ကိုယ့်ကိုယ်ကိုယ်အားပေး

လူတစ်ယောက် တစ်နေ့လှုပ်ရှားပြုမူဆောင်ရွက်နေသမျှက နံနက်ခင်းအိပ်ရာနိုးလာတာနဲ့ သက်ဆိုင် ပါတယ်။ အိပ်ရေးမ၀၊ စိတ်အနှောင့်အယှက်ဖြစ်ပြီး နိုးလာရင် တစ်နေကုန်မကြည်မလင်ဖြစ်မယ်။ အိပ်ရာနိုးထလာရင် တစ်နေကုန် လန်းဆန်းပြီး အလုပ်လုပ်ရတာ အဆင်ပြေနေစေမယ်။ ကြည်လင် လန်းဆန်းတဲ့ နံနက်ခင်းက သူ့ချည်းသက်သက်တော့ မပြည့်စုံပါဘူး။ ကိုယ့်ကိုယ်ကိုယ်ပိုချစ်စေဖို့၊ ပိုပျော်ရွှင်စေဖို့၊ ပိုကောင်းစေဖို့ အားပေးစကားလေးတွေလိုအပ်ပါတယ်။

ဒီနေ့က နေ့သစ်တစ်ခု
မနေ့ကစိတ်အနှောင့်အယှက် ဖြစ်ခဲ့တာ၊ စိတ်မကောင်းခဲ့တာ၊ တစ်ခုခုဖြစ်ကောင်းဖြစ်လိမ့်မယ်။ မနေ့က ပြဿနာတွေ ဒီနေ့ထိလွှမ်းမိုးခံနေမှာလား။ ဒီနေ့က နေ့သစ်တစ်ရက်ပါ။ စိတ်သစ်၊ လူသစ် ခွန်အားသစ်တွေနဲ့ ရှေ့ဆက်သွားတာ မကောင်းဘူးလား။

ငါတော်တယ်
ငါတကယ်ပဲတော်ရဲ့လား။ တကယ်ပဲတော်ပါတယ်။ နံနက်ခင်းနိုးထတိုင်း ကိုယ်တော်တယ်။ တတ်တယ်ဆိုတာ အမြဲတွေးထားပါ။ ကိုယ့်အတွေးနဲ့ကိုယ် နေ့တစ်နေ့ကို အစပြုတဲ့အတွက် ဘာမှ အပန်းမကြီးသွားပါဘူး။

အခက်အခဲဆိုတာကျော်လွှားမရတာမဟုတ်
ဘ၀ဆိုတာ တစ်ခါတစ်ရံ ကျော်လွှားမရလောက်ဘူးလို့ထင်ရတဲ့ အခက်အခဲတွေလက်ဆောင် ပေး တတ်ပါတယ်။ ကိုယ်တိုင်က ကျော်လွှားဖို့မစဉ်းစားကြည့်ဘဲ ပူဆွေးသောကရောက်နေမှာလား။
အခက်အခဲဆိုတာ ကျော်လွှားမရတဲ့ အရာကြီးတစ်ခုမဟုတ်ပါ။

ဆန္ဒရှိရင် ဘာမဆိုဖြစ်နိုင်
ကိုယ့်ကိုယ်ကိုယ်ယုံကြည်မှုက ကိုယ့်ကိုယ်ကိုယ်ချစ်ဖို့အခြေခံပါ။ ကိုယ့်ကိုယ်ကိုယ် ကိုယ့်အရည် အချင်းကိုမယုံကြည်ရင် ကိုယ့်ကိုယ်ကိုယ်ချစ်ဖို့ ရုန်းကန်နေရပါလိမ့်မယ်။

နေ့တိုင်းကကိုယ့်အတွက် အခွင့်အရေး
ကိုယ့်ကိုယ်ကိုယ်မချစ်တတ်သူတွေက နေ့သစ်တစ်နေ့ချင်းစီက ပေးနေတဲ့အခွင့်အရေးတွေကို မြင်နိုင် စွမ်းမရှိပါဘူး။ ကိုယ့်ကိုယ်ကိုယ် ချစ်တတ်သူတွေအတွက် နေ့တိုင်းကအခွင့်အရေးတွေပါ။

ကျရှုံးတာပြဿနာမရှိ
လူဖြစ်တဲ့အတွက် အောင်မြင်မှုလည်းရှိသလို ကျရှုံးမှုလည်းရှိမှာပါ။ ကိုယ့်ကိုယ်ကိုယ်အရှုံးသမားလို့ မသတ်မှတ်ထားပါနဲ့။ စတိဗ်ဂျော့လည်း ကျရှုံးဖူးပါတယ်။ လီယိုနာဒို ဒါဗင်ချီလည်း ကျရှုံးဖူးပါတယ်။ အိုင်းစတိုင်းလည်း ကျရှုံးဖူးပါတယ်။ ကျရှုံးမှုက လူတစ်ယောက်ကို အဆုံးအဖြတ်မပေးနိုင်ပါဘူး။ ကိုယ် ဘယ်လောက်မြန်မြန်ထနိုင်သလဲ ဆိုတဲ့စိတ်ဓာတ်ခိုင်မာမှုကသာ လူတစ်ယောက်ကို အဆုံးအဖြတ်ပေး တာပါ။

တစ်ခြားလူရဲ့ခွင့်ပြုချက်မလို
တစ်ခြားလူတွေက ကိုယ့်ကိုယ်သာပြောမယ်၊ ဘာထင်နေမယ် ဆိုတာဂရုစိုက်နေပါသလား။ ဘာကြောင့်လဲဆိုတာ ကိုယ့်ကိုယ်ကိုယ်ပြန်မေးလိုက်ပါ။ ကိုယ့်ကိုယ်ကိုယ်ချစ်သလောက် ဘယ်သူမှ ကိုယ့်အပေါ်မချစ်နိုင်ပါဘူး။

ဘ၀မှာပြုံးရယ်စရာတွေ အများကြီးရှိတယ်
တစ်ခြားလူတွေကို သတိထားလွန်းတဲ့အတွက် ကိုယ့်ကိုယ်ကိုယ် မေ့လျော့သွားစေလောက်တဲ့အထိ ခံစားချက်လူတိုင်းကြုံဖူးကြမှာပါ။ အဲဒီတော့ ကိုယ့်ကိုယ်ကိုယ် အာရုံစိုက်ကြည့်ပါ။ ကိုယ့်လိုအပ်ချက် တွေကို သတိထားမိလာပါလိမ့်မယ်။

နောက်ကျတယ်ဆိုတာမရှိ
'နောက်ကျသွားပြီ'ဆိုတာ ကိုယ့်ကိုယ်ကိုယ် ယုံကြည်မှုမရှိသူတွေပေးတဲ့ အကြောင်းပြချက်တစ်ခုပါ။ ဘ၀မှာ နောက်ကျသွားတယ်ဆိုတာ မရှိပါဘူး။ စတင်တဲ့အချိန်မှာ အံဝင်ခွင်ကျမဖြစ်ရုံလေးပါ။

ရန်နိုင်

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

Share on Google Plus