ကိုယ်ပိုင်စတိုင်ဖန်တီးမယ်…










ဖက်ရှင်နဲ့ပတ်သက်ပြီး အကြံဥာဏ်ရယူလိုတဲ့အခါ ဘယ်မှာရှာဖွေလေ့ရှိပါသလဲ…။ သူငယ်ချင်းတွေက၊ မဂ္ဂဇင်းတွေက ဒါမှမဟုတ်ကိုယ်တိုင်ဖန်တီးတီထွင်တာက။ ကိုယ်ပိုင်စတိုင်ဖန်တီးတယ်ဆိုတာ ကိုယ့်ကိုယ်ကိုယ်ယုံကြည်မှုကိုပြသတာပါပဲ။ အဲဒီတော့ ကိုယ်ပိုင်စတိုင်ဘယ်လိုဖန်တီးကြမလဲ။

ထင်ခြားပေါ်လွင်မှုကိုမကြောက်နဲ့
သူများတွေနဲ့မတူကွဲထွက်နေမှာကိုမကြောက်ပါနဲ့။ ကွဲထွက်နေဖို့ဆိုလို့ ဆံပင်တွေအစိမ်းရောင်ဆိုး၊ တက်တူးထိုး၊ နားပေါက်၊ နှာခေါင်းပေါက်တွေဖောက်တာကိုမဆိုလိုပါဘူး။ မတူညီတဲ့အရောင်တွေ၊ မတူညီတဲ့စတိုင်တွေကို ကိုယ်မှာကြည့်ကောင်းအောင်ဆင်ယင်တာကိုပြောတာပါ။

မတူညီတာတွေပေါင်းစပ်
ကိုယ်နှစ်သက်တဲ့ ဒီဇိုင်နာတွေ၊ မင်းသား၊ မင်းသမီးတွေဆီကဖက်ရှင်တွေကိုပေါင်းစပ်ပြီး ကိုယ်နဲ့လိုက်ဖက်အောင်တီထွင်ဖန်တီးကြည့်ပါ။

ကိုယ့်စိတ်ကူးကိုအသုံးချ
ဒီနေရာမှာကိုယ့်ရဲ့စိတ်ကူးစိတ်သန်းတွေကိုပေါင်းစပ်အသုံးချဖို့အချိန်ရောက်လာပါပြီ။ ဒီဇိုင်းနာတွေ၊ ၀တ်စုံချုပ်သူတွေအကူအညီနဲ့ ဖန်တီးပေါင်းစပ်ကြည့်ပါ။ 

တီထွင်ပါ
ဖက်ရှင်ဆိုလို့ဝတ်စုံတစ်ခုတည်းမထင်ပါနဲ့။ ကိုယ့်ရဲ့ဆံပင်ကိုလည်း အသုံးချပြီးဖန်တီးကြည့်ပါ။ ဆံပင်စတိုင်ပြောင်းလဲသွာတာနဲ့အတူ အ၀တ်အစားဖက်ရှင်ပါပြောင်းလဲသွားပါလိမ့်မယ်။

အဟောင်းတွေကိုပြန်ဖော်ထုတ်
တချိန်ကနာမည်ကြီးတဲ့ဝတ်စုံပုံစံတွေကိုပြန်ပြီးဆန်းသစ်တာလည်း အသွင်သစ်၊ အမြင်သစ်နဲ့ စိတ်လှုပ်ရှားစရာကောင်းနေမှာပါ။

အရွယ်အစားကပြဿနာမဟုတ်
ခန္ဓာကိုယ်အ၀တ်အစားဆင်ဖို့ ကိုယ့်ခန္ဓာကိုယ်က စူပါမော်ဒယ်တစ်ယောက်လို လှပနေစရာမလိုပါဘူး။ ကိုယ်ရှိနေတဲ့ခန္ဓာကိုယ်အရွယ်အစားကိုပဲ ယုံကြည်မှုရှိနေဖို့လိုပါတယ်။

Crystal
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment