မလှပေမယ့် လှအောင်တွေးမယ်…










လူတွေအားလုံး အနုပညာရှင်တွေလိုသာ ချောမောလှပနေမယ်ဆိုရင် ဘ၀ကြီးကလွယ်ကူသွားမှာပေါ့… မဟုတ်ဘူးလား။ ပြီးတော့ ကိုယ်အပါအ၀င် ပတ်ဝန်းကျင်ကလူအများစုကလည်း လူတွေက အရည် အချင်းကိုကြည့်တာထက် ရုပ်ရည်ကိုပိုပြီးစိတ်ဝင်တစားကြည့်ကြတယ်လို့ ယုံကြည်ထားကြတယ်လေ။ အဲဒီတော့ ကိုယ့်ကိုယ်ကိုယ်မလှဘူးလို့ထင်တဲ့အခါ ယုံကြည်မှုတွေပျောက်ဆုံးကုန်တယ်။ အဲဒီတော့ ဒီအခြေအနေ၊ ဒီအတွေးတွေကို ဘယ်လိုဖျက်စီးရုန်းထွက်ကြမလဲ…

ကိုယ့်ရဲ့ပြိုင်ဘက်ကင်းမှုတွေကိုထုတ်ဖော်သတိရ
ကောင်းပြီ …ကိုယ်က မင်းသမီးအန်မာစတုန်းရဲ့ပျောက်ဆုံးနေတဲ့အမွှာလည်းမဟုတ်ဘူး။ အဲဒီတော့ဘာလဲ။ တကယ်တော့ ပတ်ဝန်းကျင်ကလူတွေက ကိုယ့်ရုပ်ရည်ကို ၂၀ ရာခိုင်နှုန်းလောက်ပဲ သတိထားမိကြတယ် ဆိုတာ သိပါသလား။ ငယ်ငယ်တုန်းကတော့ အဖေနဲ့အမေရဲ့ 'အလှဆုံးသမီးလေး/သားလေး' ဆိုတဲ့စကားလုံး တွေနဲ့ကြီးပြင်းလာခဲ့တာပေါ့။ ဒါပေမဲ့ ကျောင်းနေအရွယ်ရောက်လာတော့ ပတ်ဝန်းကျင်မှာ ကိုယ့်ထက်ပိုလှတဲ့လူတွေရှိတာ သတိထားမိလာမယ်။ အဲဒီတော့ ကိုယ့်ကိုယ်ကိုယ်နဲ့သူများနဲ့ နှိုင်းယှဉ်နေမယ့်အစား ကိုယ့်ရဲ့ပြိုင်ဘက်ကင်းမှုတွေကို ဂရုစိုက်လိုက်ပါ။

ကိုယ်တစ်ယောက်တည်းမဟုတ်
နောက်ထပ်ကိုယ့်ကိုယ်ကိုယ်လှပတယ်လို့ ယုံကြည်မှုရှိရှိနဲ့ လက်ခံရမယ့်ရိုးရှင်းတဲ့နည်းလမ်းတစ်ခုကတော့ ကိုယ်ကပတ်ဝန်းကျင်က လူတွေနဲ့မတူဘူးဆိုတာလက်ခံဖို့ပါ။ သူတို့နဲ့တူမှ ကိုယ့်မှာဆွဲဆောင်မှုရှိမှာ မဟုတ်ဘူးလေ။ ကိုယ့်မှာသူတို့နဲ့မတူနဲ့အသွင်အပြင်တွေရှိတယ်။ မတူညီတဲ့ခံစားမှုတွေရှိတယ်လေ။

အဖြူနဲ့အမည်းချည်းမဟုတ်
ဘယ်သူမှတော့ ပြီးပြည့်စုံအောင်လှတယ်လို့မရှိပါဘူး။ လုံးဝရုပ်ဆိုးနေတာမရှိသလို လုံးဝလှပနေတယ်ဆိုတာလည်းမရှိပါဘူး။ ကိုယ်နှစ်သက်တာတွေက သူတို့မနှစ်သက်တာတွေဖြစ်နိုင်သလို သူတို့နှစ်သက်တာတွေက ကိုယ်မကြိုက်တာလည်းဖြစ်နိုင်ပါတယ်။ 

ကိုယ့်ထူးခြားမှုကိုသာဂရုစိုက်
နောက်တစ်ခုကတော့ ကိုယ့်မျက်လုံးမလှလို့၊ နှုတ်ခမ်းမလှလို့၊ ဒီလိုမလှပတဲ့နေရာတွေကိုပဲ အာရုံစိုက်စိတ်ညစ်ခံမနေပါနဲ့။ ကိုယ့်ရဲ့လှပမှုတွေကိုသာ အဆုံးစွန်ဖော်ထုတ်လိုက်ပါ။

နက်နက်တွေး
အလှအပဆိုတာ အရေပြားတစ်ထောက်စာမဟုတ်ပါဘူး။ အလှအပထက်အရေးကြီးတာတွေရှိတယ်ဆိုတာ လူတိုင်းသိပါတယ်။ အဲဒီတော့မေးခွန်းက ဒီအရေပြားတစ်ထောက်အလှအပလေးနဲ့ ကိုယ့်ကိုယ်ကိုယ်အနှောင့်အယှက်ဖြစ်စေမှာလား။ ဒီအလှကိုမေ့ပြီး ကိုယ့်ရဲ့အရည်အချင်းအတွက် ကြိုးစားမှာလား။

Crystal
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment