Ice Age Village









          Ice Age Village  ဟာ Gameflof မှ ထုတ်လုပ်တဲ့ Simulation ဂိမ်းကောင်းတစ်ခုဖြစ်ပါတယ်။ အောင်မြင်ကျော်ကြားမှုရပြီးသား Ice Age ရုပ်ရှင်ဇာတ်ကားရဲ့ အဓိကဇာတ်ကောင်များအပေါ် အခြေခံထား ပြီးကမ္ဘာဦးခေတ်က သတ္တ၀ါတွေကို အိမ်တွေဆိုင်တွေအစား နေရာချစီမံခန့်ခွဲရမှာဖြစ်ပါတယ်။ ချောမွေ့တဲ့ ဂရပ်ဖစ်ဂိမ်းတစ်ခုဆိုတာထက် 3D animation ရုပ်ရှင်ကားတစ်ခုကြည့်နေရသလို အသက်ဝင်ပြီး အစွယ်ပါတဲ့ ရှဥ့်ကလေး Scrat ရဲ့အပြုအမူနဲ့ minigame တွေဟာလည်း မူရင်းဂိမ်းကို ပိုပြီး စွဲဆောင်မှု ရှိစေမှာ ဖြစ်ပါတယ်။
ဇာတ်လမ်းအစမှာ Scrat ရဲ့ဝက်သစ်ချသီးလိုက်ရှာရာကနေ ကမ္ဘာ့အက်ကွဲကြောင်းကို ဆွဲထုတ်မိပြီး တစ်စစီပြန့်ကျဲနေတဲ့ ကုန်းမြေပေါ်ကနေ ကမ္ဘာဦးတိရိစ္ဆာန်တွေကို ပြန်လည်နေရာချဖို့အတွက် Manny, Ellie, Diego နဲ့ Sid တို့မှ ပြန်လည်ထူထောင်ရေးရွာလေး တစ်ခုတည်ထောင်ရာမှ စရမှာဖြစ်ပါတယ်။ MIB 3, Oregon, Fairy Town တို့လိုပဲပထမဆုံးဆော့တဲ့အချိန်မှာ အင်တာနက်ချိတ်ဆက်ဖို့ လိုအပ်မှာဖြစ်ပြီး မိမိရဲ့ လိုအပ်တဲ့ အချက်အလက်တွေကို ဒေါင်းလုတ်ဆွဲပြီးချိန်မှာတော့ သူငယ်ချင်းတွေရဲ့Ice Age Village တွေဆီကို သွားမလည်သရွေ့ အင်တာနက်မလိုဘဲဆက်လက်ဆော့ကစားလို့ရမှာဖြစ်ပါတယ်။ Manny တို့က သင့်ကို ပြန်လည်ထူထောင်ဖို့အတွက် တိရိစ္ဆာန်တွေအကြောင်း သင်ကြားပေးမှာဖြစ်ပြီး Tutorial ဆန်ဆန် Quest တွေပြီးသွားတဲ့အခါ သင်ဟာကိုယ်ပိုင် ကမ္ဘာဦးတိရိစ္ဆာန်ရုံလေးတစ်ခုကို တည်ဆောက်ပြီးဖြစ်နေမှာပါ။ Feature တွေကအလွန်ဆွဲဆောင်မှုရှိပြီး Scrat ရဲ့ Fruit Ninja ဆန်ဆန် Mini Game အချို့နဲ့အတူ ICE Age မူရင်း ရုပ်ရှင်ကားရဲ့ Trailer ကိုလည်းကြည့်ရှုနိုင်တဲ့ Feature ပါဝင်ပါတယ်။ Simulation ဂိမ်းများနဲ့မတူညီတဲ့ Gameplay ကြောင့် ဆော့ကစားရတာငြီးငွေ့သွားမှာမဟုတ်ပါဘူး။
Ice Age Vilage မှာ တိရိစ္ဆာန်အကောင်သစ်ပေါင်း ၂၀၀ ကျော်ထပ်မံထည့်သွင်းထားပြီး Android, iOs Platform တွေမှာ အခမဲ့ဆော့ကစားနိုင်မှာဖြစ်ပါတယ်။ ဒီဂိမ်းကိုဒေါင်းလုတ်ပြုလုပ်ထည့်သွင်းသူပေါင်း ၁၀ သန်း အထိရှိလာတာကလည်း မူရင်းအောင်မြင်ပြီးသား ICE Age Animation ဇာတ်ကားတွေရဲ့အရှိန်အ၀ါကြောင့် ဆိုရင် မှားမယ်မထင်ပါဘူး။ 

Banurka
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment