အွန်လိုင်းကနေ အချစ်စစ်ရှာတွေ့နိုင်ပါ့မလား


ဆက်သွယ်ရေးစနစ်ကျယ်ပြန့်လာတာနဲ့အမျှ အွန်လိုင်းကနေဒိတ်လုပ်တာလည်း ဆယ်ကျော်သက်လူငယ် တွေကြား ရေပန်းစားနေပါတယ်။ အွန်လိုင်းကနေချိန်းတွေ့ပြီး အချစ်ကိုရှာဖွေကာ တကယ်တော့ အထူးအဆန်းကြီးမဟုတ်တော့ပါဘူး။ သီအိုရီအရတော့ Dating Website တွေမှာရှိနေတဲ့လူတွေက တူညီတဲ့စိတ်ဝင်စားမှုတွေရှိမယ်။ တူညီတဲ့ဘဝနေထိုင်ပုံစံတွေရှိမယ်။ ဒီလောက်ပါပဲ။ အွန်လိုင်းသုံးပြီး အချစ်စစ်တွေ့သွားတာလည်း အထူးအဆန်းတော့မဟုတ်ပါဘူး။ တကယ်တော့ ဘယ်နေရာမှာမဆို ကောင်းကျိုးရှိသလိုဆိုးကျိုးတွေလည်း ကိုယ်စီရှိကြပါတယ်။

တစ်နေရာတည်းမှာစုစည်းစေတယ်
Dating Site နဲ့ Nightclub တစ်ခုရဲ့ကွာခြားချက်ကြီးတစ်ခုကတော့ ကိုယ်ရှာဖွေနေတဲ့လူက ကိုယ်နဲ့တွဲမဲ့ လူက ရိုးသားသလား၊ လူပျိုလူလွတ်လားဆိုတာ ကွဲကွဲပြားပြားသိနိုင်ခြင်းပါ။ (သူတို့အမှန်အတိုင်းပြောပြ ထားမယ်ဆိုရင်ပေါ့)။ ဒါပေမဲ့ ပြင်ပလက်တွေ့လောကမှာ မျှော်တလင့်လင့်စောင့်နေရတာထက်တော့ပိုပြီး ကောင်းတယ်မဟုတ်ပါလား။ ကိုယ်နဲ့ဘဝတူတွေ စုစည်းနေကြတယ်လေ။

တစ်ချို့တွေကလိမ်နေကြတယ်

တစ်နေရာတည်း စုစုစည်းစည်းရှိနေပေမဲ့ လူကောင်းချည်းတော့ မဟုတ်ပါဘူး။ လူလိမ်၊ လူညာ၊ ကိုယ်ကျိုး ရှာ အမြတ်ထုတ်မဲ့လူတွေလည်း ရှိနေကြပါတယ်။ တစ်ချိန်က ပုံအဟောင်းကိုတင်တယ်။ အလုပ်အကိုင်၊ မိသားစု လိမ်ညာပြီး ပတ်ဝန်းကျင်ကိုဆွဲဆောင်မယ်။ တစ်ယောက်နဲ့တစ်ယောက် အပြင်မှာတွေ့ရင်တော့ သူ့အလိမ်တွေပေါ်သွားပါပြီ။ ဒါပေမဲ့ လူလိမ်တစ်ယောက်အတွက် ကိုယ့်အချိန်တွေ ဖဲ့ပေးလိုက်ရတယ် မဟုတ်ပါလား။

ရှက်တတ်သူတွေအတွက် အဆင်ပြေတယ်

ကိုယ်မသိတဲ့လူတွေနဲ့ မျက်နှာချင်းဆိုင်စကားပြောရမှာ ရင်ခုန်စိတ်လှုပ်ရှားသူတွေအတွက်တော့ Dating Site တွေက အဆင်ပြေစေပါတယ်။ သူတို့က ကိုယ်လူတစ်ယောက်နဲ့အပြင်မှာမဆုံတွေ့ခင်ဒီ Site ထဲမှာပဲ သူနဲ့စကားပြောရင်း သူ့အကြောင်းလေ့လာခွင့်ရမယ်။ တစ်ချိန်ချိန်တော့ အပြင်မှာဆုံတွေ့ရမှာဖြစ်ပေမဲ့ တစ်ယောက်နဲ့တစ်ယောက် မတွေ့ခင်စကားပြောထားကြတဲ့အတွက် ပိုပြီးအဆင်ပြေစေမှာပါ။

ငွေကုန်တယ်
အွန်လိုင်းကနေ အိမ်ထောင်ဖက်ရှာတာ စီးပွားရေးတစ်ခုဆိုတာလည်း မမေ့လိုက်ပါနဲ့ဦး။ တစ်ချို့ အွန်လိုင်း အကျိုးဆောင်တွေက ငွေအကုန်အကျများစေပါတယ်။ ဒါတင်မကပါဘူး။ တစ်ယောက်နဲ့တစ်ယောက် အကြောင်းသိဖို့ ရောက်တတ်ရာရာစကားပြောမယ်၊ ဖုန်းပြောကြမယ်။ ဒါ ငွေကုန်မဲ့ အခွင့်အလမ်းတွေ မဟုတ်ပါလား။ ကိုယ်လိုအပ်နေပြီထင်လှတဲ့လက်တွဲဖော်ကို ဒီလိုပဲရှာဖွေမှာလား။

အဆက်အသွယ် ကျယ်ပြန့်စေတယ်
တစ်ဖက်ကကြည့်ပြန်တော့ ကိုယ်ကအပြင်မှာလူအများနဲ့တွေ့ ဆုံခွင့်ရတဲ့အတွက် ကိုယ့်ဆက်သွယ်ရေး အခွင့်အလမ်းက ကျယ်ပြန့်လာပြန်ပါရော။ ဒေသပေါင်းစုံ၊ နေရာပေါင်းစုံ၊ နယ်ပယ်ပေါင်းစုံကလူတွေနဲ့ ရင်းနှီးခွင့်ရရင်း ကိုယ့်အသိမိတ်ဆွေတွေ တိုးပွားလာမယ်။ ကိုယ့်ရဲ့အဆက်အသွယ်တွေ ကျယ်ပြန့်လာပါ မယ်။

အွန်လိုင်းမှာတွေ့ရုံနဲ့ အလွယ်အကူမဆုံးဖြတ်နိုင်

အွန်လိုင်းကနေ ဒိတ်လုပ်တဲ့အခါ လူတစ်ဦးတစ်ယောက်ချင်းစီရဲ့ ပုဂ္ဂိုလ်ရေးအချက်အလက်တွေက အပြည့် အစုံဖော်ပြထားတာ မဟုတ်ပါဘူး။ ထိန်ချန်ထားခံရပါတယ်။ လူတစ်ယောက်အကြောင်းသိဖို့ အကောင်းဆုံး နည်းလမ်းကတော့ သူနဲ့မျက်နှာချင်းဆိုင်တွေ့ဖို့ပါဘဲ။ ဒါမှ သူတို့မျက်ဝန်းစကား၊ ခန္ဓာကိုယ်လှုပ်ရှားမှု အမူအရာတွေကို လေ့လာပြီး သူဘယ်လိုလူဆိုတာကို ဆုံးဖြတ်နိုင်မှာ မဟုတ်ပါလား။

ပျော်စရာကောင်းတယ်
တကယ်လို့ ကိုယ်ကဘဝမှာ သူငယ်ချင်းမိတ်ဆွေအများကြီးဖွဲ့ပြီး အပြင်မှာ ပျော်ပျော်ပါးပါးတွေ့ဆုံ ချင်တယ်ဆိုရင်တော့ လူမှုရေးကွန်ယက်တွေကိုအသုံးချတာ အကောင်းဆုံးပါ။ အခုလိုအရာရာတိုးတက်မှု နောက် အသည်းအသန်လိုက်နေရတဲ့အချိန်မှာ လူတိုင်းကအချိန်ပိုမရှိကြပါဘူး။ အဲဒီတော့ပျော်ရွှင်မှုကို ရှာဖွေဖို့ လူမှုရေးကွန်ယက်တွေက အကောင်းဆုံးပေါ့။

လုံခြုံရေးဂရုစိုက်
အွန်လိုင်းမှာ ဘယ်လောက်ပဲစကားပြောဖူး၊ ဓာတ်ပုံတွေအပြန်အလှန်ပို့၊ တွေ့ဆုံဖူးပေမဲ့ အပြင်မှာ တွေ့ဆုံပြီဆိုတဲ့အခါ ပထမဆုံးပါ။ သူ့အကြောင်းသိလှပြီ မမှတ်ယူထားပါနဲ့။ သူ့အမူအရာ၊ အခြေအနေကို ကြည့်ပြီးပြောသင့်တာပြောပါ။ ကိုယ့်လုံခြုံရေးကို ကိုယ်တိုင်ဂရုစိုက်တာ အကောင်းဆုံးပါ။

Whintey


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment