2017 အကယ်ဒမီ










Rap သီချင်းတွေဆိုတဲ့ ဂီတသမားတစ်ယောက်အနေနဲ့ အခုလိုမျိုး အကယ်ဒမီကို ပထမဦးဆုံးအကြိမ် ဆွတ်ခူးခွင့်ရရှိတဲ့အတွက် Amazing ပါ
ထွန်းထွန်း
ဟာ… ဟာ… ဟာဗျာ… ဒီနေ့တော့ ကိုကိုထွန်းထွန်းအတွက် တကယ့်ကို Amazing နေ့လေးပါ။ ကျွန်တော်အရမ်းဝမ်းသာပါတယ်။ အရမ်းလည်းပျော်ပါတယ်။ ကျွန်တော်အခုလိုမျိုး စင်ပေါ်မှာတက်နိုင်ဖို့ အတွက် အဓိကကျွန်တော့်ကို ခွန်အားတွေပေးတဲ့ ကျွန်တော့်ရဲ့ပရိသတ်တွေကို ဦးစွာပထမဂါရ၀ပြုပါတယ်။ Rap သီချင်းတွေဆိုတဲ့ ဂီတသမားတစ်ယောက်အနေနဲ့ အခုလိုမျိုး အကယ်ဒမီအရုပ်ဆိုကို ပထမဦးဆုံးအကြိမ် ဆွတ်ခူးခွင့်ရရှိတဲ့အတွက် Amazing ပါ။

လွန်ခဲ့တဲ့ ၂၅နှစ်က တစ်ခန်းစ နှစ်ခန်းစကနေ ဇာတ်ပို့ဘ၀ကနေ ဇာတ်ဆောင်ဘ၀ကို တက်လှမ်းခဲ့တာဖြစ်တဲ့ အတွက် ကျွန်တော့်ရဲ့ပထမခြေလှမ်းတွေကို အမှတ်ရစေမယ့် ဇာတ်ပို့ဆုကိုရရှိခဲ့တဲ့အတွက် အတိုင်းမသိ ၀မ်းသာမိပါတယ်
လူမင်း
အမှန်အတိုင်းပြောရရင် ကျွန်တော်တကယ်ကို လိုချင်တာပါ။ နှစ်တိုင်းနှစ်တ်ိုင်းလည်း နာမည်ကြီးသ လောက်လွဲခဲ့တဲ့မောင်မောင်မို့လို့ ဒီနှစ်မှာလည်း လွဲမယ်လို့ပဲ သက်သောင့်သက်သာလေးပဲ ကျွန်တော် တွေး ထားတာပါ။ အနုပညာလုပ်သက် ၂၅နှစ်ရှိပါပြီ။ အကယ်ဒမီမရတာလည်း ၁၂နှစ်တိတိရှိနေပါပြီ။ ဆိုတော့ ကျွန်တော် အစည်းအရုံးဥက္ကဌတာဝန်ကိုယူကတည်းက ရလည်းရချင်တယ်။ တစ်ဝက်ကလည်း ရိုးရိုးသားသား ၀န်ခံရရင် မရချင်ပါဘူး။ ဒါပေမဲ့လည်း ကျွန်တော့်အနုပညာအပေါ် ကျွန်တော်လိပ်ပြာသန့်စွာ ရင်းနှီးပေးဆပ်ခဲ့တဲ့ အတွက် ကျွန်တော် အကြိမ်ကြိမ်ပြောပါတယ်။ ကျွန်တော့်ရင်မှာ လိပ်ပြာသန့်ပါတယ်။ မရတာလည်း ၁၂ နှစ်ရှိ ပါပြီ။ ဇာတ်ပို့ဆုဖြစ်တဲ့အတွက်လည်း ကျွန်တော်ပိုပြီးတော့ မြတ်နိုးဂုဏ်ယူမိပါတယ်။ ကျွန်တော်ဟာ လွန်ခဲ့တဲ့ ၂၅နှစ်က တစ်ခန်းစ နှစ်ခန်းစကနေ ဇာတ်ပို့ဘ၀ကနေ ဇာတ်ဆောင်ဘ၀ကို တက်လှမ်းခဲ့တာဖြစ်တဲ့အတွက် ကျွန်တော့်ရဲ့ ပထမခြေလှမ်းတွေကို အမှတ်ရစေမယ့် ဇာတ်ပို့ဆုကိုရရှိခဲ့တဲ့အတွက် အတိုင်းမသိဝမ်းသာမိပါ တယ်။

သက်မွန်ချစ်တဲ့သူတွေ ဒီအချိန်ဆို သူတို့လည်း အရမ်းကိုပျော်ရွှင်နေမှာပါ
သက်မွန်မြင့်
အရမ်းကိုပျော်ပါတယ်။ သက်မွန်ကိုချစ်တဲ့ We Love တွေ၊ ပရိသတ်တွေရဲ့ဆန္ဒပြည့်ဝသွားတဲ့အတွက် အတိုင်းမသိပျော်ပါတယ်။ သက်မွန်ချစ်တဲ့သူတွေ ဒီအချိန်ဆို သူတို့လည်းအရမ်းကိုပျော်ရွှင်နေမှာပါ၊  အနစ်နာခံပြီးတော့ ဒီလမ်းကြောင်းပေါ် ရောက်အောင်ပို့ပေးခဲ့တဲ့ သက်မွန်ရဲ့အစ်ကိုအရင်း ကိုမျိုးကိုလည်း ကျေးဇူးတင်ပါတယ်။ တိုက်တိုက်ဆိုင်ဆိုင်ပဲ မြန်မာပြည်ပြန်ရောက်တဲ့အချိန်မှာ ဒီပွဲကြီးကျင်းပတယ်။ ဒီစင်မြင့်ပေါ်မှာ ဒီဆိုကုိဆွတ်ခူးနိုင်တဲ့အတွက် အစ်ကိုအရမ်းဝမ်းသာမယ်လို့ထင်ပါ တယ်။ ဒီနေရာကနေ ဂါရ၀ပြုပါတယ်။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment