အချိန်နဲ့အမျှကြိုးစားနေပါတယ်....ဧငြိမ်းဖြူ









ညီမ Journal Magazine Cover တွေရိုက်တယ်။ Entertainment က ကက်ဆတ် ရေဒီယို ဇာတ်လမ်းလည်းရိုက်နေပါတယ်။ အနုပညာလောကထဲကို မှော်ဝင်နတ်ဆိုးဆိုတဲ့ကား ကိုနိုင်းနိုင်းနဲ့ ရိုက်တယ်။ အနုပညာလောထဲကို ညီအသက် ၈နှစ်လောက်ကတည်းက ကလေး Dance အနေနဲ့ စ၀င်တယ်လို့ ပြောလို့ရပါတယ်။ အခုဆိုသရုပ်ဆောင်သက် တမ်းက ၃နှစ်လောက်ရှိပြီ။ ကလေးဘ၀ထဲက အနုပညာ အလုပ်လုပ်တာဆိုတော့ ၁၀နှစ်ကျော်လောက်ရှိပါပြီ။

သရုပ်ဆောင်နဲ့ ပတ်သက်တာတွေရော အချိန်နဲ့အမျှကြိုးစားနေရတဲ့အတွက် တစ်နှစ်ကုန်သွားတိုင်း ကြိုးစားရတာကို အားရတယ်…
ပြောင်းလဲသွားတာတစ်နှစ်နဲ့  တစ်နှစ်မတူဘူး။ အကနဲ့ပတ်သက်တာတွေရော သရုပ်ဆောင်နဲ့ပတ် သက် တာတွေရော အချိန်နဲ့အမျှကြိုးစားနေရတဲ့အတွက် တစ်နှစ်ကုန်သွားတိုင်းကြိုးစားရတာကို အားရတယ်။ ညီမအမေနဲ့တွဲပြီးရိုက်ဖြစ်တယ်။ အမေနဲ့ပထမဆုံး ရုပ်ရှင်ကားကြီးရိုက်ထားတယ်။ အဓိကတော့ ညီမ ရိုက် ကွင်း ရောက်ရင် သားအမိဆိုတဲ့ စိတ်ကိုဖယ်ထားပြီးတော့ ဆရာတပည့်စိတ်ပေါ့နော်။ အမေက ကိုယ့်သား သမီး ဆိုပြီးတော့ မညှာဘူး။ တကယ့်ဆရာသမားလိုပဲ ညီမကသတ်မှတ်ထားပါတယ်။ ကိုယ့်သားသမီး ဆိုပြီး အလျော့ ပေးတာမျိုးမရှိဘူး။

ဒုတိယရုပ်ရှင်ကား အကကားကို ဒါရိုက်တာဝိုင်းနဲ့ရိုက်ဖို့စီစဉ်ထားပါတယ်…
ညီမ ဒုတိယရုပ်ရှင်ကား အကကားကို ဒါရိုက်တာဝိုင်းနဲ့ရိုက်ဖို့ စီစဉ်ထားပါတယ်။ ညီမငယ်ငယ်တုန်း ကတော့ ကိုဝိုင်းနဲ့တစ်ခေါက်ဆုံဖူးတယ်။ ကလေးဘ၀တုန်းက။ သစ္စာစောင့်နတ်သမီးဆိုတဲ့ကားမှာပေါ့။ တခြားဇာတ်ကားတွေနဲ့တော့ မရိုက်ဖူးသေးဘူး။ တစ်ခါတလေ MTV ရိုက်တာတို့တော့ရှိတယ်။ ကွာခြား တာတော့ ထွေထွေထူးထူး မရှိဘူး။ အမေနဲ့အလုပ်လုပ်ရတာ ပိုရင်းနှီးမှုရှိတယ်။
ညီမက ဒါရိုက်တာအနေနဲ့လည်း ၀ါသနာပါတယ်။ တစ်ခါတလေ သရုပ်ဆောင်ရင်အမေရိုက်တဲ့ ပုံစံလေးတွေ ဘယ်လိုလုပ်တယ်။ ဘယ်လိုစီစဉ်တယ်ဆိုတာ လေ့လာဖြစ်တယ်။ တစ်ခါတလေအမေ့ ရိုက်ကွင်းတွေလိုက်ပြီး လေ့လာဖြစ်တယ်။

ညီမကလေးဘ၀တုန်းက ညီမရယ်၊ ညီမအစ်မ စောယုနန္ဒာရယ်၊ Uranium အဖွဲ့က မဂျူဂျူးရယ် ၃ယောက်ပေါင်းပြီး ကလေး Dance လုပ်ခဲ့တာ
ညီမကလေးဘ၀တုန်းက ညီမရယ်၊ ညီမအစ်မ စောယုနန္ဒရယ်၊ Uranium အဖွဲ့က မဂျူဂျူး ရယ် ၃ယောက်ပေါင်းပြီး ကလေး Dancer လုပ်ခဲ့တာ။ အစ်မနဲ့က အနုပညာလောကထဲကိုဝင်လာတာ အတူတူပဲ။ သူလည်း အခုရေဒီယို ကက်ဆက်ခွေ ဇာတ်လမ်းရိုက်နေတယ်။
ညီမတို့နှစ်ယောက်က သွားတူ၊ လာတူ၊ စားတူဆိုတော့ ဘာပဲဖြစ်ဖြစ်တိုင်ပင်ဖြစ်ပါတယ်။ တစ်ခါ တလေကျရင် ညီမဒါလေးလုပ်လိုက်လိုက်ရင် အဆင်ပြေမလားဆိုပြီး အကြီးတစ်ယောက်အနေနဲ့ တိုင်ပင် ဖြစ်ပါတယ်။

ဆယ်ကျော်သက်အရွယ်တုန်းကတော့ ကိုယ်သဘောကျတဲ့ အနုပညာရှင်ရဲ့အချစ်ရေးနဲ့ပတ်သက်ပြီး နည်းနည်းတော့ Feeling ဖြစ်တာပေါ့…
ကိုယ်ဖြစ်ချင်တဲ့ idol တစ်ယောက်အနေနဲ့ ပရိသတ်တွေက သူတို့ပဲချစ်စေချင်တယ်။ သူတို့ချစ် တဲ့လူတစ်ယောက်ကို ဆုံးရှုံးသွားရမှာဆိုတဲ့စိတ်လေးနဲ့ပေါ့။ ညီမလည်း သဘောကျတဲ့အနုပညာရှင်တွေရှိ တယ်။ အများကြီးတော့ သူတို့ရဲ့ကိုယ်ရေးကိုယ်တာစိတ်မ၀င်စားပါဘူး။ အနုပညာကိုအားပေးတယ်။ ဆယ်ကျော်သက်အရွယ်တုန်းကတော့ ကိုယ်သဘောကျတဲ့ အနုပညာရှင်ရဲ့အချစ်ရေးနဲ့ပတ်သက်ပြီး နည်းနည်းတော့ Feeling ဖြစ်တာပေါ့။ ကြီးလာတဲ့အခါကျတော့လည်း ဥပမာ Justin Bieber ကိုအရမ်းကြိုက် တယ်။ သူဆိုရင် တစ်ယောက်ပြီးတစ်ယောက်တွဲတာ ကိုယ်အရမ်း Crazy ဖြစ်တော့ နည်းနည်းတော့ Feeling လေးတော့ ဖြစ်တာပေါ့။ ဒါလူတိုင်းသဘာဝပါပဲ။
တချို့တွေက ညီမ Facebook မှာ Cover Dance လေးတွေတင်တာသဘောကျကြပြီး  တချို့ကျတော့ ရေဒီယိုကက်ဆတ်ခွေဇာတ်လမ်းမှာ သဘောကျတာရှိတယ်။ တချို့က Photo Model လုပ်တာကြောင့် သိကြတယ်။ တစ်ယောက်နဲ့တစ်ယောက်တော့ မတူကြဘူး။ တချို့က ကတာလေးတွေပို သဘောကျတယ်။ အဲဒါကြောင့်မို့လို့လည်း ဒါရိုက်တာဝိုင်းနဲ့ သရုပ်ဆောင်နဲ့အကတွဲမိသွားအောင် စီစဉ်ဖြစ်တာပါ။
ညီမကိုတော်တော်များများက Social ကျတယ်လို့ထင်ကြတယ်။ အပြင်မှာ တချို့ဆိုညီမကို မာနကြီး တယ်။ စကားသိပ်မပြောဘူးလို့ထင်ကြတယ်။ ညီမက ငယ်ငယ်လေးကတည်းက ကိုယ့်ဖာသာ ဖာသိဖာသာ နေပြီး စကားအပြောနည်းတယ်။ မာနကြီးတာမဟုတ်ပါဘူးလို့။

ဧပြီလမှာမွေးတာရယ်၊ ဧရာဝတီမြစ်ကိုသဘောကျလို့ ကိုယ်စားပြုပြီးတော့ ပေးထားတာပါ။ အဲဒါနဲ့ 'ဧ'ဖြစ်သွားတာ…
ညီမက ဧပြီလမှာမွေးတာရယ်၊ ဧရာဝတီမြစ်ကိုသဘောကျလို့ ကိုယ်စားပြုပြီးတော့ ပေးထားတာပါ။ အဲဒါနဲ့ 'ဧ'ဖြစ်သွားတာ။ အဲဒါကြောင့် 'ဧ'နဲ့ 'အေး'နဲ့အရမ်းမှားကြတယ်။ ညီမအရင်က အိမ်ခေါ်နာမည်က ရတနာဆိုပြီးသုံးတာလေ။ အခုနောက်ပိုင်း ကိုယ်လည်းအနုပညာလုပ်ကတော့ 'ရတနာ'ဆိုတဲ့ နာမည်ကြီးနဲ့    အဆင်မပြေတာနဲ့ ဧ လို့ခေါ်တာနဲ့ ဧလို့ခေါ်တာလည်းသဘောကျတယ်။   
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment