀အခက်အခဲတွေကြုံတဲ့အခါ ဒီပင်ပန်းဆင်းရဲမှုကိုဖော်ပြဖို့ စကားလုံးရှာဖွေတဲ့အခါ စာဖတ်ခြင်းကအကောင်းဆုံးအဖြေပါပဲ။ ဝေါဟာရကြွယ်ဝတဲ့အတွက် ကိုယ့်ကိုယ်ကိုယ်ယုံကြည်မှုတိုးလာမယ်။ မြင်သမျှကြားသမျှကို ကောင်းကောင်းဖော်ပြတတ်လာမယ်။

လူတွေကိုပိုနားလည်လာမယ်
လူတွေရဲ့အတွေ့အကြုံတွေ အခက်အခဲတွေကို စာဖတ်ခြင်းကနေ သိမိလေ့လာမိတဲ့အခါ လူတွေအကြောင်းပိုနားလည်လာပါတယ်။ များများဖတ်လေ များများနားလည်ပြီး မကောင်းသူတွေကို ဝေးဝေးရှောင်လာနိုင်လေပါ။

ရည်မှန်းချက်ပိုကြီးမားလာစေတယ်
စာများများဖတ်လေ ကိုယ်ဘာဖြစ်ချင်တယ်ပိုပြီးပြတ်သားထင်ရှားလာလေပါ။ အဲဒါကြောင့် ရည်မှန်းချက်ကိုရောက်ဖို့ ပိုပြီးကြိုးစားလာတယ်။ ကြိုးစားလေ ပိုပြီးအားမာန်တွေတက်ကြွလာလေပါ။

အသိဉာဏ်ကြွယ်ဝလာမယ်
ဘယ်စာအုပ်ဖတ်ဖတ် အသိတရားလေးတစ်စုံတစ်ရာတော့ ရလိုက်မှာသေချာပါတယ်။ ပေါ့ပေါ့ပါးပါး အချစ်ဝတ္ထုလေးတစ်ပုဒ်ကတောင် အချစ်ရေး၊ အိမ်ထောင်ရေးနဲ့ပတ်သက်ပြီး သင်ခန်းစာတစ်ခုရမှာသေချာပါတယ်။ 

အာရုံစူးစိုက်မှုပိုကောင်းလာမယ်
တစ်ခါတစ်ရံ စာအုပ်တွေများလွန်းတာကြောင့် တစ်စုံတစ်ခုကို ငြိမ်ငြိမ်လေးထိုင်ပြီး အာရုံစိုက်ဖို့ မေ့လျော့နေပါတော့တယ်။ စာအုပ်ဖတ်နေချိန်မှာတော့ စာမျက်နှာပေါ်က စာလုံးတစ်လုံးချင်းစီကို ငြိမ်ငြိမ်လေးထိုင်ပြီးစဉ်းစားရပါတော့တယ်။

နှစ်ခြိုက်စွာအိပ်ပျော်စေတယ်
ညဘက်အိပ်ရာဝင်ခါနီး စာအုပ်ဖတ်တတ်တဲ့အလေ့အထက နှစ်နှစ်ခြိုက်ခြိုက်အိပ်ပျော်ဖို့ ကူညီပေးပါ လိမ့်မယ်။ ရုပ်မြင်သံကြားကြည့်တာ Facebook သုံးတာမျိုးက အိပ်စက်တာကိုအနှောက်အယှက်ဖြစ်စေပါလိမ့်မယ်။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment