ကိုယ့်ကိုယ်ကိုယ်ယုံကြည်မှုအပြည့်ရှိနေစေမယ့် ဖက်ရှင်









ကိုယ်ဝတ်ဆင်ထားတဲ့ ဆင်ယင်မှုက ကိုယ့်ကိုယ်ကိုယ်ယုံကြည်မှုလည်းဆုတ်ယုတ်စေပါတယ်။ ဘယ်လောက်ပဲ နာမည်ကြီးတံဆိပ်အ၀တ်အစားကိုဝတ်ဝတ် အ၀တ်အစားက သက်သောင့်သက်သာ မဖြစ်ရင် ကိုယ့်ကိုယ်ကိုယ် ယုံကြည်မှုနည်းစေပါတယ်။ အဲဒါကြောင့် ကိုယ့်ကိုယ်ကိုယ်ယုံကြည်မှုရှိနေစေဖို့ ၀တ်စားဆင်ယင်ရာမှာ သိသင့်သိထိုက်တဲ့ အခြေခံအချက်လေးတွေကိုဖော်ပြပေးလိုက်ပါတယ်။

ကိုယ့်ခန္ဓာကိုယ်အချိုးအစားကို ကိုယ်သိပါစေ
Shopping မထွက်ခင် အရေးကြီးဆုံးကတော့ ကိုယ့်ကိုယ်ခန္ဓာအချိုးအစား ဘယ်လောက်ရှိတယ်ဆိုတာ ကိုယ်ကိုယ်တိုင်သိဖို့ပါပဲ။ အဲဒါက အ၀တ်အစားရွေးချယ်ရာမှာ အချိန်ကုန်သက်သာစေပြီး ခန္ဓာကိုယ်ကို ပြီးပြည့်စုံစွာလှပဖို့ ကူညီပေးပါလိမ့်မယ်။ ကိုယ်သိထားရမယ့် ခန္ဓာကိုယ်ရဲ့အရေးကြီးဆုံးနေရာတွေကတော့ ရင်ပိုင်း၊ ရင်ဘတ်၊ တင်ပါးနဲ့ ခါးပိုင်းတို့ပဲဖြစ်ပါတယ်။

ဖက်ရှင်ကျတဲ့ ၀တ်စားဆင်ယင်မှုဆိုတာ
ခန္ဓာကိုယ်နဲ့ အချိုးအစားကျတဲ့ အ၀တ်အစားဝတ်ဆင်တယ်ဆိုတာ အရမ်းတင်းကျပ်လွန်း၊ ပွချောင်လွန်းတဲ့ အ၀တ်အစားတွေကို ရှောင်ရှားရမယ်ဆိုပြီးလည်း မဟုတ်ပါဘူး။ ဒီနှစ်မျိုးစလုံးက ကိုယ့်ကိုယ်ကိုယ် ကိုးရိုးကားရားနိုင်စေပြီး အနေရခက်စေပါတယ်။

တစ်ယောက်တည်း Shopping ထွက်ပါ
သူငယ်ချင်း၊ မိသားစုအဖော်မပါဘဲ တစ်ယောက်တည်း Shopping ထွက်ခြင်းက ကိုယ်ဘာကိုရှာဖွေနေ တယ်ဆိုတာ ပိုပြီးအာရုံစိုက်ထားနိုင်ပါတယ်။

အရွယ်အစားသုံးမျိုးစမ်းကြည့်ပါ
အ၀တ်အစား၊ ဖိနပ်တွေဟာ ဒီဇိုင်နာ၊ ထုတ်လုပ်တဲ့ကုမ္ပဏီ၊ တံဆိပ်အပေါ်မူတည်ပြီး အရွယ်အစားတွေ ကွဲပြားကြပါတယ်။ အဲဒါကြောင့် ကိုယ်ဝတ်နေကျအရွယ်အစားကိုလည်းဝတ်ကြည့်မယ်၊ အဲဒီအရွယ်အစား ထက် တစ်ဝက်ကြီးတာဝတ်ကြည့်မယ်၊ တစ်ဝက်သေးတာဝတ်ကြည့်မယ်။ Size သုံးမျိုးဝတ်ဆင်ကြည့်ပါ။ တကယ်လို့ ၀တ်ကြည့်လို့မရတဲ့ဆိုင်တွေ၊ ၀တ်ရတာခက်ခဲတဲ့ဆိုင်တွေဆိုရင်တော့ ပုံမှန် Size ထက် တစ်ဝက်ကြီးတာကို ရွေးချယ်ဝယ်ယူပါ။

အသားအရေနဲ့လိုက်ဖက်တဲ့အရောင်ကိုရွေးချယ်ပါ
ကိုယ့်အသားအရောင်ကို ကိုယ်သိခြင်းကလည်း ကိုယ်ဝတ်တဲ့အ၀တ်စားနဲ့ လိုက်ဖက်မှုကို အထောက် အပံ့ပေးပါလိမ့်မယ်။ ဖျော့တော့တဲ့အသားအရေပိုင်ရှင်တွေဟာ အဖြူ၊ အနက်၊ မီးခိုး၊ ငွေရောင်၊ အပြာရောင် သမ်းနေတဲ့အ၀တ်အစားတွေနဲ့ ပိုပြီးလိုက်ဖက်ပါတယ်။ အ၀ါရောင်ရှိတဲ့ အသားအရေပိုင်ရှင်တွေကတော့ အ၀ါရောင်၊ ရွှေရောင်၊ အညိုရောင်၊ အစိမ်းရောင်နဲ့ အနီရောင်တို့က လိုက်ဖက်တဲ့အရောင်တွေဖြစ်ပါတယ်။

အများအမြင်မှာ Fashion ကျ နေစေမယ့်လက်နက်
လှပပြီး အရောင်အသွေးစုံ၊ ဒီဇိုင်းဆန်းပြားပြီး ချစ်စရာကောင်းတဲ့ ထီးတစ်လက်ဆောင်ထားခြင်းဟာလည်း အများအမြင်မှာ ထင်းခနဲလှပနေစေမှာ အသေချာပဲဖြစ်ပါတယ်။ စတိုင်ကျလှပတဲ့ အိတ်တစ်လုံးကလည်း ကိုယ့်ရဲ့ဝတ်စားဆင်ယင်မှုကို အထောက်အပံ့ပေးပါလိမ့်မယ်။ အဲဒါကြောင့် အိတ်ဝယ်တော့မယ်ဆိုရင် ကိုယ့်အ၀တ်အစားတွေ၊ ဖိနပ်တွေ၊ အသုံးအဆောင်ပစ္စည်းတွေက ဘယ်လိုအရောင်တွေရှိသလဲ အရင်ဆုံးဆန်းစစ်ပါ။ ပြီးမှ အဲဒါတွေနဲ့လိုက်ဖက်တဲ့အိတ်တစ်လုံးဝယ်လိုက်ခြင်းက ငွေကြေးချွေတာရာရောက်ပြီး ဘက်စုံအသုံးဝင်ပါလိမ့်မယ်။

ခန္ဓာကိုယ်အလှဖော်ပြတတ်ဖို့လိုအပ်ပါတယ်
ဆွဲဆောင်မှုရှိတဲ့ ခန္ဓာကိုယ်ကိုဖော်ပြချင်တယ်ဆိုရင် ဘယ်နေရာကိုဖုံးမယ်၊ ဘယ်နေရာကိုဖော်ပြရမယ်ဆိုတာ သေချာသိဖို့လိုပါတယ်။ ဒါမှမဟုတ်ရင် Body Beauty Secret ဆိုတာ ဘယ်ရှိတော့မလဲ။ ''တကယ်လို့ ရင်သားကိုဖော်ပြတဲ့ ၀တ်စားဆင်ယင်မှုဆိုရင် ခြေထောက်ကိုဖုံးထားပါ။ ခြေထောက်အလှကို ဖော်ပြမယ်ဆိုရင်တော့ ခန္ဓာကိုယ်အပေါ်ပိုင်းကိုဖုံးကွယ်ထားပါ'' လို့ မင်းသမီး Angelina Jolie က အကြံပြုထားပါတယ်။
 Crystal

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment