မျက်နှာပေါ်ကအမည်းစက်တွေ ရှင်းစေချင်တယ်ဆိုရင်…








အမည်းစက်တွေဆိုတာ အညစ်အကြေးကြောင့်ဖြစ်လာတာ မဟုတ်ပါဘူး။ မျက်နှာပြင်ပေါ်မှာ အဆီနဲ့ အရေပြားဆဲလ်အသေလေးတွေ များနေရာကနေ ချွေးပေါက်တွေကိုပိတ်ဆို့ပြီးဖြစ်လာတာပါ။ မျက်နှာ မကြာခဏသစ်ခြင်းကလည်း မျက်နှာပြင်ပေါ်က အဆီအိတ်လေးတွေထဲမှာ အဆီတွေပိုများလာစေပြီး အမည်းစက်လေးတွေပိုများလာစေပါတယ်။ အဲဒီတော့ မျက်နှာပြင်ပေါ်က အမည်းစက်ပြနာကို ဘယ်လို ဖြေရှင်းကြမလဲ …။

အဆီမပါတဲ့ဆပ်ပြာသုံး
မျက်နှာမကြာခဏသစ်တာ မျက်နှာပေါ်ကအမည်းစက်တွေ များလာစေတယ်ဆိုပေမယ့်အသား အရေကို သန့်ရှင်းနေစေဖို့တော့လိုပါတယ်။ မျက်နှာပေါ်အဆီပိုတွေ မစုနေစေဖို့အတွက် အဆီမပါဝင်တဲ့ Oil-free Cleanser သုံးပေးပါ။
 သန့်ရှင်းနေပါစေ
 မျက်နှာသစ်ဆပ်ပြာတစ်မျိုးတည်းကို ဂရုစိုက်နေရုံတင် မပြီးသေးပါဘူး။ ဥပမာ အဆီတွေပေကျန်နေတဲ့ ခေါင်းအုံးစွပ်၊ ချွေးစိုနေတဲ့အသားတွေကိုလည်း ပုံမှန်သန့်ရှင်း ရေးလုပ်ပေးဖို့လိုပါတယ်။

ပုံမှန်ကြေးချွတ်ပေး
အမည်းစက်လေးတွေဖယ်ရှားပေးဖို့ ပုံမှန်ကြေးချွတ်ပေးပါ။ ကြေးချွတ်ပေးတဲ့အတွက် မျက်နှာပြင်က အရေပြားဆဲလ်အသေလေးတွေ ဖယ်ရှားပေးပြီးသားဖြစ်စေပါတယ်။

ပေါင်းခံ
အမည်းစက်လေးတွေဖယ်ရှားဖို့ နောက်ထပ်နည်းလမ်းတစ်ခုကတော့ ရေနွေးငွေ့ပေါင်းခံနည်းလမ်းပါ။ ပေါင်းခံတဲ့အတွက် ချွေးပေါက်လေးတွေပွင့်သွားပြီး အဆီနဲ့အညစ်အကြေးတွေဖယ်ရှားရပို လွယ်ကူသွားစေပါ တယ်။

ကြက်ဥအကာရည်
ကြက်ဥအကာရည်က အရေပြားချွေးပေါက်လေးတွေအတွင်းက အဆီကိုစုပ်ယူသွားပြီး ချွေးပေါက် ကျဉ်းစေပါတယ်။ ကြက်ဥအကာရည်ကို မျက်နှာပေါ် ၁၀ မိနစ်လောက်လိမ်းထားပေးပြီး ရေခပ်နွေးနွေးလေး နဲ့ဆေးချလိုက်ပါ။

မုန့်ဖုတ်ဆိုဒါ
မုန့်ဖုတ်ဆိုဒါနဲ့ရေကို စေးပျစ်နေအောင်ရောစပ်ပြီး မျက်နှာပေါ်လိမ်းကာ နှိပ်နယ်ပေးမယ်ဆိုရင် အရေပြားဆဲလ်အသေလေးတွေကို ဖယ်ရှားပေးပြီး ချွေးပေါက်တွေကို သန့်ရှင်းပေးပါတယ်။

သံပုရာရည်
သံပုရာရည်မှာပါဝင်တဲ့ Citric Acid က ဆဲလ်အသေလေးတွေကို ဖယ်ရှားပေးပြီး ချွေးပေါက်တွေကို သန့်စင်ပေးပါတယ်။ သံပုရာရည်အသုံးပြုပြီးတိုင်း အစိုဓာတ်ဖြည့်ပေးဖို့လိုပါတယ်။

လက်ဖက်ရည်ကြမ်း
လက်ဖက်ရည်ကြမ်းခပ်နွေးနွေးလေးထဲကို ဂွမ်းစလေးနှစ်ပြီး မျက်နှာကိုပွတ်ပေးပါ။ တစ်နေ့ တစ်ကြိမ် လုပ်ပေးရင် အမည်းစက်လေးတွေ ကင်းစင်သွားပါလိမ့်မယ်။

န်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment