iPhone အသစ်ပိုင်ရှင်တိုင်း သိထားသင့်တဲ့ 3D Touch လုပ်ဆောင်ချက်










Apple ဟာ သူ့ရဲ့နောက်ဆုံးထွက်ရှိထားတဲ့ iPhone 6s နဲ့ 6s Plus တို့မှာ 3D Touch လုပ်ဆောင် ချက်အသစ်ကို စတင်ထည့်သွင်းပေးထားခဲ့တာ အားလုံးသိပြီးဖြစ်မှာပါ။ ဒီလုပ်ဆောင်ချက် အသစ်ကတော့ App icon တွေ၊ App နဲ့  Setting icon တွေမှာ နဲနဲလေးဖိထားလိုက်တာနဲ့ သီးသန့်လုပ်ဆောင်ချက် menu တွေ (သို့မဟုတ်) shortuct တွေပေါ်လာကာ လုပ်ဆောင်ချက် အတော်များများကို ပိုမိုလွယ်စွာပြုလုပ်လာနိုင်မှာ ဖြစ်ပါတယ်။ ဒါပေမဲ့ iPhone မှာပါပြီး လုပ်ဆောင်ချက် အတော်မျာများသာ ဒီ 3D Touch ကို အပြည့်အ၀ အထောက်အပံ့ပေးနိုင်ပြီး ကျန်ပြင်ပ App တွေကတော့ အခုချိန်ထိအနည်းငယ်သာ အထောက်အပံ့ပေးနိုင် သေးတာတွေ့ရမှာဖြစ်ပါတယ်။ သင်လည်း ဖုန်းရဲ့မျက်နှာပြင်ကိုပွတ်ရင်းနဲ့ပဲ ဒီလုပ်ဆောင်ချက်ကို မကြာခဏ သွားပြီးရောက်မိ သွားလိမ့်မယ်လို့ ကျိန်းသေပေါက်ပြောရဲပါတယ်။

Call & Contacts
ဖုန်းခေါ်ဆိုအသုံးပြုရတဲ့ Dialer Function ပေါ်ကိုဖိထားကြည့်လိုက်ပါ။ 3D Touch လုပ်ဆောင် ချက် အဖြစ် ကိုယ်ခေါ်ဆိုနေကျ Contacts (၃)ခုကို Favorite အဖြစ်သတ်မှတ်ထားကာ အသုံးပြုနိုင်သလို Contacts အသစ်ထည့်သွင်းချင်တဲ့အခါမှာလည်း တိုက်ရိုက်ထည့်သွင်းနိုင်ပါလိမ့်မယ်။

 Quick Selfie
အလားတူပဲ ကင်မရာ icon လေးပေါ်ကိုဖိလိုက်ရင်လည်း Selfie ကင်မရာဘက်ကိုပြောင်း စရာမလို ဘဲ ဘာမှမေးမြန်းနေမှာမဟုတ်ဘဲ တိုက်ရိုက်ရိုက်ကူးသွားပါလိမ့်မယ်။ Selfie နဲ့အတူ video ရိုက်ကူးဖို့ အတွက် လည်း အလွယ်တကူပဲပြုလုပ်နိုင်ပါလိမ့်မယ်။

Direction House
သင့်အနေနဲ့အိမ်ပြန်ဖို့ လမ်းညွှန်လိုနေတဲ့အခါမျိုးရှိဖူးပါသလား။ ဒါမှမဟုတ် အိမ်ပြန်ဖို့အမြန်ဆုံးလမ်း ကြောင်းကိုရွေးလိုတဲ့အခါမျိုးရှိတဲ့အခါတွေမှာ Google Maps လေးကိုဖိလိုက်တာနဲ့ အိမ်ပြန်ဖို့လမ်းညွှန်ပေး ပါ လိမ့်မယ်။ အရင်ဦးဆုံးတော့မှာ ကိုယ်အိမ်ရဲ့တည်နေရာကို သတ်မှတ်ပေးထားရပါလိမ့်မယ်။

Update All apps
App Store ရဲ့အပေါ်ကို အနည်းငယ်ဖိလိုက်တဲ့အခါမှာလည်း ပေါ်လာတဲ့ menu ကနေ Update All လုပ်ဆောင်ချက်ကို အသုံးပြုနိုင်တာကြောင့် ကိုယ့်ဖုန်းထဲမှာရှိတဲ့ App တွေကို တစ်ခုချင်းစီရွေး ချယ်နေ စရာ မလိုဘဲ လိုအပ်တဲ့ Update အကုန်လုံးကိုတစ်ချက်နှိပ်ရုံနဲ့ ပြုလုပ်နိုင်လိမ့်မယ်။
အခြားသော built-in လုပ်ဆောင်ချက်တွေဖြစ်တဲ့ Photo, Mail, News, Message, Music, Video, Calendar, Clock အစရှိတဲ့ App အတော်မျာများဟာ 3D Touch ကိုအပြည့်အ၀ အထောက်အပံ့ပေးနိုင်တာ ကြောင့် စမ်းသပ်အသုံးပြုကြည့်ဖို့ တိုက်တွန်းလိုက်ပါတယ်။

မင်းသုနောင်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment