သူတို့ဘယ်လိုအလှပြင်ကြသလဲ …








ကိုယ်နှစ်သက်တဲ့အနုပညာရှင်ကိုကြည့်ပြီး သူတို့ဘာအလှကုန်တွေသုံးကြသလဲ၊ ဘယ်လိုအလှ ပြင်ဆင်ကြသလဲ၊ စိတ်ဝင်တစားတွေးဖူးမှာပါ။ တကယ်တော့ သူတို့လည်းဒီပစ္စည်းပေမယ့် သူများနဲ့မတူ ထူးထူးခြားခြားနည်းလမ်းတွေနဲ့ သုံးကြပါတယ်။ အဲဒီတော့ သူတို့နည်းလမ်းလေးတွေက ဘာဖြစ်မလဲ။

လစ်ဗ်တိုင်လာ
လစ်ဗ်တိုင်လာကတော့ သူရဲ့ချောမွတ်တဲ့အသားအရေအတွက် နှင်းဆီရေကိုသုံးပါတယ်တဲ့။ ပထမဆုံး ဖောင်ဒေးရှင်းနဲ့ ပါးနီလိမ်းပြီးနောက် Translucent power သုံးပါတယ်။ ပြီးမှ နှင်းဆီရေလေးဖြန်း လိုက်တဲ့အခါ မိတ်ကပ်ကလည်း သဘာဝကျကျလှပနေပါတယ်တဲ့။

ဂျိုအန်ကိုလင်
ဂျိုအန်ကိုလင်ကတော့အသက် ၈၀ အရွယ်ထဲမှာရှိနေပြီဖြစ်ပေမယ့် လှပနုပျိုနေဆဲပါ။ သူ့ရဲ့လျှို့ဝှက် ချက်ကတော့ အိုမင်းရင့်ရော်စေတဲ့ နေရောင်ခြည်နဲ့ အဝေးဆုံးရှောင်ရှားနေလိုက်တာပါတဲ့။

အီဗာမန်ဒီးစ်
အီဗာမန်ဒီးစ်တစ်ယောက် မိတ်ကပ်မလိမ်းတဲ့နေ့တွေမှာ အလှဆီနဲ့ Bronzer ကိုတွဲပြီး လိမ်းပါတယ် တဲ့။ မိတ်ကပ်လိမ်းထားသလို လေးပင်မနေတဲ့အတွက် သဘာဝကျပြီးလှပနေတယ်လို့ဆိုပါတယ်။

အယ်လန် ပွန်ပို
အယ်လန်ပွန်ပိုတစ်ယောက် လိင်ဆွဲဆောင်မှုရှိတဲ့ မီးခိုးရောင်မျက်ဝန်းလေးဖန်တီးတဲ့အခါမှာတော့ ပထမဆုံး အစိုဓာတ်ထိန်းခရင်မ်ကို အရင်လိမ်းလိုက်ပါတယ်။ ပြီးမှ မီးခိုးရောင် eye shadow လေးကို ပျံ့သွား အောင် ခပ်ပါးပါးလေးခြယ်ပေးလိုက်ပါတယ်။

ဆိုဖီအဲလစ်
အဆိုတော်သီချင်းရေးဆရာ ဆိုဖီအဲလစ်တစ်ယောက်ကတော့ မိတ်ကပ်နဲ့ပတ်သက်ပြီး ဖန်တီးရတာကို နှစ်သက်နေသူပါ။ မိတ်ကပ်မလိမ်းနိုင်တဲ့နေ့တွေမှာ အသားအရေလေး တောက်ပကျန်းမာနေအောင် ပါးနီလေး သုံးပေးလိုက်ပါတယ်တဲ့။

တေလာဆွဖ်
နိုင်ငံကျော်အဆိုတော်မလေး တေလာဆွဖ်ကတော့ ညလိမ်းခရင်မ်ကို နေ့ပိုင်းမှာပါသုံးပါတယ်လို့ ပြောလာပါတယ်။ ဒီလိုသုံးတဲ့အတွက် နေ့ရောညပါ အသားအရေက အစိုဓာတ်ပြည့်ဝနေတယ်လို့ ပြောလာ ပါတယ်။

ကိတ်မော့စ် 
ကိတ်မော့စ်ကတော့ မျက်နှာပေါ်ကအမည်းစက်တွေနဲ့ မျက်လုံးဖောင်းအစ်တာ သက်သာစေဖို့ သခွားသီးကို ခပ်ပါးပါးလှီး ရေခဲစိမ်ပြီး နေ့ညမရွေး မျက်နှာပေါ်တင်ထားပါတယ်တဲ့။

န်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment