ဝမ်းအပေါ်မှာ ကိုယ်လက်မခံစရာ မကြိုက်စရာမရှိသလောက်ကို နည်းပါတယ် Rဇာနည်









လတ်တလောအနုပညာလှုပ်ရှားမှု
၂၃ ရက်နေ့အခွေထွက်ဖို့ကို အဲဒီအပိုင်းလေးသေချာလုပ်ဖြစ်နေပါတယ်။ February 23rd ကျွန်တော့်ရဲ့ စတုတ္ထတစ်ကိုယ်တော် ထွက်မယ်ပေါ့နော်။ 'ကမ္ဘာသား'လို့ နာမည်ပေးတာက လင်းလင်းရဲ့သီချင်း လေးပေါ့။ သဘာဝနဲ့ပတ်သက်တဲ့ စာသားလေးတွေ ကမ္ဘာပေါ်မှာရှိတဲ့ လူတစ်ယောက်နဲ့ ကမ္ဘာကြီးရဲ့အခြေ အနေပေါ်မူတည်ပြီး ရေးစပ်ထားတာဖြစ်တဲ့အတွက် ဒီနာမည်ပေးပေးဖြစ်တာပါ။ တော်တော်လေးတော့ စဉ်းစားလိုက်ရတယ်။ သီချင်းအားလုံး ဥတညွှကညန တွေပေါ့။ ကျွန်တော်ဆိုနေကျပုံစံတွေပါပဲ။

တစ်နေ့တာ Life Style
ကျွန်တော့်အလုပ်ကအချိန်မမှန်ဘူး။ ခရီးသွားရတာနဲ့ ခရီးမသွားရတာပဲကွာတာပေါ့။ ခရီးသွားရင် တော့ ရောက်တဲ့ဒေသမှာ ကျွန်တော်ပွဲဆိုဖြစ်တယ်။ ဒါပေမဲ့တစ်နေကုန်ကတော့ နားနားနေနေ နေဖြစ်တယ်။ ရန်ကုန်မှာရှိနေရင်တော့ ကလေးကိုနေ့တိုင်းကျောင်းကြိုပို့လုပ်တယ်။ ခြံသန့်ရှင်းရေးလုပ်တယ်။ ခွေးနှစ်ကောင် ရဲ့ဝေယျာဝစ္စတွေလုပ်တယ်။ သီချင်းနဲ့ပတ်သက်တဲ့ကိစ္စတွေလုပ်တယ်။ အဲဒါတွေနဲ့ အချိန်ကုန်သွားပါတယ်။

မိသားစုအတွက်အချိန်ပေးတဲ့အခါ
ကျွန်တော့်အလုပ်က မိသားစုနဲ့ပဲလုပ်တာများပါတယ်။ ခရီးထွက်ရင်တောင် ကလေးကျောင်းပိတ်ရက် တွေနဲ့ကြုံရင် သူ့ကိုခေါ်သွားတာမျိုးရှိတာ ကိုယ့်သပ်သပ်ကြီး ထွေထွေထူးထူးအချိန်ပေးတာမျိုးမရှိဘူး။ ဒါပေမဲ့ ကလေးကျောင်းပိတ်ရက်လိုမျိုးမှာ သူကြီးလာရင်မှတ်မှတ်ရရဖြစ်သွားအောင်ဆိုပြီးတော့ ခရီးလေးတွေလိုက်ပို့ တာမျိုးသေချာလုပ်တာပေါ့လေ။ ဒီအတိုင်းလည်းသွားနေတာပါပဲလေ။

Valentine’s Day ကိုဘယ်လိုကျော်ဖြတ်ခဲ့သလဲ။
ဒီနှစ် Ventien’s Day မှာ မိတ်ဆွေတွေရဲ့ Wedding ရှိတော့ သူတို့အတွက် စီစဉ်ပေးခဲ့ပါတယ်။ အဲဒီ တော့ ဘယ်မှမသွားဖြစ်ဘူးပေါ့။

အချစ်ကဘယ်အာရုံနဲ့စတင်ခဲ့သလဲ။
ဘယ်အာရုံလဲဆိုရင် ''အမြင်''ပဲပြောရမှာပေါ့နော်။ သူနဲ့ကိုယ်နဲ့စပြီးလူချင်းမတွေ့ခင် ဖုန်းပြောဖူးတာမျိုး လည်းမဟုတ်ဘူး။ သူ့မော်ဒယ်ရှိုးပွဲမှာ ကျွန်တော်တွေ့ရင်းနဲ့စပြီး ရင်းနှီးမှုယူရင်းကနေ ကျွန်တော်တို့ အချိန် တော်တော်ကြာမှ သမီးရည်းစားဖြစ်သွားတာကိုး။

အိမ်ထောင်မပြုခင်က အချစ်နဲ့ အိမ်ထောင်ပြုပြီးအချစ်
အိမ်ထောင်မပြုခင်အထိကတော့ အသက်ငယ်တာလည်းပါမှာပေါ့။ အသက်ငယ်တာနဲ့အပူအပင်တွေ သိပ်မရှိတာမျိုးလေးတွေနဲ့ကျတော့ သမီးရည်းစားဘ၀အချစ်ကတော့ လူငယ်ဆန်ပြီး ဒီနေ့ခေတ်လူငယ်တွေရဲ့ ပုံစံမျိုးနဲ့အတူတူပါပဲ။ အိမ်ထောင်ကျပြီးတဲ့အခါကျတော့ အသက်အရွယ်ရလာပြီဆိုတော့ လူ့လောကမှာလူ အဖြစ်ရပ်တည်တဲ့အခါကျတော့ ဘယ်သူမဆိုအကောင်းဆုံးဖြစ်ချင်ကြလာပြီး ကိုယ့်မိန်းမရယ်လို့ဖြစ်လာတဲ့ အချိန်မျိုးမှာ ကိုယ့်အပေါ်မှာသူ အပြည့်အ၀ယုံကြည်တာကိုရအောင်၊ ကိုယ်ကလည်းသူ့အပေါ် အပြည့်အ၀ ယုံကြည်ပြီးတော့ အပြန်အလှန်နှစ်ယောက်ဘ၀ကို ထူထောင်ရတဲ့အချစ်မျိုးပေါ့။ သားသမီးတွေရလာပြီးတော့ ဒါတွေကပိုပြီးတော့ ခိုင်မြဲလာတဲ့အချစ်မျိုးတွေ ဖြစ်လာတယ်ထင်ပါတယ်။ အခုဆို အိမ်ထောင်သက်က (၁၂) နှစ်ရှိပါပြီ။

အိမ်ထောင်သက် (၁၂)နှစ် အတွင်းရခဲ့တဲ့သင်ခန်းစာ
(၁၂)သားပေါ့လေ။ အတွေ့ကြုံကတော့မျိုးစုံပါပဲ။ အချစ်တွေရော၊ ဘ၀တွေရောအကုန်လုံး အခက် အခဲတွေရော ပျော်ရွှင်မှုတွေရောနဲ့ဖြတ်သန်းရတာပေါ့နော်။ လူပေါင်းစုံနဲ့ထိတွေ့ဆက်ဆံပြီး ဖြတ်သန်းလာရတဲ့ အခါကျတော့ သင်ခန်းစာတွေလည်းအများကြီးရသလို ပြင်ဆင်စရာလေးတွေလည်း အတိုင်းအတာတစ်ခု အထိပြင်ဆင်ဖို့အတွက် အသိဉာာဏ်တွေကြွယ်ဝလာခဲ့ပါတယ်။

ဝမ်းအပေါ်မကြိုက်တာလေးတွေ

သူ့အပေါ်ကိုယ်မကြိုက်တာတွေ ပြောရမယ်ဆိုရင်တော့ ကိုယ့်ပေါင်ကိုယ်လှန်ထောင်းသလိုဖြစ်လိမ့် မယ်။ သူ့အပေါ်မှာ ကိုယ်လက်မခံစရာ မကြိုက်စရာမရှိသလောက်ကိုနည်းပါတယ်။ ကိုယ်ကပဲသူ့အပေါ်မျိုးစုံ ဆိုးတာပေါ့။

တစ်ယောက်နဲ့တစ်ယောက် စိတ်တူကိုယ်တူဖြစ်တာဆိုရင်
စိတ်တူကိုယ်တူရှိတာတွေကလည်း များတယ်။ ဘာလို့လည်းဆိုတော့ ကျွန်တော်တို့မဟုတ်မခံတာ လည်းတူတယ်။ ပြီးတော့ တော်တော်များများပြောပါတယ်ဗျ။ လင်မယားလည်းဖြစ်နေတော့ ခုနက ပြောသလိုပဲ စိတ်တူကိုယ်တူအချက်တွေများပါတယ်။ ဘာမှသိပ်ပြီးညှိနှိုင်းစရာမလိုဘူး။ ဥပမာ-လူတစ်ဖက်သားကို ကူညီတဲ့ နေရာမှာလည်း ကူညီချင်စိတ်ဆိုတာရှိတယ်။ လှူတန်းချင်စိတ်ရှိတာလည်း တူတယ်ပေါ့။ မှားနေတာဆိုရင် နေရာအချိန်မရွေးဘူး၊ လူမရွေးဘူးဝင်ပြီးတော့ ပြောတတ်တာမျိုးလေးတွေလည်း တူပါတယ်။

ဖစ်ဖစ်တုံလေးအပေါ် ဖခင်တစ်ယောက်အနေနဲ့
ကျွန်တော့်အနေနဲ့ကတော့ အတတ်နိုင်ဆုံး အကောင်းဆုံးဖြစ်အောင် ဖြည့်ဆည်းပေးမယ်လို့စဉ်းစား ထားပါတယ်။

ဘယ်လိုကိုင်တွယ်ဆုံးမဖြစ်သလဲ
အခုလောလောဆယ် အခြေအနေထိကတော့ ဒါကလေးသဘာဝပဲရှိသေးတာဆိုတော့ သူ့အပေါ်မ ကြိုက်တာတို့ ဘာတို့ဆိုသိပ်ပြောလို့မရဘူးဆိုရင် အဓိကပညာရေးသိပ်ပြီး မလိုက်နိုင်ဘူးဆိုရင် ဒဏ်ပေးတာ ပေါ့လေ။

နှစ်ယောက်သားကျော်ဖြတ်ခဲ့တဲ့ Valentine’s Day
ကျွန်တော်တို့ငယ်ငယ်ကတည်းက Ventine’s Day တွေအများကြီး ဖြတ်သန်းခဲ့ရပါတယ်။ အမှတ်တရ ရှိတာကတော့ ကျွန်တော်တို့နှစ်ယောက် အကျီဆင်တူလေးတွေဝတ်ပြီးတော့ ရှိုးပွဲတွေသွားကြည့်တာမျိုးလေး တွေက အမှတ်တရပါပဲ။

Valentine’s Day အမှတ်တရစကား
Valentine’s မှာ အဓိက လူငယ်တွေအတွက်ပိုပြီးတော့ သက်ဆိုင်လိမ့်မယ်ထင်ပါတယ်။ လူကြီးတွေ လည်း ပျော်ရွှင်လို့ရပါတယ်နော်။ လူငယ်တွေအနေနဲ့ကျတော့ ဒီ Valentine’s ကနေ စပြီး ကိုယ့်ကောင်လေး ကောင်မလေးနဲ့ ချစ်ချစ်ခင်ခင်ပျော်ပျော်ရွှင်ရွှင်နဲ့ ဖြတ်သန်းနိုင်ကြပါစေလို့။

လူဆိုရင် ဆင်းရဲ၊ ချမ်းသာ၊ ကောင်းကောင်း၊ ဆိုးဆိုး အာဇာနည်ကလူလို့ပဲမြင်တယ်။ အဲဒါလေးတော့ကြိုက် ပါတယ် ,,,,,,,,,,,၀မ်း


တစ်နေ့တာ Life
အစ်မကိုယ်ပိုင်အလုပ်ကတော့ ဆိုင်အလုပ်ပါ။ ဆိုင်ကနေ့တိုင်းဖွင့်တယ်။ ရန်ကုန်မှာရှိရင်တော့ အိမ်မှာ သားအလုပ်၊ ယောက်ျားအလုပ် ပြီးရင် ဆိုင်ကိုထွက်တယ်။ ရန်ကုန်မှာမရှိရင် ကိုဇာနည်ခရီးသွားတဲ့ နောက်ကို တောက်လျှောက်လိုက်တာကိုး။ အလုပ်ကခရီးသွားတော့ ကိုဇာနည်အလုပ်တစ်ခုတည်းဆိုတော့ နည်းသွားတာ ပေါ့။ အဲဒီ အချိန်နည်းနည်းအနားရတာပေါ့။

မိသားစုအတွက်အချိန်ပေးတဲ့အခါ
မိသားစုနဲ့အတူရှိတယ်ဆိုရင် Family Time ဆိုပြီး မုန့်သွားစားတာ၊ ဈေးသွားဝယ်တာ။ သူလိုချင် တဲ့ စာအုပ်တို့ဘာတို့ရှိမယ့်နေရာသွားတယ်။ တစ်ခါတလေ မှော်ဘီက ဘုန်းဘုန်းကျောင်းကိုသွားတာတို့ မိသား စုလိုက် ဘုရားသွား ကျောင်းတက်တွေတော့လုပ်ဖြစ်ပါတယ်။

