နေ့စဉ်ဘ၀အတွက်အရေးပါတဲ့ ဖက်ရှင်ကိုပိုတောက်ပနေစေဖို့









ဖက်ရှင်ဆိုတာ ကိုယ်ဘယ်သူဆိုတာဖော်ပြဖို့ဖြစ်ဖြစ် နေ့စဉ်ဝတ်စားဆင်ယင်မှုအနေနဲ့ပဲဖြစ်ဖြစ် ပြောရရင်အနုပညာတစ်မျိုးပါ။ အခုဆိုရင် ဖက်ရှင်ရဲ့အနုပညာက နေ့စဉ်ဘ၀မှာ အရေးပါတဲ့အခန်းကဏ္ဍကနေပါဝင်နေပါပြီ။ အဲဒီတော့ နေ့စဉ်ဘ၀မှာအရေးပါတဲ့ဖက်ရှင်ကို ဘယ်လိုပိုပြီးတောက်ပစေကြမလဲ…

ရောနှောပါ
ဖက်ရှင်တွေကို တစ်ခုနဲ့တစ်ခုရောနှောပြီး အသစ်အဆန်းတစ်ခုတီထွင်ဖန်တီးတာ အံ့သြစရာအလုပ် တစ်ခုပါ။ ရောနှောရတဲ့ရည်ရွယ်ချက်ကတော့ စတိုင်အမျိုးမျိုးကို တစ်သားတည်းဖြစ်သွားစေဖို့ပါ။ ရောနှောဝတ်ဆင်တဲ့အခါ ခေါင်းအစခြေအဆုံးပေါ့။ ကိုယ်နှစ်သက်ရာလိုက်ဖက် သလိုရောနှော ၀တ်ဆင်နိုင်ပါတယ်။

အရည်အသွေး
ငွေကြေးအပေါ်တွက်ချက်ပြီးဝတ်ဆင်မယ်ဆိုရင် အမြဲတမ်းဝတ်လို့ရတဲ့ အဆင်ဒီဇိုင်းမျိုးရွေးချယ်ဝတ်ဆင်ပါ။ ဒီလိုဝတ်ဆင်တဲ့အတွက် ရာသီတိုင်းအ၀တ်အစားကိုပြောင်းလဲနေစရာ၊ ထပ်ဝယ်စရာတွေမလိုတော့ပါဘူး။ အမြဲတမ်းဝတ်ဖို့ အကောင်းဆုံးကတော့ T-Shirt, Pencil Shirt, ဂျင်းတို့လို ၀တ်စုံမျိုးတွေပေါ့။

လွှမ်းမိုးနိုင်စွမ်း
စတိုင်ကျခြင်းရဲ့ လျှို့ဝှက်ချက်က ဖက်ရှင်နဲ့ပတ်သက်တာတွေ အမြဲတမ်းရှာဖွေနေဖို့ပါ။ ဆယ်စုနှစ်ပေါင်းများစွာက လွှမ်းမိုးခဲ့တဲ့ဖက်ရှင်တွေကို ပြန်လည်ရှာဖွေဖော်ထုတ်ပါ။ ပြီးမှ ကိုယ်တိုင်ဖန်တီးတီထွင်ကြည့်ပါ။

တစ်ရောင်တည်းဆင်
အပြင်သွားခါနီး ဒီအရောင်နဲ့ ဒီအရောင်လိုက်ဖက်သလား အတွေးများမနေပါနဲ့။ တစ်ရောင်တည်းဝတ်ဆင်လိုက်ပါ။ ဥပမာ အနက်ရောင်ဂျင်းဘောင်းဘီနဲ့ မီးခိုးရောင်အင်္ကျီ၊ အနက်ရောင်ဝတ်စုံ၊ အဖြူရောင်ဝတ်စုံစသည်ဖြင့်ပေါ့။ အရောင်တစ်မျိုးတည်းဝတ်ဆင်တာက ကိုယ့်ကိုယ်ပိုင်စတိုင်ကို ဖန်တီးရာလည်းရောက်ပါတယ်။

အလွှာအထပ်ဝတ်ဆင်ခြင်း
ကိုယ့်ဝတ်စုံကို အလွှာအထပ်တွေပေါင်းထည့်တာကလည်း ဖက်ရှင်တစ်မျိုးပါ။ သားရေ၊ ပိုးသား ဘယ်အထည်ကိုမဆို အလွှာအထပ်တွေအဖြစ်ဖန်တီးဖို့ဝန်မလေးပါနဲ့။ 

အသေးစိတ်
ကိုယ်ဝတ်ဆင်ထားတဲ့ အ၀တ်အစားကို ပိုပြီးစတိုင်ကျသွားစေချင်ပါသလား။ အ၀တ်အစားနဲ့ လိုက်ဖက်မယ့်လက်သည်းဆိုးဆေး၊ နှုတ်ခမ်းဆိုးဆေး၊ နားဆွဲစတာလေးတွေ အသေးစိတ် ထပ်ဖြည့်ကြည့်ပါ။ ဒီလိုအသေးစိတ်လေးတွေထပ်ဖြည့်လိုက်တဲ့အတွက် အ၀တ်အစားနဲ့ လူကပိုပြီးပေါ်လွင်ထင်ရှားသွားပါလိမ့်မယ်။

ယုံကြည်မှုရှိပြီး သက်တောင့်သက်သာဖြစ်နေစေဖို့
ပြီးပြည့်စုံတဲ့ဝတ်စုံတစ်စုံရဲ့ အကြီးမားဆုံးလျှို့ဝှက်ချက်က ကိုယ့်ကိုယ်ကိုယ်ယုံကြည်မှုရှိနေဖို့ပါ။ ကိုယ့်ကိုယ်ကိုယ် ယုံကြည်မှုမရှိဘဲ ၀တ်စုံကလှပကြော့ရှင်းနေနိုင်မှာမဟုတ်ပါဘူး။

Crystal

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment