မိမိကားနဲ့ လိုက်ဖက်မည့် အင်ဂျင်ဝိုင်









အခုရက်ပိုင်း ရန်ကုန်မှာရော နယ်မှာရော ရာသီဥတု အလွန်ပူပြင်းနေ၏။ စက်ရဲ့အသက်သွေးကြောဖြစ်သော အင်ဂျင်ဝိုင်သည်ကား အလွန်အရေးကြီးလာလေပြီ။ မိမိကားနဲ့ လိုက်ဖက်မည့် အင်ဂျင်ဝိုင်ကို ကျွမ်းကျင်သော အလုပ်ရုံမှာ မှန်ကန်စွာရွေးချယ်တတ်ရမည်။ အစစ်အမှန်ကို ရွေးဝယ်နိုင်ရမည်။ ကြုံသလိုတံဆိပ်အမျိုးမျိုးကို ပြောင်းမသုံးသင့်ပါ။
ဆီခန်းတယ်ဆိုပြီး SAE No ကိုတန်ဖိုးမြှင့်သုံးတာလည်း မဖြစ်စေချင်ပါ။ ခုခေတ်ပေါ် ဂျပန်ကားများ အတွက် 5w 30/10w 30 သာအသုံးများကြပါသည်။ ၄၀ ကိုလည်းသုံးကြပါသည်။
အင်ဂျင်မကျဘဲ ဆီခန်းတယ်ဆိုလျှင် သတိထားပါ။ Oil Sludge ဆိုတဲ့ ဆီမိလ္လာကျတတ်ပါသည်။
အထူးသဖြင့် TOYOTA ကားများ Oil Sludge ပိုကျတတ်ပါသည်ဟု သတင်းဌာနမှာပါသည်အထိ ဖြစ်ခဲ့ဖူးပါ သည်။ လက်တွေ့အားဖြင့်လည်း ရန်ကုန်မှာတော်တော်တွေ့ခဲ့ဖူးပါပြီ။ ဟုတ်ပါသည်။ အရပ်လိုနောက်ပြောရရင် ဇီးယိုကပ် စီးနဲပုန်းရည်ကြီးကျတယ်ပေါ့။
ဒီလိုများဖြစ်ခဲ့ရင် အင်ဂျင်ကဂွမ်းပါပြီ။ အကုန်ဖွင့်ကာ ပြင်ရတတ်ပါသည်။ ဘာကြောင့်လဲဆိုတော့ တိုယိုတာအင်ဂျင်သတ္ထုစပ်သည် မူတစ်မျိုးဖြစ်၏။ ရေနံကိုအခြေခံပြီးထုတ်တဲ့ အင်ဂျင်ဝိုင်နဲ့ အပူလွန်ပြီး ဓာတ်ပြုတဲ့အခါမှာ မူမမှန်ဖြစ်ပြီး ဆီမိလ္လာကျသည်ဆို၏။ ရေနံကိုအခြေမခံဘဲ အခြား Chemical Product များမှလည်း အင်ဂျင်ဝိုင်ကိုတုပကာ ထုတ်လုပ်ထားပြန်သည်။ အင်ဂျင်ဝိုင်အတုလို့ မဆိုလို။ ရေနံမှထုတ်လုပ်တဲ့ အင်ဂျင်ဝိုင်ကဲ့သို့ အစစ်နဲ့မခြား ထုတ်ထားသောကြောင့် Synthetic Oil လို့ နာမည်မှည့်ထား၏။ သူကဆီမိလ္လာကျမှုနည်းပါးစေသည်။
Semi/Fully Synthetic Engine Oil ဆိုပြီး Oil Type ကို ပုံးပေါ်မှာရေးထားပေးပါသည်။
အင်ဂျင်ဝိုင်ဂရိတ်ကိုတော့-ထုံးစံအတိုင်း 5w-30/ 10w-30/40 စသဖြင့်ရေးထားပေးရသည်။
API Standard SG/CG စသဖြင့်လည်း စာကပ်ပေးကြသည်။ ဒါကြောင့် ဘာကိုထည့်ရမလဲဆိုပြီး ရွာလည်ကြရသည်။
မိမိကားကတန်ဖိုးကြီးပါက ဇိမ်ခံအဆင့်ဆိုပါက Fully Synthetic ကို အင်ဂျင်နဲ့ လိုက်မယ့် SAE No ကိုသေချာစွာမေးပြီးထည့်ပါ။ သူကဈေးကြီးပါတယ်။
၆၀၀၀၀ ၀န်းကျင်လောက် စရှိပါတယ်။ Taxil လိုကားများအတွက်ကတော့ ဒါမျိုးမထည့်နဲ့ မျက်စိစပ် ပါတယ်။အဆင်ပြေပြီးသား သိပ်မညံ့တဲ့အင်ဂျင်ဝိုင်ကို ကီလို ၅၀၀၀နဲ့ ၆၀၀၀ ကြားမှန်မှန်လဲပါ။
ဒီကီလိုအကွာအဝေး အကြမ်းဖျင်းသတ်မှတ်ချက်က အိမ်စီးဆို ၄လ၀န်းကျင် Taxil နဲ့ လုပ်ငန်းသုံး ကားဆိုရင်၂ လ၀န်းကျင်ခန့်လို့ မှန်းရပါတယ်။ ကီလိုမီတာအတိအကျ မှတ်တာအကောင်းဆုံးပါ။ ဇိမ်ခံအဆင့် ကားများ Alphard လို Crown လိုကားများ အဲကွန်းအပြည့်သုံးကြလို့ ကီလိုနည်းနည်းသွားပေမယ့် အင်ဂျင် လည်ရတာရုန်းရတာ အခြားခရီးဝေးသွားတဲ့ကားများလောက် အင်ဂျင်လည်ပြီးနေပြီဆိုတဲ့ အလျော့တွက်ရှိနေ သည်ကိုသတိပြုပါ။
ဥပမာ ကီလို ၅၀၀၀ မပြည့်သေးဘူးဆိုပေမယ့် အင်ဂျင် ကြိတ်ရုန်းနေရတာ မီးစက်လို အဲကွန်း တာဝန်ကို အမြဲထမ်းဆောင်နေရတာကိုသဘောပေါက်ပါ။
ကီလိုမီတာခရီးမပြနိုင်တဲ့ မီးစက်များမှာနာရီနဲ့ မှတ်သုံးရပါတယ်။ ဥပမာ နာရီ၂၀၀ တစ်ကြိမ်လဲ။ သဘောမပေါက်ရင် ကားကိုက်သွားတာက ကျားကိုက်သွားလို့ ကျောပေါက်တာထက်နာပါမယ်။

ခင်မင်လျက်- ကိုသက်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment