Apple ရဲ့ Portrait Mode










ပြီးခဲ့တဲ့စက်တင်ဘာလတုန်းက Apple ဟာ သူ့ရဲ့နောက်ဆုံးမျိုးဆက်သစ် iPhone တွေဖြစ်တဲ့ 7 နဲ့ 7 Plus တို့ကိုပွဲထုတ်ခဲ့စဉ်တုန်းက သူ့ရဲ့စမတ်ဖုန်းတွေဟာ DSLR ကင်မရာတွေကို အံတုနိုင်တော့မယ်လို့ ကတိစကားဆိုခဲ့ပါတယ်။ အခုအချိန်မှာတော့ အဲဒီကတိဟာ ကျွန်တော်တို့ဆီရောက်ရှိလာခဲ့ပါပြီ။ Dual-lens ကင်မရာအသုံးပြုထားတဲ့ မျိုးဆက်သစ် iPhone 7 Plus ကို iOS 10.1 ကိုမြှင့်တင်လိုက်ပြီဆိုရင် ကင်မရာ mode မှာ Portrait Mode ကိုတွေ့မြင်ကြရတော့မှာဖြစ်ပြီး iPhone နဲ့အတူတကယ် Pro ဆန်တဲ့ဓာတ်ပုံတွေ ရိုက်ကူးနိုင်တော့မှာဖြစ်ပါတယ်။

တကယ်တော့ ဒီ Portrait Mode ဟာ Beta အဆင့်သာရှိပါသေးတယ်။ ကိုယ်အထူးပြုရိုက်ကူးချင်တဲ့ အရာဝတ္ထုရဲ့အလင်းအမှောင် အတိမ်အနက်ကိုအတိအကျဖမ်းယူပြီး ကျန်တဲ့နောက်ခံ Background ကို သိသိသာသာ ခြားနားပေးလိုက်တဲ့ ဒီလုပ်ဆောင်ချက်ဟာ အံ့သြစရာကောင်းလောက်အောင် ကောင်းမွန်နေပါတယ်။ ပိုပြီးထူးခြားတာက Apple ဟာ ဒီနည်းပညာကိုအဓိကကျတဲ့ Hardware(Lens) တွေပေါ်မှာအခြေပြုထားတာမဟုတ်ဘဲ iOS Version 10 (Software) စနစ်ကိုအခြေပြုထားတဲ့အချက်ပါပဲ။ ဒါကိုကြည့်ခြင်းအားဖြင့် 7 Plus ရဲ့နောက်ထပ်စွမ်းဆောင်ချက်အသစ်တွေကို iOS Version Upgrade တွေနဲ့အတူတွေ့မြင်ရဖို့မျှော်လင့်နိုင်ကြမှာဖြစ်ပါတယ်။

Apple ရဲ့အဆိုကတော့ Portrait Mode  နဲ့ရိုက်ကူးမယ်ဆိုရင် ရိုက်ကူးချင်တဲ့အရာဝတ္ထုရဲ့ အကွာ အဝေး ဟာ စမတ်ဖုန်းနဲ့အနည်းဆုံး ၁၉ လက်မအကွာအဝေးမှာရှိနေရမယ်လို့ဆိုပါတယ်။ လတ်တလော စမ်းသပ်ချက်အရတော့ Apple ရဲ့ Portrait Mode နဲ့ရိုက်ကူးထားတဲ့ဓာတ်ပုံတွေကို အခြားကင်မရာ အသားပေးထိပ်တန်း စမတ်ဖုန်းတွေဖြစ်တဲ့ HTC One M8, Huawei Honor 8, Google Pixel အစရှိတဲ့ ဖုန်းတွေရဲ့ပုံတွေနဲ့နှိုင်းယှဉ်ကြည့်တဲ့အခါမှာ ပိုပြီးသာလွန်ကောင်းမွန်နေတာကိုတွေ့ရှိခဲ့ကြပါတယ်။ ဒါကြောင့် iPhone 7 Plus ပိုင်ရှင်တွေအဖို့ iOS 10.1 ကို မြန်မြန်ဆန်ဆန်လေးမြှင့်တင်ကြဖို့ တိုက်တွန်းလိုပါတယ်။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

Share on Google Plus

0 comments:

Post a Comment