ကျွန်မဘ၀မှာ အကောင်းဆုံးအမှတ်တရပါပဲ… တာ့ဝမ်


အိမ်မက်တွေ အမှန်တကယ်ဖြစ်လာပါပြီ ဒါက ကျွန်မဘ၀မှာ အကောင်းဆုံးအမှတ်တရပါပဲ… တာ့ဝမ်
Asia’s Next Top Model Season 4 ပြိုင်ပွဲကြီးလည်း အောင်မြင်စွာပြီးဆုံးသွားခဲ့ပါပြီ။ နောက်ဆုံးပြိုင်ပွဲဝင် သုံးယောက်ဖြစ်တဲ့ တာ့ဝမ်(ယိုးဒယား)၊ ပက်ထရစ်ရှာ(အင်ဒိုနီးရှား)နဲ့ ဆန်းအင်(တောင်ကိုရီးယား) သုံးဦး စလုံးက ပရိသတ်တွေအတွက် အကြိုက်ဖြစ်ခဲ့ပါတယ်။

Asia’s Next Top Model Season 4 မှာ ဆုရသူကတော့ ထိုင်းနိုင်ငံက တာ့ဝမ်ဆိုတဲ့ကောင်မလေးပါ။

သူကပြိုင်ပွဲစ၀င်ကတည်းက ဆုရဖို့မမျှော်လင့်ရဲပါဘူးဆိုပြီး ပြောထားခဲ့ပါတယ်။

ဘာသာစကားအခက်အခဲ၊ အခက်အခဲအားလုံးကို ကျော်လွှားပြီး ဆုရခဲ့တဲ့ တာ့ဝမ့်ရဲ့စကားသံကတော့…

“ကျေးဇူးအများကြီးတင်ပါတယ်။ စင်ဒီ၊ ယုဆိုင်း၊ ကယ်လီအန်ဒီယိုနို၊ ကန်နီဘွိုင်၊ ကေတီကင်တို့ အားလုံးကို ကျေးဇူးတင်ပါတယ်။ ပြိုင်ပွဲဝင်သူငယ်ချင်းအားလုံးနဲ့ ထုတ်လုပ်ရေးအဖွဲ့အားလုံးကိုလည်း ကျေးဇူးတင်ပါ တယ်။ ကျွန်မကိုမော်ဒယ်ကောင်းတစ်ယောက်ဖြစ်အောင် လူကောင်းတစ်ယောက်ဖြစ်အောင် ပြုပြင်ပေး သွားတဲ့ Asia’s Next Top Model ကိုလည်း ကျေးဇူးတင်ပါတယ်။ ကျွန်မရဲ့ အိမ်မက်တွေအမှန်တကယ် ဖြစ်လာပါပြီ။ ဒါက ကျွန်မဘ၀မှာ အကောင်းဆုံးအမှတ်တရပါပဲ” ဆိုပြီး ပြောလာပါတယ်။

Runner up ရခဲ့တဲ့ ကင်ဆန်းအင်ကလည်း “ဒီခရီးစဉ်တစ်လျှောက်လုံးမှာ ကျွန်မအများကြီး သင်ယူခွင့်ရခဲ့ပါ တယ်။ ကျွန်မမော်ဒယ်ကောင်းတစ်ယောက် ဖြစ်လာခဲ့တယ်။ လူကောင်းတစ်ယောက်ဖြစ်လာခဲ့တယ်။ ကျွန်မ Asia’s Next Top Model မဖြစ်ခဲ့ပေမယ့် World’s Next Top Model ဖြစ်နိုင်တယ်လို့ ယုံကြည်ပါ တယ်။ အဲဒါကြောင့် ကျွန်မမရှက်သလို နောင်တလည်း မရပါဘူး…” ဆိုပြီးပြောလာပါတယ်။

ဒါတင်မကပါဘူး။ ဆန်းအင်ဟာ လန်ဒန်ကနာမည်ကြီး Strom Model Management နဲ့ စာချုပ်ချုပ်ဆိုခဲ့ပြီး ဖြစ်ပါတယ်။




--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

Share on Google Plus

0 comments:

Post a Comment