တာယာအသစ်ကို အမြန်မပျက်စီးအောင် ဘယ်လိုကာကွယ်မလဲ…








တာယာသစ်ဆိုတာ ကိုယ်ရိုသေရင် ရိုသေသလောက် ကိုယ့်ကားမှာကြာရှည်လေးမြင့်စွာနဲ့ ရှိနေတတ် တဲ့ ပစ္စည်းမျိုးဖြစ်ပါတယ်။  ဒီဘက်ခေတ်မှာ ကားတာယာတစ်ခုရဲ့ တန်ဖိုးကလည်းမနည်းမနော ဖြစ်နေတာ ကြောင့် ကားတစ်စီးလုံးစာ တာယာ(၄)ခု လဲပြီးတဲ့အခါ ကိုယ့်ဘက်က ရိုသေရင်ရိုသေသလောက် သူနဲ့ ပတ်သက်တဲ့ ကုန်ကျစရိတ်တွေကို လျှော့ချနိုင်မှာအသေအချာပါ။ ဒါတင်ပဲလားဆိုရင်တော့ မဟုတ်ပါဘူး။ ကိုယ့်ကားတာယာတွေကို စနစ်ကကျနဲ့ ရိုရိုသေသေ အသုံးပြုမယ်ဆိုရင် မောင်းနှင်နေချိန်တွေမှာလည်း ညင် သာညိမ့်ညောင်းမှုအပြည့်နဲ့ ကားအရသာကို အပြည့်အ၀ခံစားနိုင်မှာဖြစ်သလို သွားလိုရာခရီးလမ်းတိုင်းကို လုံခြုံမှုအပြည့်နဲ့ သွားလာနိုင်မှာဖြစ်ပါတယ်။ ဒါကြောင့် ကားတာယာအသစ်တွေလဲလှယ်ပြီးပြီဆိုရင် ဒါတွေကို တာရှည်ခံအောင်အသုံးပြုနိုင်ဖို့ နည်းလမ်းကောင်းတွေ လိုအပ်မှာအသေအချာပါပဲ။ ဒီအထဲက တာယာသစ်တွေ တာရှည်ခံအောင်နဲ့ ကားကိုအပြည့်အ၀ အထောက်အပံ့ပေးနိုင်မယ့် နည်းလမ်းကောင်းလေးတွေနဲ့ မိတ်ဆက် ပေးချင်ပါတယ်။

အရည်အသွေး ဦးစားပေး
ဘယ်ပစ္စည်းအမျိုးအစားကိုမဆို အရည်အသွေးကိုကြည့်ပြီးမှ ၀ယ်သင့်ပါတယ်။ အရည်အသွေးမြင့်တဲ့ ပစ္စည်းတွေဟာ တန်ဖိုးမြင့်မားတာမှန်ပေမယ့် သူတို့ပေးစွမ်းနိုင်တဲ့အရည်အသွေးက သုံးစွဲသူကို ရာနှုန်းပြည့် စိတ်ကျေနပ်မှုပေးစွမ်းနိုင်တာပါတယ်။ ဒါကြောင့် ကားတာယာလဲဖို့ စဉ်းစားနေပြီဆိုရင်လည်း  သုံးစွဲနေချိန်မှာ ကိုယ့်အတွက် စိတ်ချမ်းသာစေမှာဖြစ်သလို ယာဉ်လုံခြုံရေးအတွက်လည်း အာမခံချက်ရှိတဲ့ အရည်အသွေးမြင့်  တာယာမျိုးတွေကို အသုံးပြုသင့်တာပါ။ ဒီနေရာမှာ နာမည်ကြီးအမှတ်တံဆိပ်တိုင်းက အရည်အသွေးအပြည့်မ ရှိတတ်တာကြောင့် အရဲကိုးပြီးမ၀ယ်သင့်တာကို သတိပြုရပါလိမ့်မယ်။ နာမည်ကြီးတာယာ အမှတ်တံဆိပ်တွေ ထဲကမှ အားထားလောက်တဲ့အမျိုးအစားကို သေချာစိစစ်ပြီးမှ ၀ယ်ယူတာအကောင်းဆုံးပါပဲ။ ဒါမှ ကိုယ်ကုန်ကျ ခဲ့ရတဲ့ ပမာဏနဲ့ထပ်တူညီတဲ့ အကျိုးခံစားခွင့်ပြန်ရမှာဖြစ်ပါတယ်။ ပြီးတော့ ကိုယ့်ကား/ ရာသီဥတုစတဲ့ အခြေအနေမျိုးတွေနဲ့ ကိုက်ညီအောင်ရွေးချယ်နိုင်ဖို့ကိုလည်း ဂရုစိုက်ရပါလိမ့်မယ်။ ဘယ်လိုတာယာမျိုးကို ၀ယ်သင့်လဲမသိရင်တော့ ရိုးရိုးသားသားနဲ့ အပွင့်လင်းဆုံးပြောပြနိုင်မယ့် အရောင်းဝန်ထမ်းကို မေးမြန်းကြည့် တာ အကောင်းဆုံးပဲဖြစ်ပါတယ်။

မ၀ယ်ခင် စစ်ဆေးကြည့်ပါ
အမျိုးအစားနဲ့ အမှတ်တံဆိပ် ရွေးချယ်ပြီးပြီဆိုရင်တော့ နောက်ထပ်လုပ်ရမှာတစ်ခုက အဲဒီတာယာမှာ ဘယ်လိုအပြစ်အနာအဆာတွေ ရှိနေလဲဆိုတာကို စစ်ဆေးကြည့်ဖို့လိုအပ်ပါတယ်။ တာယာပေါ်မှာ ခြစ်ရာ ရှရာ တွေရှိနေလား၊  ဒါမှမဟုတ် အပေါက်အပြဲတွေရှိနေလားဆိုတာ သေချာစေ့ငုသင့်တာပါ။ ကိုယ်ဝယ်ယူမယ့် တာယာနဲ့ ပတ်သက်လို့ ရာနှုန်းပြည့်စိတ်မချနိုင်ဘူးဆိုရင် အရောင်းဝန်ထမ်းကို တာယာပေါ်မှာရှိနေတဲ့ပြစ်ချက် နဲ့ ပတ်သက်လို့ မေးမြန်းစုံစမ်းမှုပြုလုပ်ဖို့ နှောင့်နှေးမနေသင့်ပါဘူး။ အသစ်ဆိုတဲ့တာယာတိုင်းက အနာအဆာ မကင်းတတ်တာကြောင့် ကိုယ့်ဘက်ကသေချာစစ်ဆေးနိုင်မှ တော်ကာကျမှာပါ။ ပိုပြီးဂရုစိုက်သင့်တာကတော့ ကိုယ်က စရိတ်ချွေတာချင်တာလို့ ပြန်ပြုပြင်ထားတဲ့ တာယာမျိုးဝယ်တော့မယ်ဆိုရင် စစ်ဆေးမှုကို နှစ်ပြန်/ သုံးပြန်လောက် ပြုလုပ်သင့်တာဖြစ်ပါတယ်။ ၀ယ်ယူတပ်ဆင်ပြီးသွားပြီဆိုရင်လည်း ကိုယ့်ကားတာယာ ဒဏ်ရာရနေပြီလား၊ ပြတ်ရာ/ရှရာ တွေများရှိနေပြီဆိုတာ မမေ့မလျော့ဘဲ စစ်ဆေးနေသင့်တာပါ။ ဒါမှ မလိုအပ်ဘဲဖြစ်လာတတ်တဲ့ အန္တရာယ်တွေကို ကြိုတင်ကာကွယ်ထားနိုင်မှာဖြစ်ပါတယ်။

တစ်ပြိုင်တည်း လဲနိုင်တာ အကောင်းဆုံး
ကားတာယာကို ဘယ်လိုလဲသင့်လဲလို့ အမေးရှိလာခဲ့ရင်တော့  အားလုံးကိုတစ်ပြိုင်တည်းလဲနိုင်တာ အကောင်းဆုံးလို့ပဲ ဖြေရမှာဖြစ်ပါတယ်။ အကုန်အကျပိုများ သွားမှာမှန်ပေမယ့် ကိုယ့်လုံခြုံရေးအတွက် ပိုပြီးစိတ်ချရတာကြောင့်ပါ။ တာယာလေးခုစလုံးကို တစ်ပြိုင်တည်းလဲလိုက်တာကြောင့် မောင်းနှင်တဲ့အခါ တစ်ခုချင်းလဲနေတာထက် ပိုဟန်ချက်ညီသွားမှာဖြစ်ပြီး အားလုံးအသစ်ဖြစ်နေတာကြောင့် ပိုပြီးစိတ်ချလက်ချ မောင်းနှင်နိုင်မှာဖြစ်ပါတယ်။ ဒါပေမယ့် ကိုယ်ကနှစ်ခုလောက်ပဲ လဲချင်တယ်ဆိုရင်လည်း အသစ်ဝယ်ယူမယ့် တာယာနှစ်ခုကို ကားနောက်ဘီးမှာတပ်ဆင်ပါလို့ အကြံပြုချင်ပါတယ်။ ဘာကြောင့်လဲဆိုရင် ကားလက်ကိုင်ဘီး က နောက်ဘီးတွေနဲ့ ချိတ်ဆက်ထားတာဖြစ်လို့ တာယာသစ်နှစ်ခုကို နောက်မှာတပ်လိုက်တာက ကားကိုပိုပြီး ထိန်းချုပ်လို့ကောင်းသွားစေမှာကြောင့်ပါပဲ။

မေ့မနေသင့်တဲ့အရာတွေ
တာယာလဲပြီးတာနဲ့ ဘာမှလုပ်စရာမလိုတော့ဘူးဆိုတဲ့အတွေးနဲ့ သူတို့ကိုပစ်ထားလို့မရပါဘူး။ နောက်ထပ် မဖြစ်မနေလုပ်နေရမယ့်အရာတွေ ရှိနေပါတယ်။ အဲဒါတွေကတော့ ခရီးရှည်မောင်းနှင်ပြီး ဘယ်လောက်အကြာမှာ တာယာအပူချိန်လျော့သွားလဲဆိုတာကအစ လေပေါင်ချိန်ကို အနည်းဆုံးတစ် ပတ်တစ်ခါလောက်အထိ စစ်ဆေးနေသင့်တယ်ဆိုတဲ့အချက်တွေပါ။ ကားတာယာတွေမှာ လေပေါင်ချိန် များနေတာပဲဖြစ်ဖြစ်၊ နည်းနေတာပဲဖြစ်ဖြစ် ကားရဲ့စွမ်းဆောင်ရည်ကို ကျဆင်းစေပြီး တာယာတွေကိုလည်း အလွယ်တကူ ပျက်ဆီးသွားစေတာကြောင့် လေပေါင်ချိန်ဖို့ကလည်း အရေးကြီးတဲ့အခန်းကဏ္ဍက ပါဝင်နေပါ တယ်။ ကားဝပ်ရှော့တွေကို မကြာခဏမသွားချင်တဲ့သူဆိုရင်တော့ လေပေါင်ချိန်တိုင်းတဲ့ ကိရိယာဝယ်ထားပြီး စစ်ဆေးနေသင့်တာပါ။

အာကာထက်ဝေ

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment