ကွေ့တို့၏မာယာ

လက်တွေ့အားဖြင့် ကျွမ်းကျင်လှပါသည်ဆိုသော ၀ါရင့်ဒရိုင်ဘာကြီးများသတိထားရန် နည်းပညာသဘော တရားလေးမျှဝေပေးလိုက်ပါတယ်။

Prime Mover ဆိုတဲ့ ဒီတွဲကား အခုလိုဖြစ်ရတာ သတ်မှတ်ထားတဲ့အမြန်နှုန်းကို ချိုးဖောက် မောင်းလိုက်တာ အဓိကတရားခံပါ။

၁။ 50 KM/Hဆိုတာကို လမ်းကျဉ်းမှာ စသတိ ပေးထားတယ်။ သူမောင်းလာတာ ဒါ့ထက် မြန်တာသေချာတယ်။ နောက်ကားက ရိုက်ထားတဲ့ VDO က သက်သေခံနေတယ်။

၂။ ရှေ့မှာစက်ဝိုင်းပုံစံ အနားသတ်ကွေ့ရှိတယ်။ သတ်မှတ်မိုင်နှုန်းအတိုင်းမောင်းရင် ဘာမှမဖြစ်နိုင်ပါဘူး။ နည်းနည်းလေးပဲ စောင်းပါမယ်။

၃။ တစ်လမ်းမောင်း လမ်းကျဉ်းလည်းဖြစ်တယ်။ ခုံးကျော်တံတားဖြစ်နေလို့ အစောင်း Elevation လည်း ပေးမထားတော့ပါဘူး။ အရှိန်နှုန်းကန့်သတ်ချက်ပဲ ပေးထားပါတယ်။ သတ်မှတ်မိုင်နှုန်းအတွင်းဆို ဒီအကွေ့က အဆင်ပြေပါတယ်။

၎။ ဒါပေမဲ့ ထုထည်မြင့်တဲ့ ကားသတ်မှတ်မိုင်နှုန်းထက်ကျော်လာတော့ ကွေ့ရောက်တဲ့အခါမှာ ကွေ့တို့ရဲ့ ထုံးစံအတိုင်း ဗဟိုကခွာအားထွက်ပေါ်လာရပါတယ်။ ဒီအားက ဒြပ်ထုအမြန်နှုန်းနဲ့ တိုက်ရိုက်အချိုးကျတယ်။

၅။ ကားကကွေ့တဲ့ဘက်နဲ့ ဆန့်ကျင့်ဘက်ကိုစောင်းပြီး ထွက်နေပြီး အရှိန်ကလည်းမနိုင်တော့ဘူး။ ကားမောင်းသူ သိလိုက်ပြီ။ တွဲကားဆိုတော့ ခေါင်းသက်သက်တွဲသက်သက် လားရာလည်းမတူဘူး ရူပဗေဒသဘောတရားအရကတော့ အကျိုးဗက်လားရာကတော့ တစ်ခုတည်းပါပဲ။ ထွက်မယ့်ဘက်ကတော့ ကွေ့ဆိုတဲ့စက်ဝိုင်းအပြင်ဘက်ကိုပါ။ ကြီးကြီးကျယ်ကျယ်ပြောရရင် တန်းကျင့်အလျင်နဲ့ ဘရိတ်မီးတွေလင်း လာတာသက်သေပါ။

၆။ ကားဆရာအရှိန်သတ်ဖို့ ကြိုးစားတယ်။ ဒါပေမဲ့ အပေါ်ကကွန်တိန်နာကလည်း လှုပ်ရှားမှုရနိုင်တဲ့သဘော ကြောင့် ဘေးကိုသွေဖီထွက်ဖို့ ပိုလွယ်ပါတယ်။ သွားနေတဲ့ ၀တ္ထုကဆက်သွားချင်တဲ့သဘော။ တွဲနဲ့ ကွန်တိန်နာ ကြီးကိုလည်း လော့ ၄ခု ချထားတယ်။ တွဲနဲ့ကွန်တိန်နာနဲ့ တစ်ပေါင်းတည်း တွဲနဲ့ခေါင်းနဲ့လည်း တစ်ဆက်တည်း မို့ နောက်ဆုံးတော့ သီအိုရီကို မလွန်ဆန်နိုင်ဘဲ ဗဟိုခွာအားအပြင် ကမ္ဘာဆွဲအားဆိုတဲ့ G ကိုလည်း ကျိန်းသေ ရှိကြောင်း သက်သေပြသွားပါတော့တယ်။ ဒါကြောင့် မိုးမပြို ပြိုခဲ့သည်ရှိသော် သီအိုရီဆိုတာလည်း နည်းနည်း လေးပဲသိ ဒီလိုမဖြစ်နိုင်ပါ။ လမ်းညွှန်အမှတ်အသား သတ်မှတ်ချက်များကလည်း ဒါတွေကို ဒီလိုသိလို့ တွက်ချက်လုပ်ထားတာပါ။ နေပြည်တော်အမြန်လမ်းမှာတောင် သတိထားကြည့်လိုက်ပါ။ ကွေ့တိုင်းမှာ သူနဲ့ သင့်တော်မယ့် အမြန်နှုန်းတစ်ခုကိုရေးပေးပြီး သတိပေးထားပါတယ်။ မယုံလည်း လုပ်မကြည့်နဲ့ သီအိုရီက သေချာတယ်။ သီအိုရီဆိုတာ ဘာလဲမသိလည်း ကွေ့တို့၏မာယာဆိုတာ ဒါပါလားဆိုတာ အမြဲသိထားလိုက်ပါ။

ကားမိတ်ဆွေများကိုခင်မင်လျက်

ကိုသက်

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape