ပေါ့ပေါ့ပါးပါးခရီးထွက်ချင်တယ်ဆိုရင်










ခရီးတစ်ခုမသွားခင် ထုပ်ပိုးရတာ စိတ်ဖိစီးစရာပါ။ ငယ်ရွယ်စဉ်ကတော့ အ၀တ်အစား၊ အသုံး အဆောင်တွေလောက်နဲ့သာပြီးသွားတယ်။ ဒါပေမဲ့ တဖြည်းဖြည်း အရွယ်ရောက်လာချိန်မှာတော့ ဆေးဝါး၊ အစားအသောက်ကအစ ကိုယ်တိုင်စီစဉ်ရမှကျေနပ်လာကြတယ်။ ဒါက ခရီးတစ်ခုမထွက် ခင်ပင်ပန်း မှုရဲ့အစပါ။ ဘာဝယ်ရမယ်၊ ဘာထည့်ရမယ်ဆိုတာတွေကပေါ့။ အဲဒီတော့ ခရီးထွက်ဖို့ ဘယ်လို လွယ်လွယ် ကူကူမြန်မြန်ဆန်ဆန်ထုပ်ပိုးမလဲကြည့်ရအောင်…

အဖိုးတန်ပစ္စည်းတွေသေချာထုပ်ပိုး
အဖိုးတန်ပစ္စည်းတွေကို သေချာထုပ်ပိုးထားချင်တယ်။ အလွယ်တကူလည်းထုတ်ယူချင်တယ်။ ဥပမာ လည်ဆွဲ၊ နားကပ်၊ ငွေကြေးတို့လိုမျိုးပေါ့။ အဲဒါဆို ကိုယ်အမြဲလွယ်နေကျ၊ သုံးနေကျအိတ်လေးထဲသေချာထည့်ထားလိုက်ပါ။

အသုံးအဆောင်
ခရီးထွက်ဖို့အတွက် မိတ်ကပ်တစ်ဘူးလုံး၊ Skin Care တစ်ဘူးလုံးဆောင်သွားစရာမလိုပါဘူး။ ခရီးဆောင်ဘူးသေးလေးတွေသာ ယူဆောင်သွားပါ။ 

မိတ္တူကူး
မရောက်ဖူးတဲ့ဒေသတစ်ခုသွားရင် မှတ်ပုံတင် နိုင်ငံကူးလက်မှတ်ပျောက်မသွားဖို့ ထိန်းသိမ်းထားရတာ စိတ်ဖိစီးစရာကိစ္စတစ်ခုပါ။ စိတ်သက်သာရာရစေဖို့ မိတ္တူ ၃ စုံခန့်ကူးပြီး တစ်နေရာစီဆောင်ထားလိုက်ပါ။

မျက်မှန်ဘူး
မျက်မှန်ထည့်ဖို့တော့မဟုတ်ပါဘူး။ နားကြပ်၊ ဖုန်းဘက်ထရီအပို၊ လက်သည်းညှပ်တို့လို အသုံးအဆောင်လေးတွေ တစ်နေရာတည်း စုစုစည်းစည်းထားနိုင်အောင်ပါ။ 

သန့်စင်ခန်းဝင်
စိတ်ဖိစီးတတ်သူတွေ၊ စိတ်လှုပ်ရှားတတ်သူတွေ ခရီးမထွက်ခင် မိနစ် ၂၀ လောက်အလိုကတည်းက သန့်စင်ခန်းသုံးထားသင့်ပါတယ်။ ဒါမှ ကားပေါ်မှာ စိတ်ချလက်ချသွားလာနိုင်မှာပါ။

ဆပ်ပြာ
ဆပ်ပြာရည်ဘူးသေးလေးဆောင်သွားဖို့လိုပါတယ်။ လက်၊ ခြေသန့်ရှင်းရေးလုပ်ဖို့တင်မကပါဘူး။ မကောင်းတဲ့အနံ့အသက်တွေကိုပါ ဖယ်ရှားပေးဖို့ပါ။

ကင်မရာကာကွယ်ဖို့
ကင်မရာတစ်လုံးလောက်ကတော့ ဘယ်သူမဆိုဆောင်သွားတတ်ကြပါတယ်။ ဒါပေမဲ့ ကင်မရာ မကွဲရှအောင်ထိန်းသိမ်းရတာက ပြဿနာပါ။ ကင်မရာကို ခရီးလမ်းတစ်လျှောက် လုံလုံခြုံခြုံသယ်သွားဖို့အတွက် ပလပ်စတစ်အိတ်ထဲထည့်ထားပါ။

ဖိနပ်
မိန်းကလေးတွေအတွက် အရေးကြီးဆုံးကတော့ ဖိနပ်ပါ။ ခရီးစထွက်ချိန် အလေးဆုံးဖိနပ်ကိုဝတ်ဆင်ပြီး ကျန်ဖိနပ်ပါးတွေကို ခရီးဆောင်အိတ်ထဲသိမ်းဆည်းပေးပါ။
Craystal  
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment