Android ဖုန်းတွေအတွက် မရှိမဖြစ် Battery Life Repair Pro 3.9








ကျွန်တော်တို့ရဲ့စမတ်ဖုန်းတွေဟာနေ့စဉ်ရက်ဆက် အဆက်မပြတ်ဆက်တိုက်အသုံးပြုနေကြရတဲ့အခါ အချိန်ကြာမြင့်လာတာနဲ့အမျှ ဖုန်းရဲ့အဓိကအစိတ်အပိုင်းတစ်ခုဖြစ်တဲ့ဘက်ထရီဟာလည်း တဖြည်းဖြည်း စွမ်းဆောင်ရည်ကျဆင်းလာတတ်ပါတယ်။ အထူးသဖြင့် ဈေးနှုန်းသင့်တင့်တဲ့စမတ်ဖုန်းအများစုမှာ ဘက်ထရီအတွက်အသုံးပြုထားတဲ့ ထုတ်ကုန်အရည်အသွေးကြောင့် တစ်ခါတစ်ရံ သတ်မှတ်ထားတဲ့ အချိန်ကာလမတိုင်ခင်မှာပဲကုန်ဆုံးသွားတာမျိုး၊ အလုပ်မလုပ်တော့တာမျိုး၊ အပူလွန်ကဲကာ လုံးဝသုံး မရတော့တာမျိုးဖြစ်ဖူးကြပါလိမ့်မယ်။

အသုံးပြုသူအများစုဟာဒီလိုအနေအထားမျိုးကို ရုတ်တရက်အချိန်တိုအတွင်းကျမှသာသိရတဲ့အတွက် ဘက်ထရီသက်တမ်းကိုထိန်းသိမ်းစောင့်ကြည့်ဖို့၊ သတိထားအသုံးပြုနိုင်ဖို့ မဖြစ်မနေလိုအပ်လာမှာဖြစ်ပါ တယ်။ ဒါပေမဲ့ တချို့စမတ်ဖုန်းတွေဟာဘက်ထရီအသစ်လဲလှယ်ဖို့ ဈေးကွက်မှာအလွယ်တကူ ၀ယ်ယူလို့ ရနိုင်သလို ဈေးဟာလည်းလက်လှမ်းမီတဲ့အနေအထားမျိုးမှာရှိနေတတ်တာကြောင့် လက်ရှိအသုံးပြုနေတဲ့ ဘက်ထရီအားပမာဏ(ရာခိုင်နှုန်း)ကိုဖော်ပြပေးတဲ့ apps မျိုးကိုသာထည့်သွင်းထားလေ့ရှိပါတယ်။

 အခုအခါမှာတော့ Battery Life Repair Pro ဆိုတဲ့ဖုန်းရဲ့ ဘက်ထရီသက်တမ်းနဲ့ အလုပ်လုပ်တဲ့ပုံစံ၊ အမျိုးအစား voltage အားတည်ငြိမ်မှု အပူချိန်ဆန်းစစ်မှုနဲ့ ဘက်ထရီတစ်ခုလုံးရဲ့ စွမ်းဆောင်မှု အခြေအနေ အကုန်လုံးကိုသိရှိအောင်ပြုလုပ်ကာ ပြုပြင်ထိန်းသိမ်းပေးနိုင်ပြီဖြစ်ပါတယ်။ Apps ကိုရယူဖို့အတွက် Playstore မှာ Battery Life Repair (Blackmart Studio) ဆိုပြီး ရှာဖွေနိုင်ပါတယ်။ ရယူပြီးတဲ့အခါ Apps ကိုဖွင့်လိုက်ပါ။ Apps ကိုဖွင့်လိုက်ပါ။ Apps မှာအဓိက Health, Tools နဲ့ Information ဆိုတဲ့အဓိက Menu  (၃)ခု ပါဝင်တာအရင်ဆုံးတွေ့ရမှာဖြစ်ပါတယ်။

ပထမဆုံး Health ဆိုတဲ့ menu အောက်မှာတွေ့ရမှာကတော့ Cell Map လို့ခေါ်တဲ့ဖုန်းရဲ့ ဘက်ထရီတစ်ခု လုံးရဲ့အခြေအနေကိုဖော်ပြစစ်ဆေးဖို့အတွက် ပထမဆုံးအကြိမ်စစ်ဆေးမှုပြုလုပ်ပေးရမှာဖြစ်ပါတယ်။ Smart ကိုနှိပ်ပါ။ ပြီးရင် ဘက်ထရီမှာရှိနေတဲ့ ပြဿနာတွေကို cell ကွက်လေးတွေအနေနဲ့ ကိုယ် စားပြုဖော်ပြပေးကာ နောက်ဆုံးရလာတဲ့အဖြေကိုဖော်ပြပေးမှာဖြစ်ပါတယ်။ အဲဒီအချိန်မှာ Fix Problem ကိုနှိပ်ပါမယ်။ ဒါဆိုရင် ဘက်ထရီမှာရှိတဲ့ပြဿနာရှိနေတဲ့အစိတ်အပိုင်းလေးတွေကိုဖြေရှင်းပေးမှာဖြစ်ပြီး အားလုံးပြီးသွားခဲ့ရင်တော့ ကိုယ့်စမတ်ဖုန်းဘက်ထရီရဲ့စွမ်းဆောင်ရည်ဟာ အရင်ကထက် သိသိသာ သာကောင်းမွန်လာပြီး ပိုမိုတည်ငြိမ်လာတာကိုတွေ့ရမှာဖြစ်ပါတယ်။

ဒုတိယ menu ဖြစ်တဲ့ tools အောက်မှာတော့ဒီ Apps ကိုရေးသားတဲ့ကုမ္ပဏီဖြစ်တဲ့ Black ကနေနောက် ထပ်ထုတ်လုပ်ထားတဲ့ Apps တွေကို ညွှန်ပြပေးထားတာဖြစ်ပြီး လိုအပ်ရင် install ပြုလုပ်အသုံးပြုနိုင် မှာဖြစ်ပါတယ်။

နောက်ဆုံး menu တစ်ခုဖြစ်တဲ့ information မှာတော့ဘက်ထရီရဲ့ အသုံးပြုထားတဲ့နည်းပညာ၊ အသုံးပြုနိုင်မှုအခြေအနေ၊ လက်ရှိအသုံးပြုနေတဲ့ Voltage ပမာဏ၊ အပူချိန်နဲ့အခြားအချက်အလက် ကလေးတွေကိုတွေ့မြင်နိုင်မှာဖြစ်ပါတယ်။

မင်းသုနောင်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment