Readers’ Choice ကဏ္ဍအတွက်ရွေးချယ်ထားခံရသူကတော့
ဂျင်းနီမာကာဒိုပါ။ ဖိလစ်ပိုင်နိုင်ငံရဲ့ သရုပ်ဆောင်၊ အဆိုတော်၊ သီချင်းရေးဆရာတစ်ယောက်ဖြစ်ပါတယ်။
Star Struck ပြိုင်ပွဲမှာအနိုင်ရရှိရင်း နာမည်ကြီး
လူကြိုက်များလာ ခြင်းဖြစ်ပါတယ်။ မာကာဒိုဟာ အသက်ငယ်ရွယ်စဉ်ကတည်းက ရုပ်သံဇာတ် လမ်းတွဲတွေ၊
ဇာတ်ကားတွေ ရိုက်ကူးခဲ့ရကြောင်းပိုပြီးလူသိများ ထင်ရှားပါတယ်။ GMA Records, Viva
Rocords တို့နဲ့လည်း တွဲဖက်ပြီး Sa Aking
Panaginip, Moments Of Love, Maybe This This Time Kahit Sandali စတဲ့ သီချင်းတွေလည်း ထုတ်လုပ်ခဲ့ပါတယ်။
မာကာဒိုက ငယ်စဉ်ကတည်းက ပထွေးအနိုင်ကျင့်တာခံခဲ့ရပါတယ်။
ပထွေးဖြစ်သူဟာ မာကာဒို အသားကိုစီးကရက်နဲ့ထိုးပြီးနှိပ်စက်တဲ့အတွက် ထောင်ကျခဲ့ပါတယ်။
ဒီအကြောင်းကို သိတဲ့သူ့အမေဟာ ဒူဘိုင်းကနေ ဖိလစ်ပိုင်ကိုပြန်လာခဲ့ပါတယ်။ ဒါပေမဲ့ မာကာဒိုကိုကာကွယ်ရမဲ့အစား
ယောက်ျားဖြစ်သူကို ထောင်ကလွတ်ဖို့ကြိုးစားခဲ့ပါတယ်။ ဒီပြဿနာဖြစ်ပြီးနောက်မှာတော့ အဒေါ်ဖြစ်သူက
မာကာဒိုကိုတရား ဝင်သမီးအနေနဲ့ခေါ်ယူမွေးစားခဲ့ပါ တယ်။
ဒီအကြောင်းကိုလည်း ၂၀၀၄ ခုနှစ် Magpakailanman
Weekly Drama မှာ ဆောင်းပါး အနေနဲ့ ဖော်ပြခဲ့ပါသေးတယ်။ အခုတော့ မာကာဒိုဟာ Bata
Foundation ရဲ့တရားဝင်ပြောဆိုခွင့်ရှိသူ တစ်ယောက်ဖြစ်နေပါပြီ။
အသက်
၂၁ နှစ်အရွယ်မှာတော့ မာကာဒိုဟာ ရည်းစားဟောင်း Patrick Garcia နဲ့ကိုယ်ဝန်ရခဲ့ပြီး သားလေးတစ်ဦးမွေးဖွားခဲ့ပါတယ်။
မာကာဒိုဟာ
အနုပညာကို စိတ်ဝင်စားရုံသာမကပါဘူး။ နိုင်ငံရေးတက်ကြွလှုပ်ရှားသူ တစ်ဦး လည်းဖြစ်ပြီး
ဖိလစ်ပိုင်အမျိုးသမီးအဖွဲ့အစည်းတစ်ခုဖြစ်တဲ့ Gabriela အတွက်
အလုပ်လုပ်ခဲ့ပါသေးတယ်။
၂၀၁၅ မှာတော့ မာကာဒိုဟာ ဖိလစ်ပိုင်နိုင်ငံရဲ့
100 Sexiest Women စာရင်းမှာ အန်ဒရီယာ၊ အယ်လင်၊ မာရီရန်နရီဗာ တို့ကို ကျော်လွန်ပြီး
နံပါတ်(၁)နေရာချိတ်ခဲ့ပါတယ်။ ဒီကိစ္စကလည်းအငြင်း ပွားဖွယ်ရာတွေဖြစ်ခဲ့ပါသေးတယ်။ ဒါပေမဲ့
New York ကို
အနုပညာအလုပ်အတွက်ထွက်ခွာမသွားခင်မှာ ထုတ်လုပ်သူနဲ့ သတင်းထောက်က တောင်းပန်တဲ့အတွက်ပြေလည်သွားပါတယ်။
ရန်နိုင်
--------------------------------------------------------
ရသစုံလင် အနုပညာဖျော်ဖြေမှု
ကောက်ကြောင်းများကို Shape Entertainment မှာ ဖတ်ရှုလိုက်ပါ ...www.facebook.com/shapejournal
www.facebook.com/groups/weloveshape
0 comments:
Post a Comment