စတိုင်ကျလှပ လူငယ်တို့ဘဝ










Fashion ဆိုတာ လူတစ်ယောက်ရဲ့ သင်္ကေတတစ်ခုဖြစ်ပါတယ်။ လူတိုင်းဟာ ရုပ်ရည်သွင်ပြင်၊ နာမည်၊ စိတ်သဘောထားကွဲပြားကြသလို Fashion အမြင်လည်း ကွဲပြားကြပါတယ်။ Fashion ကျတယ်ဆိုတာ သွားလာရမယ့်နေရာဒေသနဲ့ ပြေပြစ်သင့်လျော်မယ့် ၀တ်စားဆင်ယင်ခြင်းလို့ ကျွန်မကတော့ နားလည် ထားပါတယ်။ အခုလို နိုင်ငံတကာရုပ်ရှင်တွေလွှမ်းမိုးလာတဲ့အချိန်မှာ ဘယ်နေရာကြည့်ကြည့် လူကြီး၊ လူငယ်၊ ကျား၊ မ မရွေးဟာ အရောင်အသွေးစုံ လှပနေကြပါတယ်။ 

အဲဒီ လှပမှုတွေထဲမှာ ကျွန်မကြည့်မိသလောက်တော့ မှားယွင်းတဲ့ ၀တ်စားဆင်ယင်မှုလေးတွေ တွေ့နေရပါတယ်။ ဥပမာ - အလှူပွဲကို စကပ်တို၊ ကြိုးတစ်ချောင်းအင်္ကျီနဲ့လာတာတွေ၊ နေပူကျဲကျဲမှာ ခေါင်းစွပ်အင်္ကျီဝတ်ပြီး ချွေးပြိုက်ပြိုက်ကျနေတာတွေပေါ့။ လူရယ်စရာလည်းကောင်းပါတယ်။ ဒါကြောင့် Fashion ကျတာနဲ့ပတ်သက်ပြီး ကျွန်မသိသမျှလေးတွေကို ရေးသားတင်ပြပေးလိုက်ပါတယ်။

စိတ်အလိုမလိုက်ပါနဲ့
Shopping ထွက်ပြီး အ၀တ်အစားဝယ်တဲ့အခါမှာ အများစုမှားယွင်းနေတာလေးတွေရှိပါတယ်။ ယောက်ျားလေး၊ မိန်းကလေးအများစုက အ၀တ်အစားဝယ်ပြီဆိုရင် အရောင်လှလှလေးတွေ၊ ဒီဇိုင်းဆန်းဆန်းလေးတွေမြင်ရင် ၀ယ်မိတတ်ကြပါတယ်။ သူတို့ ဘယ်သွားရင်ဝတ်မယ်၊ ဘယ်နေရာမှာဝတ်မယ်ဆိုတာ စဉ်းစားဖို့ထက် အရောင်နဲ့ ဒီဇိုင်းကို ဦးစားပေးရွေးချယ်ကြပါတယ်။ အဲဒါကြောင့် အ၀တ်အစားဝယ်တော့မယ်ဆိုရင် ဘာအတွက်ဝယ်မယ်ဆိုတာ အရင်ဆုံးစဉ်းစားထားဖို့တော့ လိုပါလိမ့်မယ်။

အရိုးရှင်းဆုံးက အကောင်းဆုံးပါပဲ
ဆယ်ကျော်သက်အရွယ်လေးတွေမှာ အဖြစ်များပါတယ်။ ကျောင်းဆင်းနှုတ်ဆက်ပွဲဖြစ်စေ၊ သူငယ်ချင်းတွေနဲ့ အပြင်သွားကြတာပဲဖြစ်စေ သူ့ထက်ငါလှပအောင်၊ စတိုင်လ်ကျအောင် ပြင်ဆင်ကြပါတယ်။ ပြင် ''လွန်းတော့ ဖင်ချွန်း'' ဆိုတဲ့အတိုင်း လူတကာမျက်စိနောက်စရာ ဖြစ်လာပါတော့တယ်။ အဲဒါကြောင့် ''အရိုးရှင်းဆုံးက အကောင်းဆုံး'' လို့ပဲ အကြံပေးချင်ပါတယ်။

ကိုယ်ဟာ Celebrity တစ်ဦးမဟုတ်ပါ
အထူးသဖြင့် ကိုရီးယားရုပ်ရှင်အများစုမှာ မင်းသား၊ မင်းသမီးတွေရဲ့ အ၀တ်အစားဗီရိုတွေ၊ ၀တ်စားဆင်ယင်မှုတွေကို ကြည့်ရှုသူပရိသတ်တွေစွဲလမ်းအောင် ဖော်ပြပေးတတ်ကြပါတယ်။ ကိုယ်ဟာ Celebrity တစ်ဦးမဟုတ်တဲ့အတွက်ကြောင့် သူတို့လို ဗီရိုမှာအ၀တ်အထည်အပြည့်နဲ့ လူတကာအားကျအောင် လုပ်စရာမလိုပါဘူး။

စီစဉ်တတ်ပါစေ
ကိုယ့်ဗီရိုထဲမှာ ရုံး (၅)ရက်တက်ရရင် အ၀တ်အစား (၅)စုံ၊ (၆)စုံ၊ အိမ်နေရင်း အ၀တ်အစားက သပ်သပ်၊ အပြင်သွားရင်ဝတ်မယ့်အ၀တ်အစားကသပ်သပ် အမြဲတမ်းခွဲခြားထားပါ။ ရုံးဝတ်စုံကလည်း နေ့စဉ်ဝတ်နေရတာဖြစ်တဲ့အတွက် (ဥပမာ - ဒီနေ့ အဖြူ၊ အပြာလေးဝတ်ရင် နောက်တစ်ပတ် အဖြူ၊ အနက်လေးဝတ်မယ်) စီစဉ်တတ်ပါစေ။

သက်သောင့်သက်သာရှိပါစေ
ကိုယ်နှစ်သက်တဲ့ အနုပညာရှင်တွေဟာ ရုပ်သံဖန်သားပြင်ပေါ်မှာ ခေတ္တမျှသာပေါ်လာတာဖြစ်တဲ့အတွက် သူတို့လို လိုက်တုပပြီးဝတ်ဆင်စရာမလိုပါဘူး။ ကိုယ့်အတွက် သက်သောင့်သက်သာဖြစ်မယ့် အ၀တ်အစားကိုသာရွေးချယ်ဝတ်ဆင်ပါ။

သဘာဝကျဖို့ အရေးကြီးပါတယ်
ကိုယ်နှစ်သက်တဲ့အနုပညာရှင်တွေရဲ့ဝတ်ဆင်ပုံကို အတုခိုးသလို သူတို့ရဲ့ပြောဟန်၊ ဆိုဟန်၊ နေထိုင်ပြုမူ ဟန်တွေကို တုပနေစရာမလိုပါဘူး။ ကိုယ်ဟာ ကိုယ်ပဲဖြစ်တဲ့အတွက် ကိုယ်ပြောလိုက်တဲ့စကား၊ ကိုယ်ပြုလိုက်တဲ့အပြုအမူကို တစ်ဖက်လူရင်ထဲရောက်သွားအောင် သဘာဝကျကျပြုမူနေထိုင်ပါ။

ကျွန်မဖော်ပြတဲ့အချက်တွေကို သိပြီးသူတွေရှိသလို၊ မသိသေးသူတွေလည်းရှိပါလိမ့်မယ်။ သိပြီးသားဖြစ်စေ၊ မသိရသေး၍ဖြစ်စေ ကိုယ့်ရဲ့မှားယွင်းနေတဲ့ Style တွေ၊ အယူအဆတွေကို သုံးသပ်မိပါစေလို့ ဆန္ဒပြုရင်း 

…Crystal
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment