ဆောင်းရာသီမှာ ဘာဝတ်ကြမလဲ…










အပူချိန်တွေတဖြည်းဖြည်းလျော့ပြီး အေးလာပြီဆိုတဲ့အခါ အတိုအပြတ်၊ အပါးတွေဖယ်ပြီး အလွှာ အထပ်တွေဝတ်ဆင်ရတော့မယ့်အချိန်ရောက်ပြီဆိုတာ အချက်ပေးနေပါပြီ။ ဆောင်းရာသီဝင်ပြီဆိုတော့ နံနက်ခင်းစောစော သိုးမွေးထည်လေးတွေ၊ ကတ္တီပါသားလေးတွေ၊ ဂျင်းထည်လေးတွေနဲ့ လူတွေကိုမြင်နေရတော့မှာပါ။ ဆောင်းရာသီ ဒီလူတွေကြား စတိုင်ကျကျဘယ်လိုဝတ်ကြမလဲ…။

T-shirt လက်ရှည်
အေးတဲ့ရာသီအတွက် လက်ရှည်အင်္ကျီက သင်္ကေတတစ်ခုပါ။ ရွေးချယ်ဝယ်ကတည်းက ဘယ်အရာနဲ့ မဆိုတွဲဖက်ဝတ်နိုင်တဲ့အင်္ကျီမျိုးဖြစ်ဖို့လိုပါတယ်။ T-shirt လက်ရှည်လေးနဲ့ဂျင်းဘောင်းဘီ၊ ဒေါက်မြင့် ဖိနပ်လေးတစ်စုံက ဆောင်းရာသီမှာ ဖက်ရှင်ကျနေမယ့်အတွဲအစပ်လေးပါ။

ကတ္တီပါအင်္ကျီခါးတို
ရှေးခေတ်ကပုံစံယူထားပေမယ့် ၀တ်ဆင်လိုက်မယ်ဆိုရင် ဘယ်တော့မှရိုးစင်းသွားတယ်ဆိုတာမရှိပါဘူး။ စိတ်မပူပါနဲ့။ ကတ္တီပါအင်္ကျီခါးတိုလေးနဲ့ ဒူးဖုံးစကပ်လေးတွဲဖက်လိုက်မယ်ဆိုရင် လူအများကြားထဲ ထူးခြားပေါ်လွင်နေမှာပါ။

ပိုးသားဘလောက်အင်္ကျီ
ပိုးသားဘလောက်အင်္ကျီလေးနဲ့ ဂျင်းဘောင်းဘီအရှည် ဒါမှမဟုတ် mini skirt လေးနဲ့တွဲဖက် လိုက်မယ် ဆိုရင် ၁၉၉၀ ၀န်းကျင်နှစ်တွေကို ပြန်ရောက်သွားသလိုခံစားမိမှာပါ။

လည်ရှည်ဖိနပ်
လည်ရှည်ဖိနပ်ကတော့ မိန်းကလေးတွေစီးခဲပါတယ်။ ဖက်ရှင်စိတ်ဝင်စားလွန်းတဲ့ အနုပညာရှင် တစ်ချို့လောက်သာစီးကြပါတယ်။ သားမွေးအင်္ကျီ Long coat ၊ ဂျင်းဘောင်းဘီ bodyfit၊ လည်ရှည် ဒေါက်ဖိနပ်တွဲဖက်လိုက်မယ်ဆို လူအများကြားစတိုင်ကျနေမှာသေချာပါတယ်။

လည်စည်းပုဝါ
လည်စည်းပုဝါလေးတွေကလည်း ဆောင်းရာသီရဲ့ သင်္ကေတတစ်ခုပါ။ ကိုယ့်ဝတ်စုံနဲ့လိုက်ဖက်တဲ့ လည်စည်းပုဝါလှလှလေးစည်းထားလိုက်မယ်ဆိုရင် လေတိုက်တိုင်း တဖြတ်ဖြတ်နဲ့ ပေါ့ပါးလှပနေမှာ သေချာပါတယ်။

ဂျာကင်အင်္ကျီ
ဂျာကင်အင်္ကျီကလည်း အများနဲ့မတူ အကြမ်းထည်ပုံစံမျိုးလေးနဲ့ စတိုင်ကျနေမှာပါ။ ဂျာကင်ရယ်၊ ဂျင်းဘောင်းဘီကြမ်းထည်နဲ့ မျက်မှန်တစ်လက်ရယ်ဆို ဆောင်းရာသီမှာ ခပ်မိုက်မိုက်လေးလှနေပါလိမ့်မယ်။

Crystal
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 
Share on Google Plus

0 comments:

Post a Comment