ထိုင်းမော်ဒယ်.......မြောင်မြောင်ပါ့က်ချာရာ့နမ် သီရနီသိနမ်









ဂျပန်ကနာမည်ကြီးမဂ္ဂဇင်း  S-Sassion မှာ မော်ဒယ်အဖြစ် ပါဝင်ခွင့်ရရင်းလူသိများလာတာပါ…
မြောင်မြောင်ပါ့က်ချာရာ့နမ် သီရနီသိနမ်

ကျွန်မငယ်ဘ၀က ထိုင်းနိုင်ငံ နာမည်ကြီးမိန်းကလေး ဘော်ဒါကျောင်းမှာဖြတ်သန်းခဲ့တာပါ။ ကျွန်မမိသားစုက နည်းနည်း စည်းကမ်းတင်းကြပ်တယ်…
ကျွန်မငယ်ဘ၀က ထိုင်းနိုင်ငံနာမည်ကြီး မိန်းကလေးဘော်ဒါကျောင်းမှာ ဖြတ်သန်းခဲ့တာပါ။ ၁၂ နှစ်လောက်ပေါ့။ ကျောင်းက ကျွန်မကို ကျွန်မမသိတဲ့အရာ တော်တော်များများသင်ပေးခဲ့ပါတယ်။ ကျောင်း သင်ခန်းစာတွေတင်မကဘူး။ ဘယ်လိုနေရမယ်၊ ဘယ်လိုပြုမူရမယ်၊ လူကောင်းတစ်ယောက်ဖြစ်ဖို့ အများကြီး သင်ပေးခဲ့ပါတယ်။ အဲဒါကြောင့်လည်း ကျွန်မအခုအချိန်မှာ အမှီအခိုကင်းကင်းနဲ့ တစ်ကိုယ်တည်းရပ်တည်နိုင် တာပေါ့။ ကျွန်မမိသားစုက နည်းနည်းစည်းကမ်းတင်းကြပ်တယ်။ ကျွန်မကလည်းခေါင်းမာတယ်။ အဲဒါကြောင့် လည်း ကျွန်မကိုဘော်ဒါဆောင်ပို့ခဲ့တာပေါ့။

ဂျပန်ကနာမည်ကြီးမဂ္ဂဇင်း S-Sassion မှာ မော်ဒယ်အဖြစ် ပါဝင်ခွင့်ရရင်းလူသိများလာတာပါ…
ကျွန်မမော်ဒယ်ဘ၀က ပျော်ဖို့ကောင်းပါတယ်။ ကျွန်မထိုင်းမှာရော နိုင်ငံတကာမှာပါမော်ဒယ်လုပ် တယ်။ ခရီးသွားရင်း အလုပ်လုပ်ခွင့်ရတာ ပျော်စရာကောင်းပါတယ်။ ကျွန်မအသက် (၁၇)နှစ်ကတည်းက မော်ဒယ်စလုပ်ခဲ့တာ။ အဲဒီတုန်းက ဂျပန်ကနာမည်ကြီးမဂ္ဂဇင်း S-Sassion မှာ မော်ဒယ်အဖြစ်ပါဝင်ခွင့်ရရင်း လူသိများလာတာပါ။ ပြီးတော့ Commercial တွေလည်းရိုက်ရတယ်။ Presenter အဖြစ်လည်းလုပ်ခဲ့တယ်။ ဒါမော်ဒယ်လုပ်ငန်းအတွက် အတွေ့အကြုံကောင်းတွေပါပဲ။ အခုတော့ ကျွန်မစီးပွားရေးတစ်ခုစလုပ်ဖို့ စဉ်းစားထားတယ်။ အောင်မြင်မယ်လို့လည်း မျှော်လင့်ပါတယ်။ 

Miss Grand Thailand 2016 1st Runner Up ဆုရခဲ့ပါတယ်။ အခက်အခဲတွေက အများကြီးပါ…
ကျွန်မ Miss Grand Thailand 2016 ၀င်ပြိုင်ခဲ့တာကတော့ ကျွန်မအေဂျင်စီတစ်ခုကပြောလို့ပါ။ ပထမတော့ ပြိုင်ပွဲမှာကျွန်မအသက်ကြီးနေလို့ ထွက်လိုက်ဖို့စဉ်းစားသေးတယ်။ ဒါပေမဲ့ နောက်ဆုံးပြိုင် ရင်းနဲ့ပဲ 1st Runner Up ဆုရခဲ့ပါတယ်။ အခက်အခဲတွေကအများကြီးပါ။ အရေးကြီးတာက ကိုယ့်ကိုယ် ကိုယ် ယုံကြည်မှုရှိနေဖို့ပဲ။ အဲဒီတုန်းက ကျွန်မသူငယ်ချင်းတွေ မိသားစုတွေအားပေးခဲ့ကြတယ်။ ကျွန်မအတွက် ခွန်အားဖြစ်စေခဲ့ပါတယ်။
တခြားဆုတွေအနေနဲ့ဆိုရင် S-Cawaii Modil, Miss Loland Ambassador, Miss Sexy Leo Ambassador ဆုရခဲ့ဖူးပါတယ်။

ကျွန်မ စိတ်ထဲမှာနှစ်နှစ်ကာကာ ကျေးဇူးတင်ရမယ့်လူတစ်ယောက်ကတော့ Ar-Tပါ…
မြန်မာပြည်အနုပညာလောကထဲကို Chic Magazine နဲ့ဝင်ခွင့်ရလာတာပါ။ မဂ္ဂဇင်းက စတိုင်လစ် ဖြိုးသီဟက သူလုပ်ခဲ့တဲ့အလုပ်တစ်ခုအတွက် မော်ဒယ်လုပ်ပေးဖို့ ပြောရင်းနဲ့ပေါ့။ အဲဒီကနေတစ်ဆင့် Photoshootig တွေ၊ တခြားကြော်ငြာရိုက်တွေ ကမ်းလှမ်းခံရလာတာပါ။ ကျွန်မစိတ်ထဲမှာ နှစ်နှစ်ကာကာ ကျေးဇူးတင်ရမယ့်လူတစ်ယောက်ကတော့ Ar-T ပါ။ သူကသူငယ်ချင်းကောင်းတစ်ယောက်  ဖြစ်သလို ဆရာသမားလည်းဖြစ်တယ်။ သူကျွန်မကိုတော်တော် ဂရုစိုက်ပြီးအခွင့်အရေးတွေလည်းပေးခဲ့ပါတယ်။

ကျွန်မတော်တော်စိတ်ဓာတ် ကြံ့ခိုင်ပြီးပွင့်လင်းရတယ်။ တစ်ခါတလေစိတ် အရမ်းပင်ပန်းရပါတယ်…
ကျွန်မမြန်မာပြည်ရောက်တော့ အခက်အခဲတွေအများကြီးပါ။ အထူးသဖြင့် ဘာသာစကား၊ ယဉ်ကျေး မှု၊ အပေါင်းအသင်း၊ အတွေးအခေါ် အယူအဆတွေပေါ့။ ကျွန်မ တော်တော်စိတ်ဓာတ်ကြံ့ခိုင်ပြီး ပွင့်လင်းရ တယ်။ တစ်ခါတလေစိတ် အရမ်းပင်ပန်းရပါတယ်။ ရလဒ်ကောင်းရဖို့ အချိန်တစ်ခုတော့စောင့်ပေးရတယ် မဟုတ်လား။ ဒါပေမဲ့ ကျွန်မကျေးဇူးတင်ရမယ့် အမြဲတမ်းကူညီပေးတဲ့သူငယ်ချင်းတွေရှိတယ်။ ပထမဒီမှာ အလုပ်စလုပ်ချင်းတုန်းကတော့ နားမလည်မှုလေးတွေရှိခဲ့  စိတ်ဆိုး၊ ဒေါသထွက်ခဲ့ရသေးတယ်။ နောက်နေ သားကျတော့ အဆင်ပြေသွားပြီးပိုသိလာတယ်။ အဲဒီတေ့ ဒီမှာအလုပ်လုပ်ရတာ စိတ်လှုပ်ရှားဖို့ ကောင်းတယ် လို့ခံစားမိလာတယ်။

မြန်မာနဲ့ထိုင်းကြား ကွာခြားမှုတစ်ချို့ရှိပါတယ်။ အထူးသဖြင့်ယဉ်ကျေးမှုနဲ့ ဓလေ့ထုံးစံပေါ့…
မြန်မာနဲ့ထိုင်းကြား ကွာခြားမှုတစ်ချို့ရှိပါတယ်။ အထူးသဖြင့် ယဉ်ကျေးမှုနဲ့ ဓလေ့ထုံးစံပေါ့။ အဲဒီမှာ ကနည်းနည်း Sensitive  ဖြစ်တော့ တော်တော်များများကို သတိထားလုပ်ရတယ်။

ကျွန်မအတွက်လုပ်တဲ့အလုပ်တိုင်းပျော်စရာကောင်းပါတယ်…
မြန်မာပြည်မှာ မော်ဒယ်လုပ်ရတာ စိတ်ဝင်စားဖို့ကောင်းပါတယ်။ တစ်ခါတလေ တစ်ခါမှမလုပ်ဖူးတာ တွေလည်းလုပ်ရတယ်။ ဒီဇိုင်နာတွေ  Stylist တွေ ပြင်ဆင်ပေးတာတွေကလည်း စိတ်လှုပ်ရှားဖို့ ကောင်းပါ တယ်။ ကျွန်မအတွက်ကတော့ လုပ်တဲ့အလုပ်တိုင်းပျော်စရာကောင်းပါတယ်။ ရလဒ်တွေကလည်း ပျော်ရွှင်စေ တယ်။ အထူးသဖြင့် ပရိသတ်တွေသဘောကျတယ်လေ။ ကျွန်မပိုပျော်ရတာပေါ့။

ဒီကမော်ဒယ်လုပ်ငန်းရဲ့ အလားအလာကောင်းတွေကို မြင်နေရတယ်…
ကျွန်မမြန်မာပြည်မှာ မော်ဒယ်လုပ်ဖို့ရွေးချယ်ခဲ့တာက ကျွန်မလုပ်ချင်တဲ့ လုပ်နိုင်တဲ့အခွင့်အလမ်း တွေကို မြင်နေရတယ်။ ကျွန်မ နီပေါ၊ အိန္ဒိယ၊ ဂျပန်၊ ထိုင်းမှာလည်းလုပ်ခဲ့ပါတယ်။ ဒါပေမဲ့ မြန်မာပြည်က ပိုပြီးစိတ်ဝင်စားဖို့ကောင်းပါတယ်။ ဒီကမော်ဒယ်လုပ်ငန်းရဲ့ အလားအလာကောင်းတွေကို မြင်နေရတယ်။

ရွှေတိဂုံဘုရားမကြာခဏရောက်ပြီး ဘုရားသွားဖူးဖြစ်တယ်။ ကျွန်မဘာသာတရား ကိုင်းရှိုင်းသူတစ်ယောက်ပါ...
ကျွန်မအစားအသောက်နဲ့ဆိုရင် ခေါက်ဆွဲတချို့နဲ့ ကချင်အစားအစာတွေကြိုက်တယ်။ ထိုင်းအရသာလို ပဲ။ ပြီးတော့ ရွှေတိဂုံဘုရားမကြာခဏရောက်ပြီး ဘုရားသွားဖူးဖြစ် တယ်။ ကျွန်မဘာသာတရားကိုင်းရှိုင်းသူ တစ်ယောက်ပါ။ အချိန်ရရင် ငါးလေးတွေလွှတ်သလို ဘုရားမှာဆုတောင်းဖြစ်ပါတယ်။

မြန်မာပြည်ကတစ်နေ့ချင်းကိုတိုးတက်နေတာ…
ကျွန်မတို့ကအိမ်နီးချင်းနိုင်ငံတွေဖြစ်တဲ့အတွက် ယဉ်ကျေးမှုအချို့လည်းတူနေကြသလို နေထိုင်မှု လည်း တူညီလုနီးပါးပါပဲ။ ပြီးတော့ မြန်မာပြည်က တစ်နေ့ချင်းကိုတိုးတက်နေတာ။ လူတော်တော်များများ လာပြီး စီးပွားရေးလုပ်ငန်းတွေလည်း လာလုပ်နေကြတယ်။

မြန်မာနိုင်ငံက မော်ဒယ်အလုပ်နဲ့ပတ်သက်ပြီးပြောရရင် ဥပမာအနေနဲ့မော်ဒယ်ဆိုတာ ဘာလဲဆိုတာ သိစေချင်တယ်…
မြန်မာနိုင်ငံက မော်ဒယ်အလုပ်နဲ့ပတ်သက်ပြီးပြောရရင် ဥပမာအနေနဲ့ မော်ဒယ်ဆိုတာဘာလဲ ဆိုတာ သိစေချင်တယ်။ ပြီးတော့ မော်ဒယ်တစ်ယောက်ဖြစ်ဖို့မလွယ်ကူသလို လေ့ကျင့်မှုတွေလည်းရတယ်။ ကိုယ်ကိုယ်ကိုယ် ယုံကြည်ရတယ်ဆိုတာသိစေချင်တယ်။ ပြီးတော့ ကိုယ့်ကိုယ်ကိုယ်လေးစားရသလို ကိုယ့်ပတ်ဝန်းကျင်ကလူတွေကိုလည်း လေးစားစေချင်တယ်။ သူတို့ က ကိုယ့်အောင်မြင်မှုအတွက် ကူညီ ပေးမှာလေ။ မော်ဒယ်လုပ်ငန်းမှ မဟုတ်ပါဘူး။ ဘယ်အလုပ်မဆိုပါ။  


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment