အေးချမ်းမိုး နဲ့တွေ့ဆုံခြင်း









ပညာရေးဘက်မှာအားသာချက်ရှိတဲ့သူတိုင်း အနုပညာမှာအထောက်အကူပြုတာ ခံစားမိမယ်ထင်ပါ တယ်…
အေးချမ်းမိုး

လက်ရှိမှာကတော့ ပုံမှန်လုပ်နေကျအတိုင်း MC ပွဲတွေ၊ Presenter ပွဲတွေလုပ်ဖြစ်တယ်။ Maganzine, Journal တွေရိုက်ဖြစ်တယ်။ မြန်မာဝတ်စုံတွေနဲ့ ဓာတ်ပုံရိုက်ဖြစ်ပါတယ်။ New Year ညဆို လမ်းမကြီးမှာ အိုးကြီးတွေနဲ့ ဟင်းတွေချက်စားကြတယ်။ ကလေးတွေကစားကြတယ်…
ငယ်ငယ်တုန်းက ရပ်ကွက်နဲ့နေတာဆိုတော့ မိသားစုတွေလို ဆွေမျိုးတွေလို စည်းစည်းလုံးလုံး ရှိကြတယ်။ New Year ညဆို လမ်းမကြီးမှာအိုးကြီးတွေနဲ့ ဟင်းတွေချက်စားကြတယ်။ ကလေးတွေ ကစား ကြတယ်။ လူကြီးတွေက စကားတွေပြောကြတယ်။ ပြီးရင် New Year ဆိုပြီး အော်ခဲ့ကြတယ်။ အဲဒါက ငယ်ငယ် တုန်းကပျော်ခဲ့တာပေါ့။
ညီမဆေးကျောင်းသူဘ၀မှာ ထွေထွေထူးထူးကြီးတော့ New Year ဖြတ်သန်းခဲ့တာမျိုးမရှိခဲ့ဘူး။ အဲဒီ New Year ညမှာစာမေးပွဲနဲ့ တိုက်နေတာတွေလည်းရှိခဲ့တော့ စာတွေပဲလုပ်နေရတာမျိုးတွေလည်း ရှိခဲ့တယ်။ ကျောင်းတက်ရင်း အနုပညာအလုပ်လည်းလုပ်တယ်။ ဆေးကျောင်းလည်းတက်နေတယ်ဆိုတော့ နှစ်သစ်ကူး ညတွေမှာအလုပ်နဲ့လည်း ဖြတ်သန်းခဲ့ရတယ်။ မနှစ်တုန်းကဆိုလည်း Chatrium မှာ New Year ပွဲလုပ်တယ်။

မြန်မာသင်္ကြန်မှာတော့ Happy New Year ဆိုပြီးအော်တာမျိုးတော့မရှိဘူး…
မြန်မာနှစ်သစ်ကူးကတော့ မြန်မာ့ရိုးရာသင်္ကြန်အခါသမယပေါ့။ နှစ်ဟောင်းကနေ နှစ်သစ်ကိုအညစ် အကြေးတွေပါမသွားအောင် ရေသဘင်ပွဲတွေဆင်နွဲကြတယ်။ နှစ်ဆန်းတစ်ရက်နေ့မှာ နှစ်သစ်ကူးသွားတယ် ပေါ့။ မြန်မာသင်္ကြန်မှာတော့ Happy New Year ဆိုပြီးအော်တာမျိုးတော့မရှိဘူး။ ဒါပေမဲ့ ကိုယ့်ဘာသာကုသိုလ် ကောင်းမှုလေးတွေလုပ်ပြီး ဖြတ်သန်းကြတာများတယ်။ မြန်မာနှစ်သစ်ကူးကတော့ မြန်မာလူမျိုး အများဆုံးပါဝင် ကြတယ်။ အင်္ဂလိပ်နှစ်ကူးကတော့ တစ်ကမ္ဘာလုံးအတိုင်းအတာနဲ့ပါဝင်ကြတယ်။
ဆေးကျောင်းကတစ်ဖက် အနုပညာလုပ်နေရတာအချိန်တွေ တော်တော် Manage လုပ်ခဲ့ရပါတယ်။ ဒီအနုပညာအလုပ်က အချိန်သတ်မှတ်ထားတာမျိုးမရှိဘူး။ အလုပ်ပေါ်လာရင်ပေါ်လာသလိုပေါ့။ ဆေးကျောင်း တတ်နေတုန်းကတော့  ကျောင်းအားရင်အားသလို ကားလေးတွေလက်ခံတယ်။ ကျောင်းက အရေးကြီးတဲ့ကိစ္စ လေးတွေရှိတော့ ငြင်းခဲ့ရတဲ့ပွဲမျိုးလေးတွေလည်းရှိခဲ့ပါတယ်။ အခု ဟောက်ဆာဂျင်ဆင်းနေတယ်ဆိုတော့ ညီမ အစတုန်းက ဟောင်ဆာဂျင်ဆင်းနေတယ်ဆိုရင် အဆင်ပြေသွာ မယ်ထင်ခဲ့တာ တကယ်တော့ပိုဆိုးပါတယ်။ တစ်ခါတလေ ၂၄နာရီ အပြည့်ဆင်းရတာမျိုးတွေရှိတော့ ပိုပြီးပင်ပန်းခက်ခဲတယ်။ အဲဒီကြားထဲက ဒီအနုပညာ အလုပ်ကို လုပ်ချင်လို့အချိန်ရအောင်ဖဲ့ယူပါတယ်။

ပညာရေးဘက်မှာ အားသာချက်ရှိတဲ့သူတိုင်း အနုပညာမှာအထောက်အကူပြုတာ ခံစားမိမယ်ထင်ပါတယ်…
ပညာရေးဘက်မှာ အားသာချက်ရှိတဲ့သူတိုင်း အနုပညာမှာအထောက်အကူပြုတာခံစားမိမယ် ထင်ပါတယ်။ ဆေးကျောင်းတတ်နေရင်လည်း ဆေးကျောင်းသူလေးဆိုပြီး ပိုသတိထားမိကြတယ်။ ညီမတို့ ဒီအနုပညာလောကမှာလည်း ဆေးကျောင်းကထွက်တဲ့ အစ်ကို အစ်မတွေအများကြီးရှိခဲ့တယ်ဆိုတော့ ပညာရေးပိုင်းမှာထူးချွန်တဲ့လူတွေက အနုပညာဘက်မှာလည်း ပိုပြီးနေရာပေးခံရတယ်။ ပညာတတ် တစ်ယောက်ဖြစ်တဲ့အတွက်ကြောင့် မျက်နှာဗန်းလည်းလှတယ်။ အခုခေတ်မှာဆိုလည်း တချို့တွေက အနုပညာအရမ်းလုပ်ချင်ကြတယ်။ ဒါပေမဲ့ ပညာရေးပိုင်းမှာအားနည်းချက်တွေကို တွေ့ရတယ်။ အမှန်တကယ်သာ ကိုယ့်ဘက်ကပညာရေး အခိုင်အမာရှိနေခဲ့မယ်ဆိုရင် အနုပညာလောကထဲဝင်ရတာ တစိတ်တပိုင်းလွယ်ကူတယ်။ ပညာတတ်တစ်ယောက်ဖြစ်တဲ့အတွက် နေရာလည်းပေးတယ်။ ကိုယ့်ဆုံး ဖြတ်ချက်တွေကိုလည်း လေးလေးစားစားရှိကြတယ်။

ညီမက အနုပညာနဲ့ပတ်သက်ရင် အရင်ကတည်းက ဘာဖြစ်ရမယ်၊ ညာဖြစ်ရမယ်ဆိုပြီး စဉ်းစားထားတာမရှိဘူး…
ညီမက အနုပညာနဲ့ပတ်သက်ရင် အရင်ကတည်းက ဘာဖြစ်ရမယ်၊ ညာဖြစ်ရမယ်ဆိုပြီးစဉ်းစားထား တာမရှိဘူး။ ဒါပေမဲ့ ကိုယ်လုပ်သွားတဲ့လမ်းကြောင်းတစ်ခုမှာ အကောင်းဆုံးလုပ်သွားမယ်ဆိုတဲ့ စိတ်ကူးရှိတယ်။ ငယ်ငယ်တုန်းကတော့ ရုပ်ရှင်မင်းသမီးဖြစ်ချင်တယ်။ ငယ်ငယ်က ကလေး Show လေးတွေလျှောက်လိုက်သေး တယ်။ ကြားထဲမှာနားလိုက်ပြီး ၁၀တန်းပြီးမှ အနုပညာအလုပ်တွေလုပ်ဖြစ်တာပေါ့။ ဒီအနုပညာလောကထဲ ၀င်ရင် Mr.နဲ့ Ms ပြိုင်ပွဲတွေက ပိုအဆင်ပြေတယ်ဆိုပြီး တီချယ်မိုးဆီမှာမော်ဒယ်သင်တန်း စတက်ခဲ့တယ်။ Miss ပြိုင်ပွဲတွေကလည်း တော်တော်ပြိုင်ခဲ့တယ်။ နောက်ဆုံးပြိုင်ခဲ့တာကတော့ Miss Universe Myanmar 2013 ပေါ့။ ပြိုင်ရင်း ပရိသတ်တွေကလည်း လက်ခံလာတယ်။ ကြိုးစားခဲ့ရတဲ့အပိုင်းတွေက အများကြီးပါပဲ။ 


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment