ချောကလျာ.............. Miss Heritage









ချောဘယ်သူနဲ့မှလည်း စာချုပ်မချုပ်ထားဘူး။ စာချုပ်ချုပ်ပြီးလုပ်ရတဲ့ အလုပ်တွေကို ချောက သိပ်မကြိုက်ဘူး။ ဘာဖြစ်လို့လည်းဆိုတော့ ချောမှာ ကိုယ်ပိုင်လွတ်လပ်ခွင့်လိုချင်တယ်။ စာချုပ်တွေကြောင့် စိတ်ကျဉ်းကြပ်ပြီး မလုပ်ချင်လည်း လုပ်နေရတာမျိုးလည်း ချောမဖြစ်ချင်ဘူး…
ချောကလျာ

Don’t to That ဆိုတဲ့ ဇာတ်လမ်းတိုလေးပေါ့နော်။ အဲဒါလေး ရိုက်နေပါတယ်…
လက်ရှိအနုပညာလှုပ်ရှားမှုက လောလောဆယ်မှာ Don’s to That ဆိုတဲ့ဇာတ်လမ်း တိုလေးပေါ့နော်။ အဲဒါလေးကိုရိုက်နေပါတယ်။ ပြီးတော့ သီချင်းပေါ့။ အတွဲခွေတွေ မှာ သီချင်း ၂ပုဒ်ပါဝင် သီဆိုဖို့အတွက် လုပ်နေပါတယ်။ ပြီးတော့ အခုလက်ရှိမှာ MTV လေးတွေ လည်းရိုက်ဖို့ လက်ခံထားတာ ရှိတယ်။ ဇာတ်လမ်းတို လေးတွေလည်းရှိပါတယ်ရှင့်။
အနုပညာလောကထဲကိုဝင်လာတာကတော့ အသက် ၁၇ နှစ် ကျော် ၁၈နှစ်လောက်ပေါ့။ အဲဒီ လောက်က၀င်လာတာပါ။ ဒီ Photo Model ပုံစံ ဓာတ်ပုံလေးတွေရိုက်တယ်။ Product Show လေးတွေ လျှောက်ရင်း လျှောက်ရင်းကနေ အဲဒီကနေစပြီးတော့ ဒီလောကထဲကိုရောက်လာတာပါရှင့်။

ငယ်ငယ်က ဆယ်တန်းအထိကို လုံးဝယောက်ကျားလျာတစ်ယောက်လို နေခဲ့တာပေါ့နော်…
ငယ်ဘ၀ကတော့ရိုးရိုးသာမန် လူတစ်ယောက်ပါပဲ။ ဘယ်လို ပြောမလဲ… ငယ်ငယ်က ဆယ်တန်း အထိကို လုံးဝယောက်ကျားလျာတစ်ယောက်လို နေခဲ့တာပေါ့နော်။ ဆယ်တန်းပြီးတော့မှ First Year ကလောက်ကစပြီး ဒီလိုမိန်းကလေးပုံစံပြင်လာတာပါရှင့်။ အဲဒါလေးပါပဲ အရမ်းကြီးထူးထူးခြားခြားမျိုးတော့ မရှိပါဘူး။

အပျော်သဘောနဲ့ ၀င်ရောက်ယှဉ်ပြိုင်ရင်းနဲ့ပဲ ကိုယ့်ကိုရွေးချယ်ခဲ့တဲ့ တီချယ်လှနုကိုလည်း အရမ်းပဲ ကျေးဇူးတင်ပါတယ်ရှင့်…
ဒီ Miss Heritage ကတော့ သူငယ်ချင်းတစ်ယောက်က အွန်လိုင်းကနေဆက်သွယ်လာတယ်။ ပြိုင် ကြည့်ပါလားပေါ့နော်။ အဲဒါနဲ့ ချောကလည်းစိတ်ဝင်စားတာနဲ့ပဲ ပြိုင်ဖြစ်သွားတယ်။ အမှန်တကယ်တော့ ကိုယ့်ကိုယ်ကိုယ်ဆုရမယ်လို့လည်း မထင်ထားဘူးပေါ့နော်။  ဒီအတိုင်းပဲ အပျော်သဘောနဲ့ ၀င်ရောက် ယှဉ်ပြိုင် ရင်းနဲ့ပဲ ကိုယ့်ကို ရွေးချယ်ခဲ့တဲ့ တီချယ်လှနုကိုလည်း အရမ်းပဲကျေးဇူးတင်ပါတယ်ရှင့်။ အဲလိုမျိုးပေါ့နော်။ သူဒီလိုမျိုးကိုယ့်ကိုရွေးချယ်ပေးခဲ့လို့သာ Miss တစ်ယောက်အနေနဲ့ လျှောက်လှမ်းနိုင် တာပေါ့နော်။ အဲဒီအတွက်လည်း တီချယ်လှနုကိုကျေးဇူးတင်ပါတယ်လို့။ 

နိုင်ငံတစ်နိုင်ငံရဲ့ သမိုင်းဝင်တွေကို ဘယ်လိုခေါ်မလဲ တစ်ယောက်နဲ့တစ်ယောက် မိတ်ဆက်ရတယ်။ ပြီးတော့ ကိုယ့်နိုင်ငံမှာ ဘယ်လိုဆိုတာလေးတွေ သူတို့ကိုပြောပြရတယ်ပေါ့နော်…
Miss Heritage က ဆိုတာကတော့ သမိုင်းဝင်အမွေအနှစ်ဆိုင်ရာ ပုံစံမျိုးတွေပေါ့နော်။ အဲဒါတွေ ပြီးတော့ညီမတို့ပြင်ရတာကျတော့ နိုင်ငံတစ်နိုင်ငံရဲ့သမိုင်းဝင်တွေကို ဘယ်လိုခေါ်မလဲ တစ်ယောက်နဲ့ တစ်ယောက်မိတ်ဆက်ရတယ်။ ပြီးတော့ ကိုယ့်နိုင်ငံမှာဘယ်လိုဆိုတာလေးတွေ သူတို့ကိုပြောပြရတယ် ပေါ့နော်။ ပြီးတော့ သူတို့ယဉ်ကျေးမှုပုံစံလေးတွေကိုလည်း ပြောပြတယ်။ တစ်ဦးနဲ့တစ်ဦးသိရတယ်။ ပြီးတော့နိုင်ငံပေါင်းစုံရဲ့ ယဉ်ကျေးမှုကဘာလဲ ဒီယဉ်ကျေးမှုတွေကို ဘယ်လိုထွန်းကားအောင်လုပ်ရမယ်။ ကိုယ်က ဒီယဉ်ကျေးမှုတွေကို တစ်ဖက်တစ်လှမ်းကနေ ဘယ်လိုလုပ်ပေးနိုင်မယ် ဆိုတာလေးတွေကိုပြော ပြရတာပေါ့နော်။ အဲလိုပုံစံမျိုးလေးပါ။
ပါဝင်ဖူးတဲ့ တခြားပြိုင်ပွဲဆိုရင်  အမှန်တကယ်တော့မရှိဘူးရှင့်။ Miss Heritage လေးကတော့ ပထမ ဆုံးပြိုင်ပွဲလေးပေါ့နော်။ ချောအတွက်ကတော့ ပထမဦးဆုံးပြိုင်ပွဲလေးပါရှင့်။

သူများတွေထားတဲ့ ဟိုတယ်အကောင်းတွေ ဘာတွေအဲလိုမျိုးမဟုတ်ဘူး။ သူက ဒီခေါင်းစဉ်နဲ့အညီကို တကယ့်ကျေးရွာတွေမှာ ထားပေးတယ်…
ဒီ  Heritage ပွဲနဲ့ပတ်သက်ပြီးတော့ အမှတ်တရတွေကတော့အများကြီးပါပဲ။ သူက Heritage ဆိုတဲ့ ခေါင်းစဉ်နဲ့ လုံးဝကိုအညီ အစားအသောက် အနေအထိုင် အကုန်လုံးကိုသင်ပေးရတယ်။ အစားအသောက်ဆို လည်း တကယ့်ကိုရိုးရာ အစားအသောက်တွေ အဲဒါမျိုးတွေလည်းကျွေးတယ်။ နေတာက ဟိုတယ်မှာ ထားတယ်ဆိုပေမယ့် နေတာက လုံးဝကိုကျေးလက်သဘာဝပုံစံမျိုးတွေ အဲလိုမျိုးတွေထားပြီး အဲဒါတွေက အမှတ်တရပဲ တကယ်ကိုဘာနဲ့မှလဲလို့မရဘူး။ သူများတွေထားတဲ့ ဟိုတယ်အကောင်းတွေ ဘာတွေ အဲလိုမျိုး   မဟုတ်ဘူး။ သူက ဒီခေါင်းစဉ်နဲ့အညီကို တကယ့်ကျေးရွာတွေမှာထားပေးတယ်။ ကျွန်းဆွယ်လေးမှာ ကမ်းခြေနဲ့ လုံးဝကိုနီးစပ်တယ်။ အဲမှာထားပေးတယ်။ ပြီးတော့ သူတို့က ဒီ Heritage ကိုဘယ်လိုသတ်မှတ်လဲပေါ့။ ဒီလိုကျေးရွာက ဟာတွေကိုကြိုက်လားပေါ့။ ဒီလိုကျေးရွာမှာနေရတာကြိုက်လား။ ဒီဟာနဲ့ပတ်သက်ပြီးတော့ အစားအသောက်တွေကိုကြိုက်လား။ ခဏ ခဏမေးတယ်။

Miss တစ်ယောက်ကကျတော့ အနေအထိုင်ပေါ့နော်။ အနေအထိုင်အပြောအဆို ပြီးတော့ နိုင်ငံတကာနဲ့ယှဉ်ပြိုင် ရတဲ့ဟာမျိုးပေါ့။ အဲဒီအတွေ့အကြုံတွေက ဒီ Model တစ်ယောက်အတွေ့အကြုံနဲ့မတူဘူးရှင့်…
Miss နဲ့ Model ကွဲပြားပုံကတော့ ကွဲပြားပါတယ်။ Miss တစ်ယောက်ကကျတော့ အနေအထိုင်ပေါ့နော်။ အနေအထိုင်အပြောအဆို ပြီးတော့ နိုင်ငံတကာနဲ့ ယှဉ်ပြိုင်ရတဲ့ဟာမျိုးပေါ့။ အဲဒီအတွေ့အကြုံတွေက ဒီ Model  တစ်ယောက်အတွေ့အကြုံနဲ့မတူဘူးရှင့်။ Model ကျတော့ Catwalk ပိုင်းလျှောက်မယ်။ ဒီလို Show ပွဲတွေ လျှောက်တယ်။ အဲလိုပုံစံမျိုးလောက်ပဲပေါ့နော်။ Miss ကျတော့ နိုင်ငံတကာပွဲတွေမှာလျှောက်ရမယ် ပြိုင်ရမယ်။ အဲဒီအတွေ့အကြုံတွေတော့ ငွေနဲ့လည်းလဲဝယ်လို့ရတဲ့ အတွေ့အကြုံမျိုးမဟုတ်ဘူးပေါ့။  ချောက ဘာဖြစ်ချင် တာလဲဆိုတော့ ဘယ်ကဘယ်နေရာမှာပဲဖြစ်ဖြစ် အကောင်းဆုံးကြိုးစားပြီးတော့နေတယ်။ ဘာဖြစ်ချင်တယ် ဆိုတာမျိုးလည်း ချောမှာမရှိပါဘူး။

ချော တကယ်ဖြစ်ချင်တာက သရုပ်ဆောင်ပါ။ သရုပ်ဆောင်တစ်ဦး အရမ်းဖြစ်ချင်ပါတယ်…
အနုပညာနဲ့ပတ်သက်တဲ့ရည်မှန်းချက်တော့ ချောတကယ်ဖြစ်ချင်တာက သရုပ်ဆောင်ပါ။ သရုပ် ဆောင်တစ်ဦး အရမ်းဖြစ်ချင်ပါတယ်။ ငယ်ငယ်လေးကတည်းကလည်း အရူးအမူးဖြစ်ခဲ့တယ်ပေါ့။ အခုလက် ရှိမှာချော အဲဒီဘက်ကိုလည်း လျှောက်လမ်းနေပါတယ်။ ချောလိုချင်တဲ့ နေရာလေးတစ်ခုကို တစ်ချိန်ချိန်မှာ ရအောင်တော့ ချော ကြ်ိုးစားသွားမှာပါ။

ချောမှာကြိုးစားအားထုတ်မှုတွေ အများကြီးလိုအပ်သေးတယ်။ ထပ်ကြိုးစားဖို့လည်း လိုအပ်ချက်တွေ ရှိသေးတယ်…
ချော ပြောခဲ့သလိုပဲပေါ့နော်။ လက်ရှိရောက်နေတဲ့ အနေအထားကို ချောကျေနပ်လားဆိုတော့ ချော မကျေနပ်သေးပါဘူး။ ချောကြိုးစားရမယ်။ ချောလိုချင်တဲ့ နေရာလေးတစ်ခုမရသေးဘူးပေါ့နော်။ အဲဒီအတွက် ချောမှာကြိုးစားအားထုတ်မှုတွေ အများကြီးလိုအပ်သေးတယ်။ ထပ်ကြိုးစားဖို့လည်း လိုအပ်ချက်တွေ ရှိသေးတယ်ဆိုတာ ချောကိုယ်ချောသိပါတယ်။ အဲဒီအတွက်လည်း ချောကြိုးစားပြီးတော့ ပြင်ဆင်နေပါ တယ်ရှင့်။
Miss တစ်ယောက်က ပရဟိတကတော့လုပ်ရမှာပါ။ ဒါပေမဲ့ ချောက ဒီလိုပရဟိတအဖွဲ့တွေနဲ့ ချိတ်ဆက်ပြီးမလုပ်တာက ချောမှာ ချောအားရင် တတ်နိုင်သလောက် အစဉ်မပြတ်လှူတယ်။ ဒါချော တတ်နိုင်တဲ့ငွေကြေးပမာဏပေါ့နော်။ အဲဒီလိုလှူတာပဲရှိတယ်။ အသင်းအဖွဲ့ကြီးနဲ့လှူတာမျိုးက ချောမလုပ် နိုင်သေးတာ။

သရုပ်ဆောင်ဘက်ကို ညီမသွားတာပဲထားဦး။ ညီမအခုလက်ရှိက သရုပ်ဆောင်ဘက်ကိုသွားတဲ့အခါ သူတို့က ဒီ Miss တစ်ယောက်ဆိုရင် အများကြီးအလေးပေးမှုတွေရှိတယ်…
အများကြီးအကျိုးပြုတယ်ရှင့်။ Miss တစ်ယောက်က ဒီလိုသွားတယ်ပေါ့နော်။ သရုပ်ဆောင်ဘက်ကို ညီမသွားတာပဲထားဦး။ ညီမအခုလက်ရှိက သရုပ်ဆောင်ဘက်ကိုသွားတဲ့အခါ သူတို့က ဒီ Miss တစ်ယောက် ဆိုရင် အများကြီးအလေးပေးမှုတွေရှိတယ်။ ဘာလို့လည်းဆိုတော့ ညီမတို့ဒီ Miss တွေဆိုတာက နိုင်ငံတကာ မှာ ယှဉ်ပြိုင်ခဲ့တယ်။ အဲဒီအတွေ့အကြုံရှိခဲ့တဲ့အခါမှာ တစ်ယောက်နဲ့တစ်ယောက် ပြောဆိုရတဲ့အခါမှာလည်း လူမှုရေးပေါ့နော်။ လူမှုရေးပြောတဲ့အခါမှာ အများကြီးကွာခြားမှုရှိတယ်။ အဲဒါကိုလည်း ကိုယ်တွေကို တလေး တစားဆက်ဆံပေးတဲ့အတွက်လည်း အများကြီးကွာခြားပါတယ်။

ချောဆိုရင် ဘားတွေကလပ်တွေကို ချောမသွားတတ်ဘူး။ ပြီးတော့ Miss တစ်ယောက်အနေနဲ့ သွားဖို့လည်း မသင့်တော်ဘူးလို့ ချောထင်တယ်…
Miss တစ်ယောက်ဖြစ်တဲ့အတွက် အနုပညာနဲ့ပတ်သက်ပြီးတော့ အရမ်းအခက်အခဲတော့မရှိပါဘူး။ ချောကိုလည်း အလေးပေးလည်းလုပ်ရတယ်။ လူငယ်သဘာဝနဲ့ ပတ်သက်ပြီးတော့ဆိုရင်တော့ ချောမှာ ကန့်သတ်ချက်တွေအများကြီးပဲ။ ချောဆိုရင်ဘားတွေကလပ်တွေကို ချောမသွားတတ်ဘူး။ ပြီးတော့ Miss တစ်ယောက်အနေနဲ့ သွားဖို့လည်းမသင့်တော်ဘူးလို့ ချောထင်တယ်။ ဒါကတော့ ချောအနေနဲ့ပါ။ တခြားလူတွေကိုတော့ ချောမပြောဘူးပေါ့နော်။ ချောအဲဒါတွေရှောင်တယ်။ လူငယ်သဘာဝကတော့ သွားချင်တာဖြစ်မှာပဲ။ ဒါပေမဲ့ ချောအဲလိုနေရာမျိုးရှောင်ပြီး မသွားဘူး။ တချို့ရှိတာကဘာလဲဆိုရင် ကိုယ့်ကို Miss တစ်ယောက် အနေနဲ့တေလေးတစားဆက်ဆံတာမျိုးလေးတွေ၊ ပြီးရင် ကိုယ်ရိုက်တဲ့အခါမှာ ချောကို ဦးစားပေး တဲ့ပုံစံမျိုးတွေ အဲဒီအကျိုးတွေကတော့ ခံစားရပါတယ်။

ညီမလက်တက်တူးနဲ့ပတ်သက်ပြီး ဝေဖန်မှုတွေအများကြီးပါ။ တက်တူးရှိတာ ဘာမှအားမငယ်နဲ့ တက်တူးရှိတာ သူတို့ပိုတောင်သဘောကျသေးတယ်။ သတ္တိရှိတယ်ပေါ့။ အဲလိုမျိုးတောင်ပြောသေးတယ်…
ညီမလက်ကတက်တူးကဆိုရင် အဲဒီတက်တူးနဲ့ပတ်သက်ပြီး ဝေဖန်မှုတွေအများကြီးပါ။ ဒါပေမဲ့ Miss တစ်ယောက်က တက်တူးထက် အမှန်တကယ်အရည်အချင်း အများကြီးဆိုင်ပါတယ်။ Talent ကအရေး အကြီးဆုံးပါ။ ချောကိုဟိုးဘက်နိုင်ငံကပြောတယ်ပေါ့။ နေရှင်နယ် ဒါရိုက်တာကိုယ်တိုင်ကပြောတယ်။ တက်တူးရှိတာ ဘာမှအားမငယ်နဲ့ တက်တူးရှိတာ သူတို့ပိုတောင်သဘောကျသေးတယ်။ သတ္တိရှိတယ်ပေါ့။ အဲလိုမျိုးတောင် ပြောသေးတယ်။ အမှန်တကယ် ချောထိုးထားတဲ့တက်တူးက ချောကာဗာအနေနဲ့ ထိုးထား တာပါ။ ချောလက်မှာက ငယ်ငယ်ကမီးပူလောင်ထားတဲ့ အမာရွတ်လေးရှိလို့ ကာဗာအနေနဲ့ထိုးထားတာပါရှင့်။

ချောကအချိန်ပြည့်ပြိုင် ပွဲတစ်လျှောက်မှာပြုံးတယ်။ စိတ်ဖိစီးမှုခံနိုင်တယ်ဆိုတာ သူတို့အရမ်းကိုယုံကြည် သွားတယ်ပေါ့။ ဒီ Miss Myanmar အရမ်းစိတ်ဖိစီးမှုဒဏ်ခံနိုင်တယ် ပင်ပန်းတာကိုခံနိုင်တယ်ဆိုတာ မျိုးတွေရှိတယ်…
Miss တစ်ယောက်အနေနဲ့ တက်တူးမရှိတာတော့အကောင်းဆုံးပေ့ါနော်။ ဒါပေမဲ့သူတို့ကရှိလာတဲ့ အခါမှာ တကယ်လို့တက်တူးရှိလာတဲ့ Miss ဆိုရင်လည်း တခြားအရည်အချင်းတွေကိုကြည့်တယ်။ ဒီတစ်ခု တည်းကို ပြစ်ချက်မထားပဲနဲ့ သူတခြားဘာအားသာချက်ရှိလဲဆိုတာမျိုးကို သူတို့ကြည့်တာမျိုး အများကြီးပါပဲ။ ချောက အချိန်ပြည့်ပြိုင်ပွဲတစ်လျှောက်မှာပြုံးတယ်။ စိတ်ဖိစီးမှုခံနိုင်တယ်ဆိုတာ သူတို့အရမ်းကို ယုံကြည်သွား တယ်ပေါ့။ ဒီ Miss Myanmar အရမ်းစိတ်ဖိစီးမှုဒဏ်ခံနိုင်တယ် ပင်ပန်းတာကိုခံနိုင်တယ် ဆိုတာမျိုးတွေရှိတယ်။ ချောမှာ တက်တူးရှိလို့ အားနည်းချက်ကို တခြားငါ့မှာဘာအားသာချက်ရှိလဲ ဆိုတာမျိုးနဲ့ဖုံးသွားအောင်လုပ်မလဲ အဲဒါမျိုး တွေရှိတယ်ပေါ့။

ချောဘယ်သူနဲ့မှလည်း စာချုပ်မချုပ်ထားဘူး။ စာချုပ်ချုပ်ပြီးလုပ်ရတဲ့အလုပ်တွေကို ချောကသိပ်မကြိုက်ဘူး။ ဘာ ဖြစ်လို့လည်းဆိုတော့ ချောမှာကိုယ်ပိုင်လွတ်လပ်ခွင့်လိုချင်တယ်။ စာချုပ်တွေကြောင့် စိတ်ကျဉ်းကြပ်ပြီး မလုပ်ချင် လည်းလုပ်နေရတာမျိုးလည်း ချောမဖြစ်ချင်ဘူး…
ချောကတော့ စာချုပ်မချုပ်ပါဘူး။ ချောဘယ်သူနဲ့မှလည်း စာချုပ်မချုပ်ထားဘူး။ စာချုပ်ချုပ်ပြီးလုပ် ရတဲ့အလုပ်တွေကို ချောကသိပ်မကြိုက်ဘူး။ ဘာဖြစ်လို့လည်းဆိုတော့ ချောမှာကိုယ်ပိုင်လွတ်လပ်ခွင့် လိုချင်တယ်။ စာချုပ်တွေကြောင့် စိတ်ကျဉ်းကြပ်ပြီး မလုပ်ချင်လည်းလုပ်နေရတာမျိုးလည်း ချောမဖြစ်ချင်ဘူး။ ချောအစကတည်းကလည်း စာချုပ်ချုပ်ရမယ်ဆိုဘယ်တော့မှ မချုပ်ဘူး။ အခုလည်းမချုပ်သလို နောင်လည်း မချုပ်ပါဘူးရှင့်။

အနုပညာလောကမှာနေရာရဖို့အတွက်က ညီမကြိုးစားမှုတွေ အများကြီးလိုပါသေးတယ်…
အနုပညာလောကမှာနေရာရဖို့အတွက်က ညီမကြိုးစားမှုတွေ အများကြီးလိုပါသေးတယ်။ အခု အချိန်မှာ ချောက ချောကိုလာကမ်းလှမ်းတဲ့ဟာတွေကို ချောမှာငြင်းပိုင်ခွင့်လည်းမရှိသလို ချောကျရာ ဇာတ်ရုပ်ကို ပီပြင်အောင် ချောဘက်ကအကောင်းဆုံးကြိုးစားပြီး သရုပ်ဆောင်နေပါတယ်။ အဲဒီအတွက်လည်း ချောကိုအားပေးတဲ့သူငယ်ချင်းတွေကို ပြောချင်တာက ချောကိုဝေဖန်လို့လည်းရပါတယ်။ ဝေဖန်ပါ အားလည်း အားပေးပါ။ ၀ိုင်းပြီးတော့လည်းချစ်ပေးကြပါလို့ ချောကပြောချင်ပါတယ်ရှင့်။   


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment