မော်ဒယ်လည်း လုပ်တယ်။ ဒီဇိုင်နာလည်းလုပ်တယ်။ .....ခိုင်သန္တာလင်း









မော်ဒယ်လည်း လုပ်တယ်။ ဒီဇိုင်နာလည်းလုပ်တယ်။ ၀တ်စုံတွေကိုယ့်ဘာသာလည်း ချုပ်ဝတ်တယ်…
ခိုင်သန္တာလင်း

ညီမက Miss Universe Myanmar ကို စစချင်းတုန်းက ပြိုင်ပွဲဝင်ဖို့ စီအစဉ်မရှိခဲ့ပါဘူး
ညီမ Magazine တွေရိုက်တယ်။ Cover တွေရိုက်တယ်။ Wedding မှာ ပန်းကြဲတွေ ဗန်းကိုင်တွေ လုပ်ပါတယ်။ ညီမက Miss Universe Myanmar ကို စစချင်းတုန်းက ပြိုင်ပွဲဝင်ဖို့ အစီအစဉ်မရှိခဲ့ပါဘူး။ ဒါပေမဲ့ ကိုယ်တိုင်က ရခိုင်ကိုယ်စားပြုတစ်ယောက်အနေနဲ့ Miss Universe ပွဲမှာ ပါဝင်ချင်တယ်။ အဲဒါနဲ့ဖောင်ပိတ်ခါနီး ကျမှ မထင်မှတ်ပဲဖောင်တင်ဖြစ်ခဲ့တာပါ။

Mr.& Ms.Tawwin မှာ Photogenic ဆုရဖူးတယ်။ 1st Runner up လည်းရဖူးပါတယ်ရှင့်…
Miss Universe မတိုင်ခင်တုန်းက Mr.&Ms.Tawwin မှာ ၀င်ပြိုင်ခဲ့ပြီး  Miss Personality ဆုရဖူးပါတယ်ရှင့်။ နောက်ပိုင်း အမျိုးသမီးရေးရာလုပ်တဲ့ပွဲမှာ photogenic ဆုရဖူးတယ်။ 1st Runner up လည်းရဖူးပါတယ်ရှင့်။

ပွဲကြီးကတော့ တစ်ခါမှမပြိုင်ဖူးပါဘူး။ Miss Universe ပွဲက ပထမဦးဆုံးပါ…
ညီမ Mr.& Ms. Tawin  ပြိုင်တုန်းက ဆရာသီးသန့်ရယ်လို့မရှိဘူး။ ပြိုင်ပွဲဝင်တဲ့အခါမှာ တီချယ်မိုးတို့ ဦးချိုတို့သင်တာကြည့်ခဲ့ရဖူးပါတယ်။ ပြိုင်ပွဲတွေပြိုင်တော့ တီချယ်မိုးတို့က ပြိုင်ပွဲမှာတွေ့ရင် သင်ပေးတယ်။ ၂၀၁၂ လောက်က အနုပညာလောကထဲစ၀င်ဖြစ်တာပါ။ ညီမ ဒီလောကထဲမှာ ၄နှစ်လောက်ရှိနေပေမယ့် ခဏလောက် ပြိုင်လိုက် ပျောက်လိုက်နဲ့ပါ။ ကျောင်းတစ်ဖက်နဲ့ဆိုတော့လေ။ ကျောင်းက 4th Year Law တတ်နေတာပါ။ ပွဲကြီးကတော့တစ်ခါမှ မပြိုင်ဖူးပါဘူး။ Miss Universe ပွဲက ပထမဦးဆုံးပါ။

တန်ဖိုးမဖြတ်နိုင်တဲ့အတွေ့အကြုံကောင်းတွေ ရခဲ့ပါတယ်ရှင့်…
Miss Universe တစ်လျှောက်အတွေ့အကြုံကတော့ အများကြီးပါ။ အဲဒါတွေထဲက ညီမတို့ ပူတာအိုသွားတော့ ပရဟိတတွေလုပ်ခဲ့တယ်။ ပြီးရင်ပြိုင်ပွဲမှာ ဦးချိုက ညီမတို့ကိုနေပုံထိုင်ပုံတွေကအစ သင်ပေးခဲ့ပါတယ်။ တန်ဖိုးမဖြတ်နိုင်တဲ့ အတွေ့အကြုံကောင်းတွေရခဲ့ပါတယ်ရှင့်။ သူငယ်ချင်းတွေနဲ့လည်း ပြီးခဲ့တဲ့(၂)ပတ်လောက် က မန္တလေးကိုသွားခဲ့သေးတယ်။

Miss တစ်ယောက်ရဲ့တာဝန်အတိုင်း ပရဟိတတွေလုပ်မယ်…
နောက်ထပ်ပြိုင်ပွဲတွေထပ်ပြိုင်ဖို့ အစီအစဉ်မရှိသေးပါဘူး။ ညီမအခုရထားတဲ့ဆုက Miss Universe ဆုတစ်ခုဆိုတော့ Miss တစ်ယောက်ရဲ့တာဝန်အတိုင်း ပရဟိတတွေလုပ်မယ်။ ပြီးတော့ ညီမ တတ်စွမ်း သလောက် အကျိုးပြုလုပ်ငန်းတွေလုပ်မယ်။ ပြီးသွားရင် ညီမကိုကမ်းလှမ်းတာတွေ လက်ခံရိုက်ကူးသွားမယ်။ ဒီလောက်ပါပဲ။ ညီမ Miss Universe ပြိုင်ပွဲအတွက် Knowledge အပိုင်းနဲ့ Miss တစ်ယောက်ရဲ့ဂုဏ်ဒြပ်တွေ၊ စိတ်ထားတွေလေ့လာခဲ့တယ်။ Talent အပိုင်းအနေနဲ့ကတော့ ညီမရခိုင်မှာဆီမီးခွက် အကနဲ့ကပြခဲ့ပါတယ်။

မော်ဒယ်လည်း လုပ်တယ်။ ဒီဇိုင်နာလည်းလုပ်တယ်။ ၀တ်စုံတွေကိုယ့်ဘာသာလည်း ချုပ်ဝတ်တယ်…
အနုပညာကတော့ ငယ်ငယ်ကတည်းက ၀ါသနာပါတာပါ။ ငယ်ငယ်ကတည်းက ရည်မှန်းထားတာ တစ်ခုတောင်မဟုတ်ဘူး။ ပထမဆုံး အနုပညာရှင်တစ်ယောက်ဖြစ်ချင်တယ်။ နောက်ပြီးလေယာဉ်မယ်ရယ်၊ ဖက်ရှင်ဒီဇိုင်နာရယ်ပါ။ တစ်နေ့ကျရင်အဲဒီလိုဖြစ်ကိုဖြစ်ရမယ်လို့ ရည်မှန်းထားပါတယ်။ အခုလောလော ဆယ်တော့ မော်ဒယ်လည်း လုပ်တယ်။ ဒီဇိုင်နာလည်းလုပ်တယ်။ ၀တ်စုံတွေကိုယ့်ဘာသာ လည်းချုပ်ဝတ် တယ်။ သူငယ်ချင်းတွေကိုလည်း ချုပ်ပေးပါတယ်။ ညီမဆယ်တန်းပြီးပြိုင်ခဲ့တဲ့ Mr. & Ms Tawwwin  မှာတုန်းက ပြိုင်ပွဲမှာပြိုင်ခဲ့တဲ့ ၀တ်စုံကိုသူငယ်ချင်းတွေက တော်တော်ကြိုက်ကြတယ်။ ကိုယ့်ဘာသာ မတတ်တတတ်နဲ့ချုပ် ထားတာဆိုတော့ ပျော်လည်းပျော်တယ်။ ပီတိလည်းဖြစ်တယ်။
ညီမ၀တ်စုံအဆင်မပြေဖြစ်ခဲ့တာတော့ရှိပါတယ်။ ပြီးခဲ့တဲ့ MU တုန်း က ညီမ၀တ်ခဲ့တဲ့ NC ပေါ့။ အဏ္ဏ၀ါဘုရင်မ၀တ်စုံပေါ့။ အင်္ကျီက တော်တော်လေးတယ်။ ပထမတုန်းက လူ၃ယောက်လောက် သယ်ရတယ်။ ငါးအကြေးခွံပုံစံတွေပေါ့။ ၀တ်စုံနဲ့လမ်းလျှောက်ဖို့က တော်တော်ခက်ခဲ့တယ်။ Rehearsal မှာကျ တော့ ညီမ Sha Tra ကိုပြောလိုက်တာ။ သူကလည်း သမီးစိတ်တိုင်းကျပြင်ပေးတယ်။ အင်္ကျီလေးကလည်း တော်တော်လှ တယ်။ တကယ့်ပွဲနေ့မှာ အင်္ကျီကို ပေါ့ပါးအောင် ပြန်ပြင်လိုက်တဲ့အတွက် ညီမလမ်းလျှောက်ရတာအဆင်ပြေ သွားခဲ့ပါတယ်။

ပြိုင်ပွဲတစ်လျှောက်မှာအကြိုက်ဆုံး Miss ဆို ဇွန်သံစဉ်ပေါ့… လိုအပ်တဲ့အခါ ကူညီပေးဖို့ တွန့်ဆုတ်မ နေတတ်ဘူး…
ပြိုင်ပွဲတစ်လျှောက်မှာအကြိုက်ဆုံး Miss ဆို ဇွန်သံစဉ်ပေါ့။ သူက ပြိုင်ပွဲဝင်တွေအားလုံးထဲမှာ Prefect အဖြစ်ဆုံးပဲ။ နိုင်ငံတကာအတွေ့အကြုံလည်းရှိထားဖူးတယ်။ သူများကိုလည်းကူညီတတ်တယ်။ လိုအပ်တဲ့အခါ ကူညီပေးဖို့ တွန့်ဆုတ်မနေတတ်ဘူး။ အဲဒါတွေကြောင့်  Winner ဖြစ်စေချင်တာပါ။   




--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment