နှစ်သစ်မှာ ခန္ဓာသွယ်လျကျစ်လျစ်နေဖို့ ဘာတွေလုပ်ရမလဲ












လူတိုင်း နှစ်ဟောင်းကုန်ခါနီး နှစ်သစ်စတော့မယ်ဆိုရင် လူတိုင်းနှစ်သစ်အတွက် အစီအစဉ်တွေဆွဲကြမြဲပါ။ ဒါပေမဲ့လည်း ဇန်န၀ါရီလတောင်မကုန်သေးဘူး၊ အစီအစဉ်တွေကလွဲချော်လာပြီ။ မတ်လလောက်ရောက် တဲ့အခါမှာတော့ ကိုယ်ဘာဆုံးဖြတ်ချက်ချခဲ့တယ်ဆိုတာ မေ့လျော့လုနီးပါးပါဘဲ။ လောလောဆယ်မှာတော့ နှစ်သစ်ကျရင် ခန္ဓာကိုယ်လေးလှနေအောင် ဘယ်လိုကြိုးစားမယ်ဆိုပြီး ကိုယ့်ကိုယ်ကိုယ်လည်းပြောတယ်။ မိသားစုသူငယ်ချင်းတွေကိုလည်းပြောတယ်။ ပြီးတော့ ကိုယ်မသိသေးတဲ့လူတွေလည်းသိအောင် Facebook လို Social Media တွေမှာ Status တွေတင်ကြတယ်။ 

ကိုယ်မျှော်လင့်တဲ့အတိုင်းဖြစ်မလာတာတွေအတွက် အကြောင်းပြချက်တွေကအများကြီးပါ။ သေသေချာချာ အစီအစဉ်မဆွဲထားတာကြောင့်လည်း ဖြစ်နိုင်တယ်။ အစီအစဉ်တွေမှားယွင်းနေတာကြောင့် လည်းဖြစ်နိုင် တယ်။ အဲဒီတော့ ကိုယ်မျှော်လင့်ထားတဲ့အတိုင်း ခန္ဓာကိုယ်လှလှလေးပိုင်ဆိုင်ဖို့ ဘယ်လိုကြိုးစားကြမလဲ…

နှစ်သစ်ဆိုတာ မျှော်လင့်မနေနဲ့
တစ်ခြားလူတွေလိုပဲ နှစ်သစ်မှာ အစီအစဉ်သစ်တွေအကောင်အထည်ဖော်ဖို့ စိတ်ကူးနေရင် ပျက်စီးဖို့ အသေအချာပါပဲ။ ဒါဘာကြောင့်လဲဆိုတော့ စိတ်ကူးတွေမြင့်မားလွန်းနေတာလည်းဖြစ်နိုင်တယ်။ စိတ်ကိုအလိုလိုက်မိတာတွေကြောင့်လည်းဖြစ်နိုင်တယ်။ အဲဒီတော့ 'နှစ်သစ်မှ' ဆိုတာတွေ မျှော်လင့်မနေပါနဲ့တော့။ ချက်ခြင်းစတင်လိုက်ပါ။

စိတ်ရှည်ပါ
'စိတ်ရှည်ပါ' ဆိုတာ ကြားရလွန်းလို့ ရိုးနေလောက်ပါပြီ။ ဒါပေမဲ့ ရောမမြို့ကြီးကို တစ်ရက်တည်းနဲ့ တည်ဆောက်ခဲ့တာမှမဟုတ်တာအသိပဲ။ ကျစ်လစ်သွယ်လျတဲ့ ခန္ဓာကိုယ်ပိုင်ဆိုင်ဖို့ အချိန်လိုပါတယ်။ အားထုတ်မှုလိုပါတယ်။ အဲဒီတော့ လက်ရှိစတင်နိုင်တဲ့ အခြေအနေလေးတွေကို ကျေနပ်စိတ်ရှည်လိုက်ပါ။

ပါးနပ်ပါ
ခန္ဓာကိုယ်လှချင်တယ်ချည်းအော်နေလို့ ဘာမှအဓိပ္ပါယ်မရှိပါဘူး။ ဘယ်အတိုင်းအတာလောက် ကျစ်လျစ် ချင်တာလဲ၊ အချိန်ဘယ်လောက်အတွင်းမှာလဲ။ ရည်မှန်းချက်တွေပြည့်မြောက်ဖို့ ကိုယ်လိုချင်တာတွေကို ရှင်းရှင်းလင်းလင်းသိထားဖို့လိုပါတယ်။

ကိုယ့်ကိုယ်ကိုယ်ကြင်နာပါ
ဒီနေ့လေ့ကျင့်ခန်းလုပ်စိတ်မရှိတာတောင် လုပ်ဖို့လိုအပ်ပါသလား။ မလိုပါဘူး။ ဘာဖြစ်ရမယ်ဆိုပြီး ရည်မှန်းချက်ချလိုက်တဲ့အတွက် ကိုယ့်ကိုယ်ကိုယ်စက်ရုပ်တစ်ရုပ်အသွင်ပြောင်းသွားစရာမလိုပါဘူး။ 

ကိုယ့်အစားအသောက်ကိုယ်သတိပြု
ခန္ဓာကိုယ်ကျစ်လျစ်သွယ်လျဖို့ မှန်ကန်တဲ့အစားအသောက်လည်းလိုပါတယ်။ တစ်နေ့တာလုံး ကိုယ်စားသမျှ ထမင်း၊ ဟင်း၊ သွားရည်စာ စတာတွေကို စာရင်းထုတ်ပါ။ ဘယ်ဟာတွေက ကျန်းမာရေးနဲ့ ညီတယ် မညီဘူးဆိုတာတွေဆန်းစစ်ပါ။

Crystal
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment