iPhone 6s Plus ကနေ iPhone 7 Plus ပြောင်းဖို့ဆန္ဒရှိပြီလား…










သင်ဟာလက်ရှိအချိန်မှာ iPhone 6s plus ကိုကိုင်ထားတဲ့သူတစ်ယောက်ဆိုရင် ဒီအချိန်မှာအရေးကြီးဆုံး သိချင်တဲ့အချက်က အသစ်ထွက်လာမယ့် iPhone 7 Plus ကိုပြောင်းလဲဖို့ သင့်မသင့်ဆိုတဲ့အချက်ဖြစ်ပါ လိမ့်မယ်။ အသစ်ထွက်ရှိလာတဲ့ iPhone 7 Plus ဟာလည်းနည်းပညာအရ စွမ်းဆောင်ချက်တွေအရ၊ ဒီဇီုင်းပိုင်းအရ အစစတိုးမြှင့်ပြောင်းလဲထားတဲ့အတွက် iPhone ပရိသတ်တွေအဖို့ ခါတိုင်းထက်ပိုပြီး ဆွဲဆောင်မှုရှိတာ အသေအချာပါ။ ဒါပေမဲ့ လက်ထဲမှာလည်းကိုယ့်ရဲ့ iPhone 6s Plus ကလည်း ရှိနေပြန်တော့ ဘယ်လိုလုပ်ရမှန်းမသိဖြစ်နေတတ်ပါတယ်။ 

ဒါကြောင့် iPhone 6s Plus နဲ့ iPhone 7 Plus ရဲ့အဓိကကွာခြားတဲ့အချက်တွေကို ချိန်ထိုးကြည့်လိုက်မယ် ဆိုရင် ကိုယ့်ရဲ့လိုအပ်ချက်နဲ့ပြောင်းလဲအသုံးပြုသင့်၊ မပြုသင့်ဆိုတဲ့အချက်ကို ချိန်ဆနိုင်မှာဖြစ်ပါတယ်။
အရင်ဦးဆုံး iPhone 7 Plus ရဲ့အရွယ်အစားကနေ စပြောရရင်တော့ iPhone 7 Plus ဟာ iPhone 6s Plus နဲ့ အလျား၊ အနံနဲ့ အထူပါ အကုန်လုံးအတူတူဖြစ်ပြီး iPhone 7 Plus ကသာ (4gram) လောက်ပိုပြီးပေါ့ သွားပါလိမ့်မယ်။

ကိုယ်ထည်ကိုလည်း iPhone 6s Plus အတိုင်းပဲ aluminum နဲ့ပြုလုပ်ထားပြီး အရောင်ကတော့ အရင် ၄ မျိုးကနေ အခုအခါ jet black (မဲနက်ပြောင်နေတဲ့) အရောင်အပါအ၀င် ၅ မျိုးထိ ရရှိနိုင်မှာဖြစ်ပါတယ်။ ကျန်တဲ့မျက်နှာပြင်အရွယ်အစား၊ အရည်အသွေးနဲ့ နည်းပညာတွေကတော့ အရင် iPhone 6s Plus အတိုင်း အကုန်အတူတူပါပဲ။ 3D Touch နဲ့ Touch ID ရဲ့လုပ်ဆောင်ချက်တွေကလည်း အတူတူပဲပါဝင်လာသလို ဖုန်းရဲ့အောက်ခြေဘက်က အဓိကနေရာဖြစ်တဲ့ Home Button ကတော့ တကယ်ကိုကြီးမားတဲ့ ပြောင်းလဲမှုတွေပြုလုပ်ထားပါတယ်။ အဲဒီ Home Button အသစ်ဟာ ဘာနဲ့တူသလဲဆိုတော့ MacBook တွေမှာပါတဲ့ trackpads တွေလိုပဲတကယ်ဖိနှိပ်စရာမလိုဘဲ ထိတွေ့တဲ့ပုံစံပေါ်မူတည်ပြီး လုပ်ဆောင်ချက်တွေကိုကွဲပြားစွာလုပ်ဆောင်နိုင်မှာဖြစ်ပါတယ်။ 

Stroage အနေနဲ့တော့ 7 Plus မှာ 32,128,256 ဆိုပြီး (၃) မျိုးသာရွေးချယ်နိုင်မှာဖြစ်ပါတယ်။ ကင်မရာ ပိုင်းမှာတော့ 7 plus ဟာ iPhone တွေအတွက် ပထမဆုံး dual ကင်မရာကိုအသုံးပြုထားတဲ့ ဖုန်းတစ် လုံးဖြစ်သလို အရည်အသွေးကိုတော့ မှန်ဘီလူးတွေမပါတဲ့ ခေတ်သစ် DSLR ကင်မရာလို့တောင် တင်စား ထားပါတယ်။ နောက်ထပ် iPhone 6s Plus နဲ့ သိသိသာသာကွဲပြားတဲ့အချက်တစ်ခုက ဖုန်းရဲ့အောက်ခြေ ဘက်က 3.5mm ကို လုံးဝဖျောက်ပစ်လိုက်ပြီး သီချင်းနားထောင်ချင်တယ်ဆိုရင် wireless သို့မဟုတ် Lighting Connector ကနေသာ နားထောင်ရမှာဖြစ်ပါတယ်။

ဒါဆိုရင် iPhone 7 Plus ဟာ 6s Plus ကိုင်ထားတဲ့သူတွေအဖို့ အလျင်စလိုကြီးလဲကိုင်ဖို့ မလိုအပ်သေးပေ မယ့် အသစ်စကိုင်မယ့်သူတွေနဲ့ တခြား model အဟောင်းတွေကနေ လဲကိုင်မယ့် Apple ပရိသတ်တွေ အဖို့တော့ ကျိန်းသေပေါက်ရွေးချယ်စရာဖြစ်လာပါလိမ့်မယ်။

မင်းသုနောင်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment