ကားအင်ဂျင်အကြောင်း ဘယ်လိုလေ့လာမလဲ








ကားအင်ဂျင်အကြောင်း လေ့လာတာက ကိုယ့်အတွက်တော့ အကျိုးယုတ်စရာအကြောင်းမရှိပါဘူး။ အဲဒီလို လေ့လာခြင်းအားဖြင့် ကိုယ့်ကားရဲ့အင်ဂျင်ကို ကိုယ့်ဘာသာကိုယ် ထိန်းသိမ်းနိုင်သလို တကယ်လို့ အရေးပေါ်အခြေအနေမှာ ကားစက်ပျက်သွားရင် ပြင်နိုင်တာမျိုးတွေ အကျိုးရှိနိုင်ပါတယ်။ ဒါ့အပြင် အခုလို ကားအင်ဂျင်အကြောင်းလေ့လာထားလို့ ကိုယ့်အိတ်ထဲက ငွေကြေးကိုလည်း စုဆောင်းထားမိသလိုဖြစ်ပြီး တကယ်လို့ ကိုယ့်ကားရဲ့အင်ဂျင် အစိတ်အပိုင်းတစ်ခုခုက လဲဖို့လိုအပ်နေပြီဆိုရင် ကိုယ်ကလည်း အဲဒီအင်ဂျင် အစိတ်အပိုင်းရဲ့ အခြေအနေကိုသိထားလို့ တန်ဖိုးနည်းနည်းနဲ့ အသုံးဝင်တဲ့ပစ္စည်းတွေကို ၀ယ်နိုင်ပါတယ်။ ကားအင်ဂျင်အကြောင်းလေ့လာဖို့ကတော့ နည်းလမ်းအမျိုးမျိုးရှိပြီး အဲဒီထဲက အလွယ်ကူဆုံး အချက်တွေကို ဖော်ပြပေးလိုက်ပါတယ်။

အင်တာနက်မှ ရှာဖွေခြင်း
အင်တာနက်မှာ ကားနဲ့ဆိုင်တဲ့ ၀က်ဘ်ဆိုက်တွေအများအပြားရှိပြီး အဲဒီထဲမှာ ကားအင်ဂျင်ပြင် တဲ့အကြောင်းနဲ့ပတ်သက်လို့ ရေးထားတဲ့အကြောင်းအရာတွေလည်း အများအပြားရှိနေပါတယ်။ အဲဒီ ဆောင်းပါးအများစုကို ကျွမ်းကျင်တဲ့ စက်ပြင်သမားတွေက ရေးသားထားတာဖြစ်ပြီး ကိုယ့်အနေနဲ့ ကား အင်ဂျင်အကြောင်းသိကောင်းစရာများ၊ ကားအင်ဂျင်ရဲ့အလုပ်လုပ်ဆောင်ပုံစတဲ့ အချက်တွေနဲ့ရှာဖွေရပါမယ်။ အဲဒီအခါမှာ ကားအင်ဂျင်ပိုင်းနဲ့ဆိုင်တဲ့ သင်ခန်းစာတွေ၊ စာတွေ့လက်တွေ့တွေ၊ ပြုပြင်ပုံ ပြုပြင်နည်းတွေ အကြောင်းရေးထားတဲ့ ဆောင်းပါးတွေအများအပြား တွေ့ရပါလိမ့်မယ်။

ကားအကြောင်းဆွေးနွေးတဲ့ စကားဝိုင်းတွေမှာပါဝင်ရမယ်
ကားဝက်ဘ်ဆိုက်တွေမှာ စက်ပြင်ဆရာတွေနဲ့ ကားအင်ဂျင်အကြောင်း လေ့လာလိုသူတွေရဲ့ စကားဝိုင်းတွေ ရှိတတ်ပါတယ်။ အဲဒီလို စကားဝိုင်းတွေမှာ ပါဝင်ဆွေးနွေးခြင်းအားဖြင့် ကားအင်ဂျင်ပိုင်းနဲ့ ပတ်သက်လို့ အဖြစ်များတဲ့ပြဿနာတွေကို ကိုယ့်ဘက်ကလေ့လာနိုင်မှာဖြစ်ပြီး စက်ပြင်ဆရာတွေရဲ့ အဖြေကိုဖတ်ပြီး လေ့လာခွင့်ရရှိနိုင်မှာဖြစ်ပါတယ်။ နောက်ပြီး ကားအင်ဂျင်ပိုင်းနဲ့ပတ်သက်လို့ ဗီဒီယို ဖိုင်တွေကပါ လေ့လာရမှာဖြစ်ပြီး Youtube လို ၀က်ဘ်ဆိုက်မျိုးတွေမှာ ကားအင်ဂျင်ပြုပြင်တဲ့ကိစ္စနဲ့ ပတ်သက်လို့ လက်တွေ့ရှင်းပြထားတာတွေကို လေ့လာရမှာဖြစ်ပါတယ်။

ကားပြင်စာအုပ်တွေကို လေ့လာမှတ်သားရမယ်
ဒီနေရာမှာ အလွယ်ဆုံးနဲ့ အထိရောက်ဆုံးကတော့ ကားပြင်တဲ့အကြောင်းရေးထားတဲ့ စာအုပ်တွေ ကနေ လေ့လာတာပဲဖြစ်ပါတယ်။ ဒီလို ကားပြင်တဲ့စာအုပ်တွေက ဝေးဝေးလံလံ ရှာစရာမလိုဘဲ ကိုယ့်အနီး နားဝန်းကျင်မှာပဲရှိတတ်ပြီး အခုမှ ကားအင်ဂျင်အကြောင်းစလေ့လာမယ့်သူတွေအတွက် သီးသန့်ရေးထားတဲ့ စာအုပ်မျိုးတွေရွေးချယ် ဖတ်သင့်ပါတယ်။ အဲဒါမှ ကိုယ်လည်းအခြားသူတွေကိုမေးစရာမလိုဘဲ စာအုပ်ထဲ လမ်းညွှန်ထားတဲ့ပုံစံအတိုင်း အိမ်မှာလက်တွေ့လုပ်ဆောင်နိုင်မှာဖြစ်ပါတယ်။

ကားပြင်သင်တန်းတက်ရောက်ခြင်း
ကားပြင်သင်တန်းတွေမှာ များသောအားဖြင့် အင်ဂျင်ပိုင်းနဲ့ပတ်သက်လို့ သင်တန်းတွေက ပိုများ ပါတယ်။ ကိုယ့်အနေနဲ့ ကားအင်ဂျင်ပိုင်းမှာ ဘယ်အပိုင်းကို အထူးပြုမလဲဆိုတာ ဆုံးဖြတ်ရမှာဖြစ်ပြီး ကားပြင်သင်တန်းတွေမှာ စာတွေ့သာမက လက်တွေ့ပါသင်ကြားပေးတဲ့ သင်တန်းမျိုးကို ရွေးချယ် တက်ရောက်ဖို့လည်း လိုအပ်ပါတယ်။ အဲဒါမှ ကိုယ်လည်းသင်တန်းပြီးရင် လက်တွေ့သင်စရာမလိုတော့ဘဲ ကားအင်ဂျင်ပြုပြင်တာနဲ့ပတ်သက်လို့ နားလည်သဘောပေါက်သွားမှာဖြစ်ပါတယ်။

ဝပ်ရှော့တွေမှာ အလုပ်သင်အဖြစ် သွားရောက်လေ့လာပါ
အထက်ပါအကြောင်းအရာတွေကို ကျွမ်းကျွမ်းကျင်ကျင်ပြုလုပ်ပြီးသွားပြီဆိုရင်တော့ နောက်ဆုံး အဆင့်အနေနဲ့ ၀ပ်ရှော့တွေမှာ ကျွမ်းကျင်တဲ့စက်ပြင်သမားတွေနဲ့အတူ အလုပ်သင်အဖြစ် လေ့လာရပါမယ်။ အဲဒီလိုပြုလုပ်ပေးခြင်းအားဖြင့် ကိုယ့်အနေနဲ့ ကားပြင်တာနဲ့ပတ်သက်လို့ အတွေ့အကြုံရရှိလာမှာဖြစ်သလို ၀ပ်ရှော့ကို ရောက်လာတဲ့ ကားအင်ဂျင်ပိုင်း ပြဿနာတွေမှန်သမျှကိုလည်း လေ့လာပြီးသား ဖြစ်သွားပါလိမ့် မယ်။ ဒီနေရာမှာ ကိုယ့်အနေနဲ့ လေ့လာသင်ယူလိုစိတ်အပြည့်ရှိရမှာဖြစ်ပြီး စက်ပြင်ဆရာရဲ့အကူ လူအဖြစ် အောက်သက်ကျေဖို့လည်း လိုအပ်ပါတယ်။

ဝပ်ရှော့မှာ အတိုင်းအတာတစ်ခုထိ လက်တွေ့လေ့လာပြီးပြီဆိုရင်တော့ ကိုယ့်ပတ်ဝန်းကျင်မှာပဲ ထပ်မံလေ့လာရမှာဖြစ်ပါတယ်။ အိမ်နီးနားချင်းတွေမှာ ကားနဲ့ပတ်သက်လို့ အင်ဂျင်ပိုင်းဆိုင်ရာ ပြဿနာ တစ်ခုခုရှိနေပြီဆိုရင် ကိုယ်ကကူညီပေးရမှာဖြစ်ပြီး ဒီတစ်ခါမှာ ၀ပ်ရှော့လို ကိုယ်ကအကူလူ မဟုတ်တော့ဘဲ အဓိကလူဖြစ်သွားလို့ ကိုယ့်ကိုယ်ကိုယ်ယုံကြည်မှုရှိဖို့လည်း လိုအပ်ပါတယ်။ ဒီလို ကားအင်ဂျင်ပိုင်းဆိုင်ရာ ပြဿနာတွေကို တစ်ယောက်တည်း ဖြေရှင်းနိုင်ပြီဆိုရင်တော့ ကိုယ့်အနေနဲ့ ကျွမ်းကျင်တဲ့ စက်ပြင်ဆရာအဆင့် မရောက်နိုင်သေးပေမယ့် ကိုယ့်ကားနဲ့ပတ်သက်လို့ ဖြစ်လာတဲ့ပြဿနာအများစုကို ဖြေရှင်းနိုင်သူဖြစ်လာမှာ သေချာပါတယ်။

ဖြိုးတေဇာ

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment