Heroes Charge







Herose Charge ဟာ လူကြိုက်များတဲ့ဒိုတာဂိမ်းထဲက Hero တွေကိုဒီဇိုင်းနဲ့ နာမည်ခေါ်ယူမွေး စားထားတဲ့မိုဘိုင်းပလက်ဖောင်း RPG/Strategy ဂိမ်းလေးတစ်ခုပါပဲ။ ကိုယ့်မှာရှိတဲ့ Squad နဲ့ ရန်သူတွေကို အလိုအလျှောက်ချမယ်။ ကိုယ်က Spell နဲ့ Ability တွေသုံးပေးရုံပဲ၊ ပြီးတော့ ဂိမ်းအများစုက အစအဆုံး အပြောင်းမလဲမရှိ  Game Play ကတစ်ထပ်ထဲပဲ။ အဲဒါကဒီ Heroes Charge ကိုမဆော့မိခင်ကအမြင်ပါ။ ဒီဂိမ်းဟာ အခုဆိုရင် ဆော့ကစားသူပေါင်း ၁၀ သန်းနဲ့အထက်ရှိပြီး အကောင်းဆုံးအခမဲ့ဂိမ်းတစ်ခုအဖြစ် ရပ်တည်ထားဆဲဖြစ်ပါတယ်။ ဒီဂိမ်းကိုပြီးခဲ့တဲ့ ဧပြီလကမှ update အသစ်နဲ့ထပ်မံဖြည့်စွက်လိုက်ပြီး game play ပိုင်းနဲ့   JY  ပိုင်းမှာသိသိသာသာပိုပြီး ကောင်းမွန်လာခဲ့ပါတယ်။

Dota Hero တွေပါတယ်ဆိုတဲ့ အချက်ကငြင်းမရအောင် စိတ်ဝင်စားစေတာဖြစ်ပြီးတော့ အဲဒီလို စိတ်ဝင်စား မှုက, စကစားကြည့်လိုက်တဲ့အခါမှာ ကျမသွားဘဲစွဲလမ်းသွားစေနိုင်တဲ့ ဂိမ်းတစ်ခုဖြစ်တယ်။ ကစား သူက အစပိုင်းမှာ Tutorial ကစားရမှာဖြစ်ပြီး လွယ်ကူသလောက် အချိန်လဲသိပ်မယူပါဘူး။ ဒီဂိမ်းရဲ့ အဓိက တည်ဆောက်မှုကတော့ အားလုံးသိတဲ့အတိုင်း Hero တွေပဲဖြစ်ပြီးသူတို့ဟာ မူရင်းဂိမ်းက Ability တွေကိုပါ ပြန်မွေးစားထားတဲ့အတွက် ပိုပြီးရင်းနှီးမှုကိုခံစားရမှာဖြစ်တယ်။ ဥပမာ Enchantress နဲ့ တူတဲ့ ဟီးရိုးက Healing ability ပါတာမျိုး၊  Kukka ကိုမွေးစားထားတဲ့ ဟီးရိုးက Ghost Ship သုံးတာမျိုးတွေပေါ့။ အစောပိုင်းမှာတော့ လုပ်စရာသိပ်မရှိပါဘူး။ မြေပုံပေါ်မှာပါတဲ့အခန်းတွေကိုတစ်ခုချင်းစီ တိုက်သွားဖို့ပဲ။ တစ်ခန်းဆီမှာ မတူညီတဲ့ enemy Creep/ Hero  တွေကသာသင့်ရဲ့ အာရုံကိုလန်းဆန်းစေတာဖြစ်တယ်။ ဟီးရိုးတွေရဲ့ပထမဆုံး Ability တွေကကိုယ်တိုင်သုံးပေးရတာဖြစ်ပြီး Spell အ၀ါရောင်တန်းလေးပြည့်သွားတဲ့ Hero ပုံကို တစ်ချက်နှိပ်ပေးလိုက်ရုံပါပဲ။ အခန်းတွေမှာမတူတဲ့ Item တွေကျပြီးတော့ အဲဒီ Item တွေအတွက် Hero တစ်ကောင်မှာ Inventory ( 6 slots )ဆီပါဝင်တယ်။ Inventory 6 ခုလုံးရသွားတဲ့ Hero ကို Promote လုပ်လို့ရသွားပြီဖြစ်ပြီးတော့ Spell နောက်တစ်ခုထပ်ရမှာပါ။ များသောအားဖြင့်တော့ ဒုတိယရမယ့် ability တွေက passive တွေဖြစ်ပြီးတော့ သူ့အလိုလိုသုံးတဲ့အတွက်လဲ စဆော့ခါစ လူတွေအတွက် အာရုံနောက် သက်သာတာအမှန်ပါပဲ။ နောက်ပြီး ဒိုတာထဲက ability တွေကိုပဲပြန်သုံးထားတဲ့အတွက် ကြည့်ရတာလဲ သဘောကျစရာကောင်းတယ်။

အခန်းတစ်ခန်းကို Normal Difficulty မှာအကြိမ်ကြိမ်တိုက်နိုင်ပေမယ့် Elite အဆင့်မှာတော့တစ် နေ့ကိုသုံးခါပဲ (နိုင်/ရှုံး) ၀င်လို့ရမှာဖြစ်တယ်။ ရလာမယ့် Item တွေကလဲ Dota ထဲကလိုပဲအစောပိုင်း Item တွေကိုပိုကောင်းတဲ့ Item တွေရဖို့ Recipe တွေနဲ့လာမှာပါ။ Boss Enemy Hero ပါတဲ့ Raid တွေမှာဆို Hero token တွေပါရမှာပါ။ အဲဒီ Hero Token တွေက ၁၀ / ၂၀ အစရှိသဖြင့်သတ်မှတ်ထားတဲ့ အရေအတွက် ပြည့်သွားရင်  သက်ဆိုင်ရာ Hero ကို Summon ပြီး အသုံးပြုနိုင်မှာပါ။ ဥပမာ - Zeus Token 10 ခုရခဲ့ရင် Zeus က dk Summon ပြီးကိုယ့်ရဲ့ Squad ထဲမှာသုံးနိုင်ပါပြီ။ Squad က အများဆုံး Hero ငါးယောက် ထည့်နိုင်ပါတယ်။ ရှိပြီးသား Hero ရဲ့ Token ရလို့လဲစိတ်မညစ်ပါနဲ့၊ သင့်မှာ Zeus ရှိပေမယ့်နောက်ထပ် Token 10  ခုထပ်ပြည့်သွားပြီဆိုရင် အဲဒီ  Hero ကို Evolve လုပ်နိုင်မှာဖြစ်တယ်။ စိတ်ဝင်စားစရာပါပဲ။ ဒါက Pokemon  ဂိမ်းလိုမျိုးရိုးရှင်းပြီး ထပ်တလဲလဲကစားရတဲ့   Game တွေအတွက် အထိရောက်ဆုံး အပြောင်းအလဲဆိုတာ ငြင်းနိုင်ပါ့မလား။

Game Play ကဆော့တာကြာလာတာနဲ့အမျှ Campaign တစ်ခုထဲမဟုတ်တော့ပဲ Team Level အ လိုက် Pvp Arena, Time Rift (တခြား RPG တွေက Dungeon လိုပုံစံမျိုးဗျ) Trials, Crusade အစရှိတဲ့ နေရာတွေထပ်ပွင့်လာပြီး Merchant, Enchanting, Guild အစရှိတာတွေမှာလဲကိုယ့်ရဲ့ Squad အတွက် Upgrade တွေရလာမှာပါ။ Elite campaign တွေက stage တစ်ခုကို တနေ့မှာ၃ခါပဲဝင်လို့ရသလို Time Rift ကလဲသတ်မှတ်ထားတဲ့ အကြိမ်လိုက်ပဲဝင်လို့ရမှာပါ။ Pvp arena ကတစ်နေ့ကို ၅ ခါဝင်နိုင်ပြီးတော့ တစ်ခါဝင်ပြီးရင် ၁၀ မိနစ်စောင့်ရတယ်။ သတ်မှတ်ထားတဲ့ Team Level မပြည့်ဘဲဝင်လို့ရမှာမဟုတ်ဘူး။ Pvp Arena မှာ တစ်ပွဲနိုင်ပြီးတိုင်း mailbox ကို စစ်ဖို့မမေ့ပါနဲ့    Gem တွေကို အဓိကရတာ Pvp arena က ပဲဖြစ်ပါတယ်။

နောက်ထပ်ပြောစရာရှိတာက Bonus စနစ်ပါ။ သူကတစ်နေ့ကို Treasure box ငါးခုပေးတယ်။ တစ်ခုကိုဖွင့်ပြီးရင် နောက်တစ်ခုထပ်ဖွင့်ဖို့အတွက် ၁၀ မိနစ် interval စောင့်ရမယ်။   Golden T/b ကတော့ နှစ်ရက် (၄၈နာရီ)မှ တစ်ခါရမှာပါ။ အဲဒီကနေ Item/Hero အကောင်းစားတွေ နေ့စဉ်ရနေမှာဖြစ်တယ်။ တစ်နေ့ တစ်ခါ Sign In လုပ်ရင်လဲ နေ့အလိုက် Bonus ရပါတယ်။ Elite Campaign  နဲ့  Time Rift တွေကလဲ ပုံမှန်ထက်သာတဲ့ Item တွေရပါတယ်။

 မိုဘိုင်းဂိမ်းတွေရဲ့ထုံးစံအတိုင်း Energy Bar ပါပြီးတော့ Campaign တစ်ပွဲကို 6 energy စားတယ်။ ဒါပေမဲ့ သုံးနာရီ ခြောက်နာရီကိုတစ်ခါ Energy Bonus အပြည့်ပြန်ပေးတဲ့ အတွက် တစ်နေကုန်ဆော့ချင်ပြီး Gem မ၀ယ်ချင်တဲ့လူတွေအတွက်လဲဖြေသာမှာပါ။ ဒီဂိမ်းရဲ့ bonus စနစ်က ရက်ရောတယ်လို့ပြောလို့ရပေမယ့် Heavy ဆော့တဲ့သူတွေအတွက်တော့ လောက်မှာမဟုတ်ဘူး။ ဒီတော့ In-game purchase ကိုအသုံးပြုတဲ့သူတွေအတွက် သူက VIP အထူးအခွင့်အရေးတွေလဲ ပေးထားသေးတယ်။ ပိုက်ဆံနဲ့ မ၀ယ်ချင်လဲပုံမှန်တိုင်းစိတ်ရှည်ရှည်နဲ့ ဆော့လို့တော့ရပါတယ်။ Hero တွေရဲ့ Ability တွေကို Ability နဲ့   point နဲ့ gold သုံးပြီး ခဏခဏ upgrade လုပ်နိုင်တယ်။ Ability point ပြန်ပြည့်တာကလဲ အတော်မြန်လို့ ကိုယ့်မှာ gold မကုန်မချင်း ခဏခဏ upgrade လုပ်နေနိုင်တယ်။ နောက်ထပ် အရေးကြီးတာကတော့ Quest နဲ့  Daily Quest တွေကနေရတဲ့ Bonus  တွေပါ။

Hero Charge ဟာထင်ထားတာထက်ပိုကောင်းပြီးပြည့်စုံတဲ့ Jh Gota spin-off ဂိမ်းတစ်ခုဖြစ်တယ်။ Dota ပရိသတ်တွေအတွက် အစွဲကြီးစွဲမိနိုင်ပြီး မိုဘိုင်းဂိမ်းတစ်ခုအတွက် ရိုးရှင်းကြွယ်ဝတဲ့ game play ကိုလဲ ပိုင်ဆိုင်ပါတယ်။ ဒါပေမဲ့ Energy bar နဲ့ အခြားကန့်သတ်ချက်တွေကတော့ ထုံးစံအတိုင်းငွေကုန်ပေါက်တွေ ဖြစ်လာနိုင်တယ်။ အခမဲ့ရယူနိုင်ပြီး Android/iOS နှစ်ခုလုံးရရှိနိုင်တယ်။ အင်တာနက်ကော်နက်ရှင်တော့ လိုအပ်မှာဖြစ်ပါတယ်။ 

Barnuks

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment