ပြစ်မျိုးမှဲ့မထင် အသားအရေပိုင်စေချင်











ဝက်ခြံ၊ မှဲ့ခြောက်၊ အမာရွတ်၊ အမည်းစက်တွေက ပြစ်မျိုးမှဲ့မထင် အသားအရေအတွက် ရန်သူပါ။ မျက်နှာလေး အပြစ်ကင်းစင်နေစေဖို့ အလျင်အမြန် မိတ်ကပ်တွေနဲ့ ဖုံးကြတယ်။ ဒါပေမဲ့ သုံးစွဲပုံမှားယွင်းနေ တော့ ဘာမှမထူးခြားလာပါဘူး။ အဲဒီတော့ ပြစ်မျိုးမှဲ့မထင် အသားအရေလေးပိုင်ဆိုင်ဖို့ မိတ်ကပ်ဘယ်လို လိမ်းကြမလဲ။

နေရောင်ကာပါ အလှဆီသုံး
မိတ်ကပ်မသုံးခင် နေရောင်ဒဏ်ကာကွယ်နိုင်စွမ်းပါဝင်တဲ့ အလှဆီသုံးပေးပါ။ အလှဆီသုံး ပေးတဲ့အတွက် မိတ်ကပ်သားဆွဲရတာ ပိုပြီးချောမွေ့နေပါလိမ့်မယ်။

မိတ်ကပ်အောက်ခံသုံး
အရေပြားအစိုဓာတ်ဖြည့်ပြီးနောက်မှာတော့ မိတ်ကပ်လိမ်းတဲ့အခါ ပိုပြီးလှပစေဖို့ မိတ်ကပ် အောက်ခံသုံးပေးပါ။ မိတ်ကပ် အောက်ခံသုံးပေးတဲ့အတွက် အရေပြားကိုမိတ်ကပ်မှ အန္တရာယ်ရှိ ဓာတ်ပစ္စည်းတွေကနေ အတိုင်းအတာတစ်ခုအထိ ကာကွယ်ပြီးဖြစ်စေပါလိမ့်မယ်။

ကွန်ဆယ်လာသုံး
မျက်ကွင်းညိုတာတွေ အမည်းစက်တွေကို ကွန်ဆယ်လာလေးသုံးပြီး ဖုံးဖိပေးပါ။ ကွန်ဆယ် လာသုံးတဲ့အခါ လက်ထိပ်လေးနဲ့ ခပ်ပါးပါးလေးသုံးပေးပါ။

ဖောင်ဒေးရှင်းရွေးချယ်ရာဝယ်
သဘာဝအတိုင်းလှပတဲ့ အသားအရေပိုင်ဆိုင်ဖို့ Silicon ပါ ၀င်တဲ့ ဖောင်ဒေးရှင်းအရည်မျိုး ရွေးချယ်ပါ။ တောက်ပနေစေတဲ့၊ ခြောက်သွေ့တဲ့ ဒါမှမဟုတ် စိုစွတ်လွန်းတဲ့ဖောင်ဒေးရှင်းမျိုးရှောင်ပါ။

ဖောင်ဒေးရှင်းလိမ်းတဲ့အခါ
နှဖူး၊ ပါး၊ နှာခေါင်း၊ မေးစေ့တို့မှာ အစက်ကလေးတစ်စက်စီချပြီး ရေမြုပ်၊ Beauty Blender လေးနဲ့ ခပ်ဖွဖွလေးပွတ်ပေးပါ။ မျက်နှာရဲ့အတွင်းဘက်ကနေ အပြင်ဘက်ကို ခပ်ဖွဖွလေးဆွဲချပါ။

မိတ်ကပ်သားလေးညီညာစေဖို့
မျက်နှာပေါ်က ပိုလျှံနေတဲ့မိတ်ကပ်တွေဖယ်ရှားပြီး မိတ်ကပ်သားညီညာနေစေဖို့ ရေမြှပ်အစို လေးကိုသုံးပေးပါ။ မိတ်ကပ်ထူတဲ့နေရာတွေကို ပြေပြေလေးဖြစ်အောင်ပွတ်ချပါ။

ပါးနီသုံး
သဘာဝအတိုင်းတောက်ပတဲ့ မျက်နှာလေးပိုင်ဆိုင်ဖို့ ပါးမို့လေးပေါ်မှာ လက်ထိပ်လေးတွေသုံးပြီး ပါးနီလိမ်းပေးပါ။ ပါးနီများသွားလို့ မပူပါနဲ့။ ရေမြှပ်လေးနဲ့ဆွဲချပေးပါ။

ပေါင်ဒါသုံး
နောက်ဆုံးအဆင့်အနေနဲ့ Translucent ပေါင်ဒါလေးကို နဖူး၊ နှာခေါင်းနဲ့ ပါးတို့မှာလိမ်းပေးပါ။ အဆီပြန်တဲ့နေရာတွေကို အဓိကထားလိမ်းပေးနိုင်ပါတယ်။

ဝဿန်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment