Battery Life Repair Pro








Battery Life Repair Pro ဆိုတဲ့ဖုန်းရဲ့ဘက်ထရီသက်တမ်းနဲ့ အလုပ်တဲ့ပုံစံ၊ အမျိုးအစား voltage အားတည်ငြိမ်မှုအပူချိန်ဆန်းစစ်မှုနဲ့ဘက်ထရီတစ်ခုလုံးရဲ့စွမ်းဆောင်မှုအခြေအနေ အကုန်လုံးကို သိရှိအောင်ပြုလုပ်ကာ ပြုပြင်ထိန်းသိမ်းပေးနိုင်ပြီဖြစ်ပါတယ်…


ကျွန်တော်တို့ရဲ့ စမတ်ဖုန်းတွေဟာ နေ့စဉ်ရက်ဆက် အဆက်မပြတ်ဆက်တိုက်အသုံးပြုနေကြရတဲ့အခါ အချိန်ကြာမြင့်လာတာနဲ့အမျှ ဖုန်းရဲ့အဓိကအစိတ်အပိုင်းတစ်ခုဖြစ်တဲ့ ဘက်ထရီဟာလည်း တဖြည်းဖြည်း စွမ်းဆောင်ရည်ကျဆင်းလာတတ်ပါတယ်။ အထူးဖြင့်ဈေးနှုန်းသင့်တင့်တဲ့စမတ်ဖုန်းအများစုမှာ ဘက်ထရီ အတွက်အသုံးပြုထားတဲ့ ထုတ်ကုန်အရည်အသွေးကြောင့်တစ်ခါတစ်ရံသတ်မှတ်ထားတဲ့ အချိန်ကာလ မတိုင်ခင်မှာပဲ ကုန်ဆုံးသွားတာမျိုး၊ အလုပ်မလုပ်တော့တာမျိုး၊ အပူလွန်ကဲကာ လုံးဝသုံးမရတာမျိုး ဖြစ်ဖူးကြပါလိမ့်မယ်။ 

အသုံးပြုသူအများစုဟာ ဒီလိုအနေအထားမျိုးကို ရုတ်တရက်အချိန်တိုအတွင်းကျမှာသာ သိရှိရတဲ့အတွက် ဘက်ထရီသက်တမ်းကို ထိန်းသိမ်းစောင့်ကြည့်ဖို့ သတိထားအသုံးပြုနိုင်ဖို့ မဖြစ်မနေလိုအပ်လာ မှာဖြစ်ပါ တယ်။ ဒါပေမဲ့ တချို့စမတ်ဖုန်းတွေဟာ ဘက်ထရီအသစ်လဲလှယ်ဖို့ဈေးကွက်မှာ အလွယ်တကူဝယ် ယူလို့ ရရှိနိုင်သလို ဈေးနှုန်းဟာလည်း လက်လှမ်းမီတဲ့အနေအထားမျိုးမှာရှိနေတတ်တာကြောင့် လက်ရှိအ သုံးပြုနေတဲ့ ဘက်ထရီအားပမာဏ(ရာခိုင်နှုန်း) ကိုဖော်ပြပေးတဲ့ apps မျိုးကိုသာ ထည့်သွင်းထားလေ့ ရှိပါတယ်။ 

အခုအခါမှာတော့ Battery Life Repair Pro ဆိုတဲ့ ဖုန်းရဲ့ဘက်ထရီသက်တမ်းနဲ့ အလုပ်တဲ့ပုံစံ၊ အမျိုး အစား volrage အားတည်ငြိမ်မှုအပူချိန်ဆန်းစစ်မှုနဲ့ ဘက်ထရီတစ်ခုလုံးရဲ့ စွမ်းဆောင်မှုအခြေအနေ အကုန်လုံးကိုသိရှိအောင်ပြုလုပ်ကာ ပြုပြင်ထိန်းသိမ်းပေးနိုင်ပြီဖြစ်ပါတယ်။Apps ကိုရယူဖို့ အတွက် Playstore မှာ Battery Life Repair (Blackmart Studio) ဆိုပြီး ရှာဖွေနိုင်ပါတယ်။ ရယူပြီးသွားတဲ့အခါ Apps ကိုဖွင့်လိုက်ပါ။ Apps မှာ အဓိက Health, Tools နဲ့ Information ဆိုတဲ့ အဓိက Menu (၃)ခုပါဝင် တာ အရင်ဆုံးတွေ့ရမှာဖြစ်ပါတယ်။

ပထမဆုံး Health ဆိုတဲ့ menu အောက်မှာတွေ့ရမှာကတော့ Cell Map လို့ခေါ်တဲ့ ဖုန်းရဲ့ဘက်ထရီ တစ်ခုလုံးရဲ့ အခြေအနေကိုဖော်ပြစစ်ဆေးဖို့အတွက် ပထမဆုံးအကြိမ်စစ်ဆေးမှုပြုလုပ်ပေးမှာဖြစ်ပါတယ်။ Start ကိုနှိပ်ပါ။ ပြီးရင် ဘက်ထရီမှာရှိနေတဲ့ ပြသသနာတွေကို Cell ကွက်ကလေးတွေအနေနဲ့ ကိုယ်စားပြုဖော်ပြပေးမှာဖြစ်ပါတယ်။ အဲဒီအချိန်မှာ Fix Problem ကိုနှိပ်ပါမယ်။ ဒါဆိုရင် ဘက်ထရီမှာရှိတဲ့ ပြသသနာရှိနေတဲ့ အစိတ်အပိုင်းလေးတွေကိုဖြေရှင်းပေးမှာဖြစ်ပြီးအားလုံးပြီးသွားခဲ့ရင်တော့ ကိုယ့်စမတ်ဖုန်းဘတ်ထရီနဲ့ စွမ်းဆောင်ရည်ဟာ အရင်ကထက် သိသိသာသာကောင်းမွန်လာပြီး ပိုမိုတည်ငြိမ်လာတာကိုတွေ့ရမှာဖြစ်ပါတယ်။

ဒုတိယ menu ဖြစ်တဲ့ tools အောက်မှာတော့ ဒီApps ကိုရေးသားတဲ့ ကုမ္ပဏီဖြစ်တဲ့ Blackmart Studio ကနေနောက်ထပ်ထုတ်လုပ်ထားတဲ့ Apps တွေကိုညွှန်ပြပေးထားတာဖြစ်ပြီး လိုအပ်ရင် install ပြုလုပ် အသုံးပြုနိုင်မှာဖြစ်ပါတယ်။

နောက်ဆုံး menu တစ်ခုဖြစ်တဲ့ information မှာတော့ ဘတ်ထရီရဲ့အသုံးပြုထားတဲ့နည်းပညာ၊ အသုံးပြုနိုင်မှုအခြေအနေ၊ လက်ရှိအသုံးပြုနေတဲ့ Voltage ပမာဏ၊ အပူချိန်နဲ့အခြားအချက်အလက် ကလေးတွေကို တွေ့မြင်နိုင်မှာဖြစ်ပါတယ်။

မင်းသုနောင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment