ကား အဲကွန်း










ပူပြင်းတဲ့ရာသီဥတု အခြေအနေတစ်ခုအောက်မှာ အဲကွန်းပျက်နေတဲ့ကားနဲ့ ခရီးသွားရတာဟာ အမှန် တကယ် ခါးသီးတဲ့အတွေ့အကြုံတစ်ခုဖြစ်မှာပါ။ တစ်ခါတစ်ရံ အခန့်မသင့်လို့ အပူလွန်ကဲသွားတဲ့အခါ အန္တရာယ်ရှိတဲ့အခြေအနေမျိုးတောင် ဖြစ်သွားနိုင်ပါတယ်။ ဒါကြောင့် မြန်မာနိုင်ငံလို အပူဒဏ်ခံစားရတဲ့နေရာ မျိုးမှာနေထိုင်သူတွေအနေနဲ့ ကိုယ့်ကားအဲကွန်းကအမှန်တကယ်အလုပ် လုပ်/မလုပ်ကို ခြေရာခံနိုင်စွမ်းရှိဖို့ လိုအပ်ပါလိမ့်မယ်၊ ကားအဲကွန်းမှာဘယ်နေရာက ပြဿနာရှိနေလဲ၊ ဘယ်နေရာက ပြင်ဆင်ဖို့လိုအပ်သလဲ ဆိုတာလောက်တော့ သိထားရမှာဖြစ်ပါတယ်။ ဒါ ဆိုးဆိုးရွားရွားပျက်စီးမသွားခင် ပြင်ဆင်မှုပြုလုပ်နိုင်မှာပါ။ ကိုယ့်ကား အဲကွန်းအလုပ် လုပ်/မလုပ် ဘယ်လိုခြေရာခံရမလဲဆိုတာ အကြံပြုပါရစေ…။

စက်နှိုးထားချိန်မှာ အဲကွန်းဖွင့်ပါ
ဒီလိုပြောရတာကတော့ ကားအဲကွန်းအတော်များများဟာ စက်ရပ်ထားချိန်မှာကောင်းကောင်း အလုပ် မလုပ်တတ်တာကြောင့် ဖြစ်ပါတယ်။ ဒါကြောင့် ကိုယ့်ကားထဲ မှာရှိတဲ့ အဲကွန်းကို ကောင်း/ မကောင်းခြေရာခံဖို့ ပထမဆုံး အဆင့်အနေနဲ့ အဲကွန်းဖွင့်ပြီး စစ်ဆေးကြည့်ဖို့လိုအပ်ပါတယ်။ အဲကွန်းကိုဖွင့်ပြီး သန့်ရှင်းလတ်ဆတ် တဲ့လေ ထုတ်လွှတ်ပေးနိုင်စွမ်း ရှိ/မရှိ စစ်ဆေးကြည့်ရမှာပါ။ တကယ်လို့ ကိုယ့်ကားအဲကွန်းက လေထုတ် ရုံလောက်သာလည်ပတ်နိုင်တော့တာ ဒါမှမဟုတ် လေစစ်ဆန်ခါတစ်ခုလုံးအပြည့်လေထုတ်မပေးနိုင်တော့တာ တွေဖြစ်နေပြီဆိုရင်တော့ ပျက်ဖို့ရောဂါလက္ခဏာစနေပြီလို့ ဆိုနိုင်ပါတယ်။

ပုံမှန်မဟုတ်တဲ့အသံတွေ ထွက်နေပြီလား
နောက်ထပ်စစ်ဆေးကြည့်သင့်တဲ့ အချက်တစ်ခုကတော့ ကိုယ့်ကားအဲကွန်းထဲက ပုံမှန်မဟုတ်တဲ့ ဆူညံသံတွေထွက်နေပြီလားဆိုတာ စစ်ဆေးဖို့ပဲဖြစ်ပါတယ်။ သာမန်အချိန်မှာ ကောင်းကောင်းမွန်မွန် အလုပ်လုပ်နေတဲ့ အဲကွန်းတစ်လုံးဟာ ဘာအသံမှမထွက်တတ်ပါဘူး။ ဒါ့ကြောင့် ကိုယ့်ကားအဲကွန်း မှာသာမန်မဟုတ်တဲ့ အသံမျိုးတွေထွက်နေပြီဆိုရင်တော့ ကွန်ပရက်ဆာထဲမှာ ပြဿနာတစ်ခုမဟုတ်တစ်ခု ရှိနေပြီဆိုတာ ညွှန်ပြနေတာပါ။ ကားအဲကွန်းထဲက အသံထွက်နေပြီဆိုရင်တော့ မကြာခင်ပြန်လည်ပြုပြင်မှုတွေ ပြုလုပ်ရတော့မယ်ဆိုတာ သိထားရပါလိမ့်မယ်။

လေအခြေအနေကိုကြည့်ပါ
ကားအဲကွန်းက ဖြတ်ထွက်လာတဲ့လေအခြေအနေက ဘယ်လိုရှိနေလဲဆိုတာကိုလည်း စောင့်ကြည့် သင့်တာပါ။ ဒီနေရာမှာ သတိပြုရမှာတစ်ခုကတော့ အဲယားကွန်းကထွက်လာတဲ့လေက အေးနေလား၊ ပူနေလား ဒါမှမဟုတ် အခန်းအတွင်းမှာရှိနေတဲ့လေထက် အပူချိန်ပိုမြင့်နေသလားဆိုတာလောက်ကို ခွဲခြားသိနိုင်လောက် အောင်တော့ ဗဟုသုတရှိနေရမှာဖြစ်ပါတယ်။ နောက်တစ်ချက်သတိပြုရမှာကတေ့ အချို့အဲကွန်းတွေက စဖွင့်ချိန်မှာ အေးတတ်ပေမယ့် အချိန်ကြာလာတာနဲ့အမျှ အပူချိန်မြင့်တက်လာတတ်ကြတာပါ။ မူလက လေအေးပေမယ့် ဒီလိုအဲကွန်းတွေဟာ အချိန်ကြာလာတာနဲ့အမျှ လေပူတွေမှုတ်ထုတ်တတ်တာကိုလည်း သတိပြုရမှာ ဖြစ်ပါတယ်။

လေဖိအားကိုစစ်ဆေး
အဲကွန်းကထွက်လာတဲ့ လေဖိအားပြောင်းအလဲကိုလည်း စစ်ဆေးရမှာပါ။ ကောင်းကောင်းအလုပ် လုပ်တဲ့အဲယားကွန်းဟာ အချိန်ဘယ်လောက်ကြာလာပါစေ လေထွက်နှုန်းပြောင်းလဲမှာမဟုတ်ပေမယ့် အပြစ်အနာအဆာတစ်ခုရှိနေရင်တော့ လေဖိအားကအမျိုးမျိုး ပြောင်းလဲမှာဖြစ်ပါတယ်။ ပြီးတော့ သာမန် အခြေနေမျိုးမှာ ရနေကျ ရနံ့မျိုးမဟုတ်ဘဲ အနံ့အသက်ပြောင်းနေပြီဆိုရင်လည်း အဲကွန်းမှာဒဏ်ရာဒဏ်ချက် ရှိနေပြီဆိုတာ သိနိုင်မှာအသေအချာပါပဲ။

Blower တွေကို မေ့မထားပါနဲ့
အဲကွန်းအတွင်းမှာ တပ်ဆင်ထားတဲ့ filter တွေ၊ blower တွေမကောင်းရင်လည်း စွမ်းဆောင် ရည်ကျဆင်းတတ်ပါတယ်။ လေစစ်ဆန်ခါတွေမှာ ချေးတွေပိတ်နေတာ၊ blower တွေအသံဆူညံပြီး ကောင်း ကောင်းမလည်ပတ်နိုင်တော့တာတွေကလည်း အဲကွန်းစွမ်းဆောင်ရည်လျော့ကျပြီး အပူချိန်တက်လာစေမယ့် အကြောင်းရင်းတွေပါ။ ပြီးတော့ ကွန်ပရက်ဆာကြိုးတွေလျော့နေတာ၊ ဆွေးပြီးအလုပ် ကောင်းကောင်း မလုပ်နိုင်တော့တာတွေကိုလည်း သတိပြုရမှာဖြစ်ပါတယ်။ ဒီ Error တွေက ကိုယ်တိုင်ပြင်ဆင်လို့ရပြီး ဒီလောက်အထိသိထားရင်တောင် အဲကွန်းမကောင်းတဲ့ဒဏ်က အတိုင်းအတာတစ်ခုအထိ လွတ်နိုင်မှာ အသေ အချာပါပဲ။
ကိုသက်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape


Share on Google Plus

0 comments:

Post a Comment