ဓာတ်ပုံထဲမှာလှချင်ရင်

ဓာတ်ပုံရိုက်ခြင်းဆိုတာ အနုပညာတစ်ခုဖြစ်ပါတယ်။ ယခင်ကတော့ ဓာတ်ပုံရိုက်တယ်ဆိုတာ မိန်း ကလေးတွေအတွက်ပဲပေါ့။ ယောက်ျားလေးတွေအတွက်ကတော့ လိုင်စင်ဓာတ်ပုံလောက်ကိုသာ နည်းနည်း ပါးပါးဖြီးလိမ်းပြင်ဆင်ပြီးရိုက်လိုက်ကြတာပါပဲ။ ဒါပေမဲ့ အခုလို Social Network တွေဖြစ်တဲ့ Facrbook ၊ Twitter ၊ Zorpia တို့ကို အသုံးများလာတဲ့ခေတ်ကြီးထဲမှာတော့ ဓာတ်ပုံရိုက်ခြင်းက ပိုမိုကျယ်ပြန့်လာပါပြီ။ ဓာတ်ပုံဘယ်လိုရိုက်မလဲ၊ လွယ်ပါတယ်။ 

Capture ကို ကလစ်လေးထောက်လိုက်ရုံပဲပေါ့။ မပြီးသေးပါဘူး။ ကိုယ့်ကိုယ်ကိုယ်ပြန်ရိုက်တဲ့ လူတွေအ တွက် ကိုယ့်ရုပ်ကလေးကလည်း ဓာတ်ပုံထဲမှာကြည့်ကောင်းနေမှ ကိုယ်လည်းစိတ်ချမ်းသာတာပေါ့။ အဲဒီလိုစိတ်ချမ်းသာဖို့အတွက် ၃၆၀ Camera တွေသုံးကြ၊ Photowonder လို ဓာတ်ပုံအလှပြင်ဆင်တဲ့ Application တွေသုံးကြပေါ့။ အဲဒီ Application သုံးပြီးရိုက်တာတောင် အပုံ (၅၀-၁၀၀)လောက်ရိုက်၊ ပြီးမှ အလှဆုံးဓာတ်ပုံတစ်ပုံရွေးပြီး Social Website တွေပေါ်တင်နဲ့ အလုပ်တွေကိုတော်တော်များရှာကြပါတယ်။ အဲဒီအတွက် အချိန်ကုန်၊ အလုပ်ရှုပ်၊ မျက်စိနောက်သက်သာစေတဲ့ ဓာတ်ပုံရိုက်နည်းလေးကို တင်ပြပေးလိုက်ပါတယ်။

အချိန်ပေးပါ

အချိန်တိုတိုနဲ့ အလုပ်ပြီးစီးချင်ကြတာ လူတိုင်းရဲ့ဆန္ဒဖြစ်ပါတယ်။ ဒါပေမဲ့ ဓာတ်ပုံရိုက်တဲ့အခါမှာတော့ သေးငယ်လှတဲ့ စက္ကန့်ပိုင်း၊ အချိန်ပိုင်းကလေးက လူတစ်ယောက်ကို လုံးဝပြောင်းလဲသွားပါစေလိမ့်မယ်။ ဆိုလိုချင်တာကတော့ ကင်မရာ သို့မဟုတ် ဖုန်းကင်မရာကို ကိုယ့်မျက်နှာဘက်လှည့်ပြီး ကိုယ်ကြိုက်နှစ်သက်တဲ့ပုံစံကို အရင်ချိန်ညှိပါ။ ကိုယ့်မျက်နှာက ဘယ်လိုနေရင်ပိုလှမလဲဆိုတာ သိလာပါလိမ့်မယ်။

ကိုယ့်စတိုင်နှင့်ကိုယ်

မိန်းကလေးတော်တော်များများရှိကြပါတယ်။ သူငယ်ချင်းတွေက ကင်မရာကိုမျက်နှာအောက်ကနေ ပင့်ရိုက်လို့လှတာ၊ ကင်မရာ ကိုလက်အဖြောင့်တန်းပြီး ကိုယ့် ခေါင်းအကျော်ကနေ မျက်လုံးပြူးပြူး ပုံစံလေးလုပ်တာ၊ နှုတ်ခမ်းလေးစူပြီး ဓာတ်ပုံရိုက်လို့လှတာတွေရှိပါလိမ့်မယ်။ တစ်နည်းပြောရရင် မျက်နှာအနေအထားကိုသိနေပြီးသားလူတွေပေါ့။ ကိုယ်ကရော သူတို့လိုလိုက်ရိုက်မှာလား။ ကိုယ်နဲ့ လိုက်ဖက်တဲ့စတိုင်ကို မှန်ရှေ့မှာ၊ အိမ်မှာရှိနေတဲ့အချိန် လေ့ကျင့်ပါ၊ ရှာဖွေပါ။

အစစ်အမှန်ဖြစ်ပါစေ

ဓာတ်ပုံရိုက်တဲ့အခါ အရေးကြီးဆုံးနောက်တစ်ခုကတော့ စိတ်ခံစားချက်ဖြစ်ပါတယ်။ ဓာတ်ပုံရိုက်တဲ့အခါ ကိုယ်ကပျော်ရွှင်နေရင်ဖြစ်စေ၊ စိတ်ချမ်းသာနေရင်ဖြစ်စေ၊ အဲဒါကို ဓာတ်ပုံထဲမှာဖော်ပြပါ။ ကိုယ့်ကို သူများတွေဘယ်လိုမြင်တယ်ဆိုတဲ့ခံစားချက်ကိုဦးစားပေးပြီး စိတ်ဖိစီးမှုမဖြစ်ပါစေနှင့်။ မှန်ကန်တဲ့စိတ်ခံစား မှုဟာ မျက်လုံးမှာပေါ်လွင်နေပါစေ။ တစ်ချိန်ကျရင် ကိုယ့်အတွက် အမှတ်တရတွေဖြစ်နေစေ မယ့်အရာတွေ မဟုတ်ပါလား။ ခံစားချက်ကိုကျော်လွန်ပြီး ခပ်ကြောင်ကြောင်အပြုံးတွေ၊ ခပ်တုံးတုံးအပြုအမူတွေ မပြုလုပ်မိဖို့လည်း သတိထားပါ။

ကိုယ့်ကိုယ်ကိုယ် ယုံကြည်မှုရှိပါစေ

ကိုယ့်ကိုယ်ကိုယ် ယုံကြည်မှုရှိခြင်းက ပြင်ပမှာဖြစ်စေ၊ ဓာတ်ပုံထဲမှာဖြစ်စေ ဆွဲဆောင်မှုရှိနေစေတဲ့ လက်နက်တစ်မျိုးဖြစ်ပါတယ်။ အဲဒါကြောင့် ဓာတ်ပုံရိုက်တဲ့အခါ လူကြားထဲမှာ တိမ်မြုပ်မနေပါစေနဲ့။ ကိုယ့်ရဲ့သဘာဝအတိုင်း ပျော်ရွှင်နေတဲ့ပုံက ဓာတ်ပုံရိုက်တဲ့အခါမှာမှ ပြင်ဆင်ပြီးပြုံးတဲ့အပြုံး၊ ကိုယ်နေ ဟန်ထားတို့ထက် ပိုပြီးဆွဲဆောင်မှုရှိပါတယ်။ အဲဒါကြောင့် ဓာတ်ပုံရိုက်တဲ့အခါ သဘာဝအတိုင်း ပျော်ရွှင် စွာနေပါ။ သူငယ်ချင်း၊ မိတ်ဆွေတစ်ယောက်ကရိုက်ပေးတဲ့အခါမှာလည်း ကိုယ်ရဲ့ရယ်မောပျော်ရွှင်နေပုံကို အချိန်နဲ့တစ်ပြေးညီ မှတ်တမ်းတင်နိုင်ပါစေ။

အလင်းရောင်

ပုံကောင်းကောင်းတစ်ပုံထွက်ဖို့ ဘယ်လောက်ပဲ Pose ပေးပေး၊ အလင်းရောင်ကလည်း အဓိကကျပါတယ်။ ကိုယ့်ရဲ့ ဦးခေါင်း၊ ဆံသားပေါ်ကို တိုက်ရိုက်ကျပြီး မျက်နှာပြင်ကို မှောင်မည်းစေတဲ့အလင်းရောင်မျိုးရှောင် ပါ။ မျက်နှာပြင်ကို အလင်းရောင်တိုက်ရိုက်ကျခြင်းက အသားအရေကိုလည်း ပိုပြီးပြေပြစ်ညီညာစေပါတယ်။

ကိုယ့်ရဲ့အားနည်းချက်ကို ဖုံးကွယ်ဖို့အတွက်

Cosmetics ပစ္စည်းရွေးချယ်အသုံးပြုတတ်ခြင်းကလည်း အရေးပါပါတယ်။ တကယ်လို့ ခြောက်သွေ့တဲ့ အသားအရေပိုင်ရှင်တွေဆိုရင်တော့ ပါးရိုးနဲ့ နှာတံရိုးတို့မှာ Power Highlighter ထက် Cream Highlighter ကို အသုံးပြုပေးတာ ပိုကောင်းပါတယ်။ တောက်ပတဲ့ Eye Shadow ပဲအသုံးပြုခြင်းထက် Matte Shadow နဲ့ တွဲဖက်အသုံးပြုပေးပါ။ မျက်ဝန်းအလှ အချိုးအကွေ့ကို ပိုပြီးပေါ်လွင်စေပါတယ်။ မျက်နှာပြင်ကိုလည်း Foundation အသုံးမပြုခင် Primer ဦးစွာအသုံးပြုပေးပါ။ အသားအရေကို စိုပြည်တောက်ပပြီး ဓာတ်ပုံထဲမှာ ပိုပေါ်လွင်စေပါတယ်။

ဝဿန်

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus