ရှက်ရွံ့စိတ်တွေပယ်ဖျောက်ချင်တယ်ဆိုရင်…..








ပတ်ဝန်းကျင်အသစ်၊ နေရာအသစ်မှာ လူသစ်တွေနဲ့တွေ့ဆုံဖို့ဆိုတာ တကယ့်ကိုစိတ်လှုပ်ရှား စရာပါ။ အရက်ဘားမှာတွေ့တဲ့လူတစ်ယောက်ပဲဖြစ်ဖြစ်၊ ဟောပြောပွဲမှာ တွေ့တဲ့လူဖြစ်စေ အလုပ်သစ်မှာ ပထမဆုံးဝန်ထမ်းတွေကိုမိတ်ဆက်ရတာ စိတ်လှုပ်ရှားစရာပါ။ စိတ်လှုပ်ရှားတယ်ဆိုတာထက် နည်းနည်း လေးရှက်ပြီးကို့ယို့ကားယားဖြစ်နေ တာမျိုးလေးပေါ့။ ဒီလိုစိတ်လှုပ်ရှားမှုက ပတ်ဝန်းကျင်အသစ်၊ လူအ သစ်တွေနဲ့တွေ့ဖို့ အတားအဆီးဖြစ်နေစေပါတယ်။ ဒါကလူတိုင်းနီးပါး တွေ့ကြုံခံစားရတဲ့ပြဿနာတစ်ခုလို့ တောင်ပြောလို့ရပါတယ်။ အဲဒီတော့ လူသစ်၊ ပတ်ဝန်းကျင်အသစ်နဲ့ တွေ့ဆုံတဲ့အခါရှက်ရွံ့စိတ်ကို ဘယ်လိုဖယ်ရှားကြမလဲ။

ယုံကြည်ချက်ရှိရှိပြုမူပါ
ယုံကြည်မှုရှိတဲ့သူနဲ့ ယုံကြည်မှုမရှိတဲ့သူ ကွာခြားသွားချက်ကဒါပါ။ ကိုယ့်ကိုယ်ကိုယ်ယုံကြည်မှုက မွေးက တည်းကပါလာတာတော့မဟုတ်ပါဘူး။ ကိုယ်တိုင်လုပ်ယူရမှာပါ။ ကိုယ့်ကိုယ်ကိုယ်ယုံကြည်မှုရှိ တဲ့အသွင် အပြင်ဖြစ်စေဖို့အတွက် အပြုအမူ၊ အပြောအဆို၊ အနေအထိုင်တွေကို အစစအရာရာသတိထားပါ။ ပထမဆုံးကိုယ့်အတွက် စံပြပုဂ္ဂိုလ်တစ်ယောက်ကို စိတ်ကူးထဲမြင်ယောင်ကြည့်ပါ။ သူ့ရဲ့လှုပ် ရှားပြောဆိုမှုဟန်ပန်တွေကို စိတ်ထဲတွေးရင်း တဖြည်းဖြည်းကျင့်ကြည့်ပါ။ တစ်စုံတစ်ယောက်ကိုစိတ်ထဲ သွင်းပြီး အားကျလာအောင်အတုယူတာလည်း ကိုယ့်ကိုယ်ကိုယ်ယုံကြည်မှုရှိလာစေတဲ့ နည်းလမ်းတစ်ခုပါ။

ဗဟုသုတ
ကိုယ်နဲ့မရင်းနှီးတဲ့လူတွေနဲ့ မိတ်ဆွေဖွဲ့ရာမှာအခက်အခဲဖြစ်စေတဲ့အကြောင်းတစ်ခုကတော့ ကိုယ့် မှာပြောစရာဆိုစရာဘာမှမရှိတာပါ။ ပြောစရာမရှိဘူးဆိုတာပြောဖို့အကြောင်းအရာမရှိတာပါ။ အဓိက တော့ဗဟုသုတနည်းတယ်လို့ ဆိုရပါလိမ့်မယ်။ အဲဒါကြောင့် တစ်စုံတစ်ယောက်နဲ့ မိတ်ဆွေဖွဲ့တဲ့အခါ ပြောဖို့အကြောင်းအရာရှားပါးနေရင်တော့ ရာသီဥတုအကြောင်းပြောမလား၊ Game Of Thrones အ ကြောင်းပြောမလား၊ အနုပညာအကြောင်းတွေပြောမလား။ ဖတ်ဖူးထားတဲ့စာအုပ်တွေ အကြောင်းပြော မလား။ အကြောင်းအရာတစ်ခု ရောက်လာအောင်ဆွဲခေါ်လိုက်ပါ။ နှစ်ဦးစလုံးရှက်ရွံ့စိတ်တွေပျောက် သွားပြီးအဆင်ပြေသွားပါလိမ့်မယ်။

ကြောက်ရွံ့ခြင်း
ကြောက်ရွံ့တယ်ဆိုလို့ တစ်ဖက်လူကို ကြောက်ရွံ့တာမဟုတ်ပါဘူး။ ကိုယ့်ကိုယ်ကိုယ် ကြောက်ရွံ့ တာပါ။ ကြောက်ရွံ့ခြင်းကလည်း ကိုယ့်အမှားတွေကို ပိုပြီးသိသာထင် ရှားစေတဲ့အားနည်းချက်တစ်ခုပါ။ တကယ်တော့ကြောက်ရွံ့မှုကို ခွန်အားတစ်ခုအဖြစ် ပြောင်းလဲနိုင်ပါတယ်။ ကိုယ့်ကိုယ်ကိုယ် ကြောက်ရွံ့ တဲ့အတွက် တစ်ဖက်လူနဲ့ပြောဆိုဆက်ဆံတဲ့အခါ ရှက်ရွံ့နေ သယောင်ထင်ရပါတယ်။ ရှက်ရွံ့မှု ကိုဖယ် ရှားပြီး ရဲရဲတင်းတင်း ပွင့်ပွင့်လင်းလင်းပြောဆိုကြည့်ပါ။ စကား ပြောရတာပိုပြီး ပြေပြစ်လာပါလိမ့်မယ်။ 

လေ့လာပါ
ကိုယ့်ပတ်ဝန်းကျင်ကလူတွေ တစ်ယောက်နဲ့တစ်ယောက် တွေ့ဆုံမိတ်ဆက်တဲ့အခါ ဘာတွေပြော ဆို ကြသလဲ၊ ဘယ်လိုပြုမူကြသလဲဆိုတာ လေ့လာကြည့်ပါ။ ကိုယ်ကိုယ်တိုင် မိတ်ဆွေသစ်တွေနဲ့ ဆက်ဆံ တဲ့အခါ ဒီလေ့လာချက်တွေကို အသုံးပြုပါ။ အရေးကြီးတာက တစ်စုံတစ်ယောက်နဲ့စကားပြောနေချိန်မှာ ဘေး ပတ်ဝန်းကျင်က ကိုယ့်ကိုယ်ဘယ်လိုထင်မယ်ဆိုတာကို ဂရုမစိုက်ပါနဲ့။ သက်တောင့်သက်သာပြော ဆိုဆက် ဆံပါ။

သတိပြု
ကိုယ်စားနေတဲ့အချိန် ကိုယ်ဘာစားနေလဲဆိုတာသတိပြုပါ။ သောက်နေချိန်မှာ ကိုယ်သောက်နေ တဲ့အရာကိုသတိပြုပါ။ အရာရာကိုသတိထားတာက ကိုယ်နဲ့မရင်းနှီးသူ တစ်စုံတစ်ယောက်နဲ့ ပေါင်းသင်း ဆက်ဆံတဲ့အခါ ကိုယ့်ကိုယ်ကိုယ် ယုံကြည်မှုရှိလာစေသလို ရှက်ရွံ့စိတ်တွေလည်းပျောက် သွားစေနိုင်ပါ တယ်။
ဒွိဟမများနဲ့
တစ်ခါတစ်ရံပတ်ဝန်းကျင်မဆိုထားနဲ့။ ကိုယ့်စိတ်နဲ့ကိုယ် ဒွိဟများနေတတ်ပါတယ်။ ဒီလူနဲ့မိတ်ဆက် ချင်၊ စကားပြောချင်နေပေမဲ့ တစ်ဖက်မှာလည်းအငြင်းခံရမှာစိုး၊ ရှက်ရွံ့စိတ်တွေနဲ့လွှမ်းမိုးပြီးစိတ်ထဲ ပဋိပက္ခများနေတတ်ပါတယ်။ အဲဒီတော့ကိုယ်ဒီလူနဲ့မိတ်ဆက်ချင်တာလား။ ရဲရဲတင်းတင်းသာမိတ်ဆက် လိုက်ပါ။ ဘာမှစိတ်ထဲဒွိဟတွေများမနေပါနဲ့။

ကိုယ့်အားသာချက်ကိုအသားပေး
လူတိုင်းအားနည်းချက်တွေပဲရှိတာမဟုတ်ပါဘူး။ အားသာချက်တွေလည်းရှိပါတယ်။ ဥပမာ ကိုယ် ကစကားပြောရမှာရှက်ရွံ့နေပေမဲ့ ကိုယ့်ရဲ့အပြုံးက လူတကာကိုနွေးထွေးသွားစေတယ်။ နှစ်လိုဖွယ် ကောင်းသွားစေတယ်ဆိုရင် ဘာမှတွေးမနေပါနဲ့။ ပြုံးသာပြုံးထားလိုက်ပါ။ စကားစမြည်ပြောဆိုဖို့အခွင့် အရေးတစ်ခုရလာပါလိမ့်မယ်။

ကိုယ့်ကိုကိုယ်ချစ်ပါ
ကိုယ့်ကိုကိုယ်မနှစ်မြို့တာလည်း မသိတဲ့တစ်စုံတစ်ယောက်နဲ့ ပြောဆိုဆက်ဆံတဲ့အခါ အတား အဆီးဖြစ်နေစေပါလိမ့်မယ်။ ဘာလို့လဲဆိုတော့ကိုယ့်ကိုကိုယ်မ မနှစ်သက်တာ။ တစ်ခြားလူကနှစ်သက် လိုစိတ်ဝင်ပါ့မလား။ အဲဒီတော့ ကိုယ့်ကိုကိုယ်ချစ်ပါ။ နှစ်သက်ပါ။ ဒါမှ ပတ်ဝန်းကျင်ကလည်း ကိုယ့်ကိုချစ်ခင်နှစ်သက်လာပါလိမ့်မယ်။
ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment