Cover Story - သက်တန့်ရွှေရည်၊ မြတ်မင်းစံ










အနုပညာကို ခုတုံးလုပ်ပြီးအခွင့်အရေးယူတဲ့လူတွေမကြုံဖူးသေးဘူး
သက်တန့်ရွှေရည်
လက်တလောကတော့ Photo Model လုပ်ဖြစ်နေပါတယ်။ Faces, Idea, ICar တို့တော့ ရိုက်ပြီး သွားပါပြီ။ မော်ဒယ်လောကထဲကို ၂ဝ၁၄ နောက်ပိုင်းလောက်က စဝင်လာတာပါလို့ ဆိုလာသူလေးက သက်တန့်ရွှေရည်ပါ။ သူနဲ့ပြောဖြစ်ခဲ့ပုံလေးက…..

ကိုယ့်ကိုယ်ကိုယ် Confidence  ရှိတဲ့အတွက Top 10  စာရင်းထဲ ပါလာခဲ့တယ်…..
ညီမရန်ကုန်ရောက်ပြီး ကိုဂျွန်လွင်ရဲ့Stars Model Agency မှာ ကိုယ်တိုင်ကလည်းတက်ချင် စိတ်ရှိလို့တက်ဖြစ်သွားတာ။ ညီမက ရှမ်းပြည်ကပါ။ အစပိုင်း ၄-၅ လလောက် ရန်ကုန်မှာနေလိုက်ပါ သေးတယ်။ နယ်မှာလည်း Show တွေလျှောက်ဖြစ်သေးတယ်။ ပြိုင်ပွဲကြီးတွေတော့မဝင်ဖြစ်သေးဘူး။  ပြိုင်ပွဲသေးလေးတွေတော့ဝင်ပြိုင်ဖြစ်တယ်။ ညီမက Miss Tasaungtai တို့ တောင်ကြီးကလုပ်တဲ့ Miss  ပွဲလေးတွေပေါ့။ အဲဒီလိုလေးတွေပြိုင်ဖူးပါတယ်။
ညီမပြိုင်ပွဲဝင်တော့ ကိုယ့်ကိုကိုယ် Confidence ရှိတဲ့အတွက Top 10 စာရင်းထဲလည်းပါလာခဲ့တယ်။ ပြိုင်ပွဲအတွေ့အကြုံတွေလည်း တော်တော်လေးသိလာတော့ အားလုံးအဆင်ပြေလာတယ်။ အရင်ကထက် စာရင်တော့ အများကြီးပြောင်းလဲလာပါတယ်။ 

အနုပညာကို ခုတုံးလုပ်ပြီး အခွင့်အရေးယူတဲ့လူတွေမကြုံဖူးသေးဘူး…..
တောင်ကြီးကနေ ရန်ကုန်အထိသင်တန်းလာတက်တာ အခက်အခဲတွေရှိပါတယ်ရှင့်။ ညီမက အနု ပညာအသိုင်းအဝိုင်းထဲကလည်းမဟုတ်ဘူး။ ရန်ကုန်ရောက်ဖို့ အိမ်ကမိဘတွေလည်း စိတ်ပူတာပေါ့နော်။ ဒီမော်ဒယ်လောကထဲဝင်တော့လည်း လမ်းမှန်လျှောက်ဖို့သင်ပေးတယ်။ စာနယ်ဇင်းက ဆရာ/မတွေကလည်း ညီမကိုကူညီ ပံ့ပိုးပေးကြတာအများကြီးပါ။ ဒီအတွက် ခက်ခဲသလောက် ပြန်ပြီးအဆင်ပြေသွားပါတယ်။ ညီမက ကိုယ်တိုင်လည်း စိတ်ရှင်းအောင်ထားလို့လားမသိဘူး။ အနုပညာကို ခုတုံးလုပ်ပြီး အခွင့်အရေးယူတဲ့လူ တွေမကြုံဖူးသေးဘူး။
ညီမတို့တောင်ကြီးကနေ ဖြစ်သွားတဲ့ မင်းသမီးမော်ဒယ်တွေကိုကြည့်ပြီး ကိုယ်တိုင်လည်း စိတ်ဝင် တစားနဲ့ မော်ဒယ်ဖြစ်ချင်လာတာ…..
ညီမက (၁ဝ)တန်းပြီးကတည်းက မော်ဒယ်တွေ၊ မင်သမီး ပုံတွေကို ဂျာနယ်၊ မဂ္ဂဇင်းတွေမှာ ကြည့်ခြင်းအားဖြင့် ညီမတို့ တောင်ကြီးကနေ ထွက်သွားတဲ့ မင်းသမီး မော်ဒယ်တွေကိုကြည့်ပြီး ညီမကိုယ်တိုင်လည်း စိတ်ဝင် တစားနဲ့ မော်ဒယ်ဖြစ်ချင်လာတာပါ။ တခြားကြော်ငြာရိုက်တာ၊ MTV ရိုက်တာလေးတွေ ဆက်လုပ်ဖို့ စီစဉ်ထားတယ်ရှင့်။

အစပိုင်းတုန်းကအိမ်က သိပ်ခွင့်မပြုချင်ပေမယ့် နောက်ပိုင်းလမ်းကြောင်းမှန်ပေါ် ရောက်သွားတဲ့
အတွက် အခုတော့စိတ်ချနေရပါပြီ…..

ညီမရန်ကုန်လာပြီး မော်ဒယ်သင်တန်းတက်မယ်ဆိုတော့ အစပိုင်းတုန်းကအိမ်ကသိပ်ခွင့်မပြုချင်ဘူး။ နောက်ပိုင်းလမ်းကြောင်းမှန်ပေါ် ရောက်သွားတဲ့အတွက် အခုတော့စိတ်ချနေရပါပြီ။ ညီမမော်ဒယ် လောက ထဲဝင်လာကတည်းက ဘာပဲလုပ်လုပ် ဘယ်ပဲသွားသွား အိမ်နဲ့တိုင်ပင်ပြီးမှလုပ်တာရှင့်။ အဲဒီတော့ အိမ်က ညီမကိုယုံကြည်တယ်။ နောက်ပြီး ဒီဘက်မှာ အမျိုးတွေကလိုက်ကူညီပေးတယ်။ လိုက်ပံ့ပိုးပေးတယ်။
အဓိကတော့ Photo Model ကိုပိုအားသာတယ်…..
အခုဆိုမော်ဒယ်လုပ်တာ တစ်နှစ်ကျော်လောက်တော့ရှိသွားပြီပေါ့။ Show ပွဲကတော့ ၂ပွဲလောက် လျှောက် ပြီးသွားပါပြီ။ ညီမ Catwalk လျှောက်ရတာဝါသနာတော့ပါတယ်။ အဓိကတော့ Photo Model ပဲဖြစ်ချင်တာ။ အဲဒါကိုပိုအားသာတယ်။ ညီမဓာတ်ပုံရိုက်ရတာကို စိတ်ထဲမှာအရမ်းပျော်နေတာ။

ကိုယ့်ကိုကိုယ်ယုံကြည် မှုနဲ့စိတ်ဓာတ်က အရေးကြီးဆုံး လို့ခံယူထားတယ်…..
Photo Model တစ်ယောက်က ကိုယ့်ကိုကိုယ်ယုံကြည်မှုရှိရမယ်။ Photo Model လုပ်ဖို့စဉ်းစားပြီဆို အိမ်မှာမှန်တစ်ချပ်ထားပြီး ကိုယ့်ကိုကိုယ်လေ့ကျင့်ဖြစ်တာပေါ့။ ညီမအနေနဲ့ကတော့ ကိုယ့်ကိုကိုယ် ယုံကြည်မှုနဲ့ စိတ်ဓာတ်က အရေးကြီးဆုံးလို့ခံယူထားတယ်။
ပြည်တွင်းတင်မက တစ်ကမ္ဘာလုံးနဲ့ယှဉ်ပြီး မော်ဒယ်တွေ ဘာလုပ်နေသလဲဆိုတာ လေ့လာရမယ်…..
ညီမအခုလက်ရှိအချိန်အထိကတော့ အားနည်းချက်တွေကအများကြီးလို့ထင်တယ်။ အနုပညာလော ကထဲဝင်လာတာလည်း သိပ်မကြာသေးဘူးဆိုတော့ အခုအချိန်အထိ သင်ယူနေဆဲပါပဲ။ မော်ဒယ်လောက ထဲမှာအောင်မြင်ဖို့ အများကြီးလေ့လာရဦးမယ်။ ပြည်တွင်းတင်မကဘူး။ တစ်ကမ္ဘာလုံးနဲ့ယှဉ်ပြီး မော်ဒယ်တွေ ဘာလုပ်နေသလဲဆိုတာ လေ့လာရမယ်။

အိမ်က ဒီဘက်ကိုအားမပေးဘူး။ စီးပွားရေးလုပ်စေချင်တာ Star & Model မှာ သင်တန်းခိုးတက်တာ….. လိမ်တာမိသွားတော့ အဆူခံရ အရိုက်ခံရတယ်…..အဲဒီတုန်းက အသက် ၁၇နှစ်ရှိပြီ။
မြတ်မင်းစံ
ကျွန်တော်ပထမဦးဆုံ Idea Magazine စရိုက်တယ်။ နောက် ထပ် In Style မှာရိုက်တယ်။ ဒီ ၂ဝ၁၆ အတွင်းမှာတော့ Fashion Image  ရိုက်ထားတယ်။ မြဝတီက Boy Talk မှာလည်း အင်တာ ဗျူးဖြေ ထားတယ်။ 2 Coffee ကြော်ငြာက လွှင့်တော့လွှင့်နေပါပြီခင်ဗျ။ Telenor Billboard အတွက်လည်း ရိုက်ထားပါတယ်။ နောက်ထပ်ရိုက်ဖို့ အစီအစဉ်တွေတော့ရှိတယ်။ လောလောဆယ် မှာတော့ ပြိုင်ပွဲဘက် ကို အားခဲထားတယ်။ Mister ပြိုင်ပွဲတစ်ပွဲ လောက်ပြိုင်ဖို့လုပ်ထားတယ်။ 

ဝေဖန်တာတွေရော၊ ထိခိုက်တာတွေရော အခက်အခဲ တွေ အများကြီးတွေ့ရတယ်…..
၂ဝ၁၂ နှစ်ကုန်ပိုင်းလောက်က ဒီအနုပညာလောကထဲ စဝင်လာတာပါ။ မန္တလေးက Stars & Models မှာပဲ တက် တယ်။ Showတွေလျှောက်တယ်။ တဖြည်းဖြည်းနဲ့  Magazine တွေရိုက်တယ်။ Magazine တွေရိုက်ရင်း က တစ်ဆင့် ရန်ကုန်ကိုရောက်လာတာ။ ရုပ်ရှင်အစည်းအရုံးမှာ သင်တန်းတက်တယ်။ ဆရာ ဦးအောင်ကိုလတ်က ကျွန်တော့်ကို မော်ဒယ်အဖြစ် Choice လုပ်တယ်။ အဲဒီအချိန်မှာ ကြော်ငြာရိုက် လိုက်တယ်။ အခက်အခဲ တွေလည်း ဒီမှာအများကြီးတွေ့ရတယ်။ ဝေဖန်တာတွေရော၊ ထိခိုက် တာတွေရော၊ ဒါပေမဲ့ တဖြည်း ဖြည်းနဲ့ကြိုးစားလာပါတယ်။

အိမ်နဲ့ပုန်ကန်ပြီးတော့ကို လုပ်တာ။ အိမ်ကဒီဘက်ကို အားမပေးဘူး…..
ကျွန်တော်အစောကြီးကတည်းက အနုပညာရှင်တစ်ယောက်ဖြစ်ချင်တာ။ သရုပ်ဆောင်ကောင်းတစ် ယောက်ပေါ့။ ဒါပေမဲ့ Targetကို ဘယ်နည်းနဲ့သွားရမယ်ဆိုတာ မသိသေးဘူး။ သရုပ်ဆောင်က ဝုန်းဒိုင်း နဲ့ဝင်လို့လည်းအဆင်မပြေဘူးလေ။ လက်ခံတာရှိတယ်။ လက်မခံတာရှိတယ်။ ကံနဲ့လည်းဆိုင်တယ်။ ငါ ဒီလိုနည်းနဲ့ဆက်သွားလို့အဆင်မပြေဘူး။ မော်ဒယ်ဘက်ဝင်ပြီးမှ သရုပ်ဆောင်ဘက်ကူးရင် အဆင်ပြေ မယ်ထင်တယ်ဆိုပြီး ကိုယ့်အတွေးနဲ့ကိုယ်ပေါ့။ အိမ်နဲ့ပုန်ကန်ပြီးတော့ကိုလုပ်တာ။ 

အိမ်ကဒီဘက်ကို အားမပေးဘူး။ စီးပွားရေးလုပ်စေချင်တာ။ ကိုယ်က အဲဒီဘက်ကိုလုပ်တော့ လုပ်မယ်။ ဒါပေမဲ့ စိတ်က သိပ်မပါသေးဘူး။ ဒီဘက်ကိုဘယ်လိုသွားရမလဲဆိုတော့ Stars & Models မှာ သင်တန်းခိုးတက်တာ။ ညနေကျရင်ပုံမှန်အပြင်ထွက်ပြီ။ မေးတော့ 'ဒီအတိုင်းပဲသူငယ်ချင်းတွေနဲ့ လျှောက် လည်တာ'ပေါ့။ တစ်ရက်တော့ လိမ်တာမိသွားရော။ အဆူခံရတယ်။ အရိုက်ခံရတယ်။ အဲဒီတုန်းကအသက် ၁၇ လောက်ရှိပြီ။ မှတ်မှတ်ရရပဲ။ နောက်ရက်ကျတော့ ခြေသလုံးမှာ ဒဏ်ရာတွေနဲ့ သင်တန်းကိုသွားရတာ။

ကျွန်တော်က ဇွတ်လုပ်တယ်။ ခေါင်းမာတယ်။ ဒါ လုပ်မယ်ဆုံးဖြတ်ချက်ချပြီးသွားရင် ဆက်တိုက် လုပ်တာ…..
သူတို့ကမလုပ်ခိုင်းတာပေါ့။ ကျွန်တော်ကဇွတ်လုပ်တယ်။ ခေါင်းမာတယ်။ ဒါလုပ်မယ်ဆုံးဖြတ် ချက်ချပြီးသွားရင် ဆက်တိုက်လုပ်တာ။ ကိုယ့်ဘာသာသင်တန်းသွားတက်တယ်။ သူငယ်ချင်းအပေါင်း အသင်းတွေရအောင်လုပ်တယ်။ Facebook ရှိတာလည်း ကျွန်တော့်အတွက်အများကြီးကံကောင်းတာပေါ့။ Facebook ကနေဓာတ်ပုံဆရာ တွရော၊ စာနယ်ဇင်းတွေနဲ့ရောပေါ့။ အဲဒီလိုနဲ့ကျွန်တော့်ကိုခေါ်သုံးကြတယ်။ တစ်ဆင့်ပြီးတစ်ဆင့်ဖြစ်လာတဲ့အချိန်ကျမှ မဂ္ဂ္ဂ္ဂဇင်းတွေက နည်းနည်းချင်း လက်ခံလာတာ။ ရန်ကုန်မှာလည်း ဆွေမျိုးသားခြင်းမရှိဘူး။ တစ်ယောက်တည်းဆိုတော့ အိမ်ကစိတ်မချဘူး။ သွားမယ်ဆိုတော့ ကိုယ့်ကိုကိုယ် လည်းထိန်းနိုင်တယ်။ ကိုယ်ဖြစ်ချင်တဲ့လမ်း  ကိုယ်လျှောက်ချင်တယ်ဆိုတော့ စောင့်ကြည့်မယ်တဲ့။ တစ်နှစ်အ တွင်းဘာဖြစ်လာသလဲဆိုတာကိုတဲ့။ ကျွန်တော်ဒီရောက်တာ တစ်နှစ်ပြည့်ပြီဗျ။ ကျွန်တော် လုပ်ခဲ့တာတွေက ခုနကပြောထားသလိုတွေပေါ့နော်။ မန္တလေးမှာကတော့ ဆိုင်ကယ်ကြော်ငြာ စရိုက်တာ။ ဒီအခန်းကို သရုပ်ဆောင်ဆို သရုပ်ဆောင်တယ်။ အခက်အခဲမရှိဘူး။ အဲဒီကြော်ငြာကအမှတ်တရပဲ။ ဒါပေမဲ့ Showroom တွေမှာပဲပြတယ်။

မော်ဒယ်ဖြစ်လာဖို့ ကျွန်တော့်ရဲ့ခေါင်းမာတဲ့စိတ်က တွန်းအားဖြစ်စေတာပေါ့…..
မော်ဒယ်ဖြစ်လာဖို့ကျွန်တော့်ရဲ့ခေါင်းမာတဲ့စိတ်က တွန်းအားဖြစ်စေတာပေါ့။ ငါဖြစ်အောင်လုပ်မယ် ဆိုတဲ့စိတ်ရှိတယ်။ ဒီအရာကိုဖြစ်နိုင်သလား၊ မဖြစ်နိုင်သလား ကိုယ့်ဘာသာကိုပြန်ဆန်းစစ်ကြည့်တယ်။ မော်ဒယ်တွေ ဘယ်လိုနေထိုင်တယ်ဆိုတာတွေ သိအောင်လုပ်တယ်။ သိသွားပေမယ့်သူတို့နဲ့ ကျွန်တော် ကမတူဘူ။ ကျွန်တော့်မှာ ခံယူချက်သပ်သပ်ရှိတယ်။ မဖြစ်ဖြစ်အောင်လုပ်မယ်။ ကျွန်တော့်ပုံစံ၊ ကျွန်တော်သွား တဲ့လမ်းနဲ့ သူများတွေမတူစေရဘူး ဆိုတာမျိုးပေါ့။  ဘယ်သူမှန်တယ်၊ မှားတယ်ဆိုတာတော့ စိတ်ထဲမှာ သိတယ်။ သူငယ်ချင်းအပေါင်းအသင်းတွေနဲ့တော့ မေးထူးခေါ်ပြောရှိတာပေါ့။  ကိုယ်ကတော့ မှန်တဲ့လမ်းက တက်မယ်ဆိုတဲ့ ကိုယ့်ဆုံးဖြတ်ချက်နဲ့ကိုယ်ပဲ။ 

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

Share on Google Plus

0 comments:

Post a Comment