Valentine’s Day အစီအစဉ်

ထူးထူးခြားခြားတော့မဟုတ်ခဲ့ပါဘူး။ အဲဒီနေ့အစ်မတို့ မိတ်ဆွေတစ်ယောက်ရဲ့သမီး မင်္ဂလာဆောင် မယ်ဆိုတော့ အဲဒီမှာရှိနေခဲ့ပါတယ်။ သီချင်းပိုင်း၊ တီးဝိုင်းပိုင်းကိုစီစဉ်ပေးခဲ့ရပါတယ်။

ကိုဇာနည့်ကိုဘယ်လိုစချစ်မိသလဲ
အစ်မတို့နှစ်ယောက်က မြင်မြင်ချင်းချစ်တာမျိုးလည်းမဟုတ်ဘူး။ ရင်းနှီးမှုပြောရမလား။ သံယောဇဉ် ပေါ့နော်။ သူငယ်ချင်းလိုမျိုး (၃) နှစ်ကျော်လောက်ကြာခဲ့တာဆိုတော့ ဖုန်းတွေပြောကြ၊ မုန့်တွေသွားစားကြ ရင်းနှီးမှုပေါ့နော်။ အဲဒီကနေမှ ချစ်သွားကြတာပါ။

အိမ်ထောင်မပြုခင်ကအချစ်နဲ့ အိမ်ထောင်ပြုပြီးအချစ်
အဲဒါကတော့ အစ်မထင်တာအသက်အရွယ်နဲ့ ဆိုင်မယ်ထင်တယ်။ တချို့က အသက် ၄၀ အရွယ်မှ အချစ်စိတ်တွေ ပြန်ဖြစ်တာတို့ကြားဖူးတယ်ပေါ့နော်။ အခု (၄၀)မဟုတ်သေးတော့ အဲဒီဘက်ကိုတော့ မသိဘူး။ ဒါပေမဲ့ အသက်(၂၀)ကျော်က အချစ်နဲ့ (၃၀)ကျော်အချစ်က အချစ်မတူတာတော့အမှန်ပဲ။ ဆယ်ကျော် သက်တုန်းကခေါင်းထဲမှာ ဘာမှလည်းမရှိဘူးပေါ့။ ဘာမှလည်း Plan မရှိဘူး။ ဒီလိုပဲပေါ့ ပေါ့ပါးပါးပေ့ါ။ အိမ်ထောင်ကျသွားတယ်ဆိုတဲ့အချိန်မှာ (၂၀)ကျော်ပဲ ရှိသေးတာပေါ့။

ငယ်သေးတဲ့အတွက်အဲဒီတုန်းက လင်မယားနှစ်ယောက်က Valentine’s Day ဆို မုန့်လေးစားတာတို့။ လက်ဆောင်လေးတွေ အပြန် အလှန်ပေးတာတို့ လုပ်ဖြစ်ကြတယ်။ အသက်ကြီးလာတဲ့အခါကျတော့ အဲဒီလိုမျိုးကြီးတွေ မလုပ်ဖြစ်ကြ တော့ဘူးပေါ့။ အမှန်တော့ ကိုယ့် ညေညငလနမျမေပ ပဲဖြစ်ဖြစ် Valentine’s Day ပဲဖြစ်ဖြစ် ဘာလုပ်သင့်လဲဆိုတော့ အချိန်ပေးသင့်တယ်။ ဘာလို့လည်းဆိုတော့ တချို့တွေကကိုယ့်အလုပ်နဲ့ကိုယ်ဆို တော့ နီးလျက်နဲ့ဝေးနေကြတာမျိုးရှိတယ်ပေါ့။

ကိုဇာနည်အပေါ်မကြိုက်တဲ့ အချက်လေးတွေ

အမူအကျင့်ပေါ့နော်။ အခြေခံအားဖြင့်တော့ တစ်ချက်မဟုတ်ရင် တစ်ချက်တူနေတာလေးတွေရှိပါ တယ်။ ဒါပေမဲ့ အဲဒါကလည်း အတူတူနေရင်းနဲ့တူသွားတာ။ တချို့ကျတော့လည်း လုံးဝညှိလို့မရ ပြုပြင်လို့ မရတဲ့အချက်လေးတွေရှိတယ်။ အရင်တုန်းကတော့ အတင်းလိုက်ပြင်တာ။ ဒါပေမဲ့ အခုအစ်မ မပြင်တော့ဘူး။ ဘာလို့လည်းဆိုတော့ သူလည်းအသက် (၂၀)လုံး ကိုယ့်ဘာသာနေလာတာ။ ဒီအကျင့်တွေကတော့ စွဲနေမှာပဲ။ ငယ်ငယ်ကတည်းကဆိုတော့ အစ်မကတော့မပြင်ဘဲ အဆင်ပြေအောင်နေလိုက်တယ်။

ကိုဇာနည်အပေါ်ဘယ်လိုအပြုအမူလေးတွေသဘောကျလဲ
သူ့ကို အစ်မအနေနဲ့အမြင် ပြောရမယ်ဆိုရင် သူကအရမ်းရိုးတယ်။ အရမ်းလည်းအေးတယ်။ ဆန်းဆန်း ပြားပြားတွေလျှောက်ပြီးတော့ မတွေးဘူး။ လူတစ်ယောက်ကိုသူက လူလို့ပဲမြင်တာ။ လူဆိုရင် ဆင်းရဲ၊ ချမ်းသာ၊ ကောင်းကောင်း၊ ဆိုးဆိုး သူကလူလို့ပဲမြင်တယ်။ အဲဒါလေးတော့ကောင်းပါတယ်။ ဘယ်လိုပဲဖြစ်ဖြစ်ပေါ့။ ပြီးတော့ ပွင့်ပွင့်လင်းလင်းနေတက်တယ်။ ဟန်ဆောင်ပန်ဆောင်တွေလည်း သူသိပ်မလုပ်တတ်ဘူး။ အဲဒီလိုမျိုး လုပ်ပြီး သွားရမယ့်နေရာဆိုရင်လည်း သူအရမ်းစိတ်ညစ်တယ်။

အိမ်ထောင်သက်(၁၂)နှစ် အတွင်းရခဲ့တဲ့သင်ခန်းစာ

ခုနကပြောသလိုပေါ့နော်။ ငယ်လည်းငယ်တယ်။ ကိုယ်ဖြစ်ချင်တာတွေကိုပဲ အတ္တတွေနည်းနည်း ကြီးခဲ့တာပေါ့နော်။ အသက်နည်းနည်းကြီးလာတော့ အတ္တတွေကလျော့သွားတာပေါ့။ ကိုယ်ဖြစ်ချင်တာကို လိုက်ဖြစ်နေမယ့်အစား သူ့ကိုပြင်နေမယ့်အစား ကိုယ့်ကိုယ်ကိုယ်ပြင်တာ အလွယ်ဆုံးပဲဆိုတာကို ရှာတွေ့ သွားတယ်။ အဲဒါကြောင့် သူ့ကိုအတင်းကြီးလိုက်ပြီး ပြင်မနေတော့ဘူး။

အမှတ်တရအဖြစ်ခဲ့ဆုံး Valentine’s Day
သမီးရည်းစားတုန်းကဆိုလည်း အကျီဆင်တူလေးတွေဝတ်တယ်။ လျှောက်လည်ကြတယ်။ ကစား ကွင်းတွေသွားကြတယ်ပေါ့နော်။ အဲဒီခေတ်ကလည်း ဒါလေးတွေပဲရှိတာဆိုတော့လေ။ ဒါပေမဲ့အခုအရွယ်မှာ အဲဒါတွေကိုပြန်ပြီးသတိရလားဆိုတော့ တော်တော်စဉ်းစားယူရတယ်။ အခုလက်တွေ့ဘ၀မှာ ဒါတွေက တကယ်လည်း အရေးမပါဘူးလို့ထင်တာပေါ့နော်။ အဲဒီလိုလုပ်ဖို့ကိုလည်း အခုအချိန်မှာအချိန်မပေးနိုင် တဲ့အတွက် စိတ်မ၀င်စားတော့ပါဘူး။

ဖစ်ဖစ်တုန်လေးကို မိခင်တစ်ယောက်အနေနဲ့ ဘယ်လိုဖြည့်ဆည်းပေးဖြစ်သလဲ
အကုန်လုံးပါပဲ။ အချိန်တိုင်း သူ့အတွက်အစ်မကပေးနေတာပေါ့နော်။ တစ်ခါတလေဖြစ်ချင်တာတွေ လုပ်ချင်တာတွေများနေလို့ ကိုယ့်ကိုယ်ကိုယ်ပြန်လျှော့ရတာပေါ့။ စိတ်ကိုလျှော့ထားရတာ။ ပညာကို အရမ်းကြီး ထူးချွန်ရမယ်လို့မပြောဘူး။ ဒါပေမဲ့ လက်ရှိပညာရေးကို ဆုံးခန်းတိုင်တဲ့အထိအစ်မလည်း ထားနိုင်အောင် ကြိုးစားသလို သူ့ကိုလည်းဆုံးခန်းတိုင်အောင် သင်စေချင်တယ်။ ဒီလောက်ဆိုရပါပြီ။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape




Share on Google Plus

0 comments:

Post a Comment