အားလပ်ရက်မှာ ဘာလုပ်ကြမလဲ…









စနေ၊ တနင်္ဂနွေလိုမျိုးနားရက်လေးမှာ လုပ်ချင်တာတွေများနေကြမှာသဘာဝပါ။ ရုပ်ရှင်ကြည့်ချင်တယ်၊ မုန့်ထွက်စားချင်တယ်။ သူငယ်ချင်းတွေနဲ့လျှောက်လည်ချင်တယ်။ အားလုံးက ပိုက်ဆံကုန်ပေါက်တွေ ချည်းပါပဲ။ တကယ်တော့ အကုန်အကျလည်းသက်သာ၊ ပျော်စရာကောင်း၊ စိတ်လည်းအပန်းပြေစေ တဲ့နည်းလမ်းလေးတွေ ရှိပါတယ်။

စွန်လွှတ်မယ်
ကလေးမဟုတ်တော့လို့ အသက်တွေဘယ်လောက်ကြီးနေပါစေ စွန်လွှတ်တာပျော်စရာကောင်းနေဆဲပါ။ စွန်လွှတ်ရင်း လေကောင်းလေသန့်လေးတွေခံစားခွင့်ရမယ်။ နေရောင်ခြည်နဲ့ထိတွေ့ခွင့်ရမယ်။ ကောင်းကင်အမြင့်ကို စွန်ရောက်သွားတာကြည့်ပြီး ကြည်နူးရတာကလည်း ပျော်စရာပါ။

သူငယ်ချင်းတွေနဲ့အိမ်မှာသောက်မယ်
အပြင်ထွက်ရမှာ ပိုက်ဆံကုန်မှာစိုးရင် သူငယ်ချင်းတွေကို အိမ်မှာလူစုပြီး သောက်စားကြတာလည်း အကြံကောင်းတစ်ခုပါ။ အိမ်မှာလူစုသောက်တော့ ပိုက်ဆံလည်း Limit လုပ်လိုက်ရာရောက်ပါတယ်။ သီးသီးသန့်သန့်နဲ့လွတ်လပ်တာပေါ့။

ဈေးဝယ်ထွက်မယ်
ဈေးဝယ်ထွက်မယ်ဆိုလို့ ကုန်တိုက်ကြီးတွေသွားပြီး နာမည်ကြီးအမှတ်တံဆိပ်တွေဝယ်တာကို ပြောတာမဟုတ်ပါဘူး။ တစ်ပတ်လုံးစာအတွက် ဟင်းသီးဟင်းရွက်တွေ၊ လိုအပ်တဲ့ပစ္စည်းတွေ ဈေးသက်သက်သာသာနဲ့ရတဲ့ဆီ သွားဝယ်စုဆောင်းတာကိုပြောတာပါ။

ဂိမ်းကစားမယ်
တစ်ခါတလေတော့လည်း ငယ်ဘ၀ကိုပြန်တမ်းတတဲ့အနေနဲ့ မိုနိုပိုလီလိုမျိုးကစားတာ၊ အန်စာတုံးခေါက်တမ်းကစားတာတွေကလည်း အားလုံးချစ်ချစ်ခင်ခင်နဲ့ ပျော်ရွှင်စရာကောင်းနေမှာပါ။

အ၀တ်ဗီရိုသန့်ရှင်းရေးလုပ်
တစ်ပတ်လုံးလုံး ကျောင်းသွား ရုံးသွား၊ အပြင်သွားနဲ့ အ၀တ်အစားဗီရိုက ပွချင်တိုင်းပွနေမှာပါ။ အဲဒီတော့ အချိန်ပေးပြီး သန့်ရှင်းရေးလုပ်ကြည့်ပါ။

အသစ်သစ်တွေလေ့လာ
နောက်တစ်ခုကတော့ ပညာရေး၊ လုပ်ငန်းခွင်နဲ့ဆိုင်တဲ့အသစ်သစ်တွေကိုလေ့လာနေဖို့ပါ။ ဒါက ဘ၀အတွက် အထောက်အကူပြုမှာပါ။

Crystal
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 



Share on Google Plus

0 comments:

Post a Comment