ဘယ်တော့မှရိုးမသွားမယ့် ဖက်ရှင်ပစ္စည်းတွေကဘာတွေလဲ








ဖက်ရှင်ရေစီကြောင်းတစ်ခုက ဖြစ်ပေါ်လာဖို့လွယ်သလို ကွယ်ပျောက်သွားဖို့လည်းမြန်ပါတယ်။ သူ့ကိုထိန်းသိမ်းထားရတာသာခက်တာပါ။ ကိုယ်အလုပ်များနေတဲ့ အချိန်ခဏလေးအတွင်းမှာပဲရေပန်း စားနေတဲ့ဝတ်စုံတစ်စုံက ကွယ်ပျောက်သွားကောင်း ကွယ်ပျောက်သွားနိုင်တယ်။ ဒါပေမဲ့ဖက်ရှင်လောက မှာ'ဖက်ရှင်တွေဘယ်လောက်ပဲ ကွယ်ပျောက်သွားပေမယ့် စတိုင်ကတော့အမြဲကျန်ရစ်နေပါတယ်'ဆိုတဲ့ စကားရှိပါတယ်။ မိန်းကလေးအများစုအတွက် ပြနာကတော့ ကိုယ်ပိုင်စတိုင်ထက် ရေပန်းစားတဲ့ ပစ္စည်းတွေ နောက်ကိုလိုက်တာပါ။ အဲဒီအတွက် ပိုက်ဆံလည်းကုန်သလို အချိန်လည်းကုန်တယ်။ ရေပန်းစား နေတဲ့တစ်ခဏတာမှာသာဝတ်ရတဲ့အတွက် တစ်ချိန်မှာအဲဒီအ၀တ်အစားတွေ ကချောင်ထိုး ထားရပါတော့တယ်။ ဒါပေမဲ့ဘယ်အချိန် ဘယ်နေရာပဲရောက်ရောက် ရိုးမသွားတဲ့ဝတ်စုံလေးတွေရှိနေ ပါတယ်။

သားရေဂျာကင်
ခပ်မိုက်မိုက် ဂျစ်ကန်ကန် သွင်ပြင်နဲ့သားရေဂျာကင်က ဘယ်တော့မှရိုးသွားမှာမဟုတ်တဲ့ဗီရိုထဲက ပစ္စည်းတစ်ခုပါ။ ၀တ်ရတာ သက်တောင့်သက်သာရှိသလို နွေးထွေးစေပါတယ်။ ၀တ်ဆင်လိုက်တဲ့အခါ ၀တ်ဆင်သူရဲ့ အချိုးအစားကို ပိုပြီးပေါ်လွင်စေတဲ့အတွက် ဘယ်အရောင်မဆိုဟာလက်ရှိအချိန်အထိ မှေးမှိန်ပျောက်ကွယ်သွားမှာမဟုတ်ပါဘူး။

အနက်ရောင်ပွဲတက်ဝတ်စုံ
ပါတီအခမ်းအနားသွားဖို့ ၀တ်စရာမရှိတဲ့အတွက်ရှာကြံနေရပါသလား။ အနက်ရောင်ပွဲတက်ဝတ် စုံလေးကဘယ်နေရာမဆိုပွဲတိုးပါလိမ့်မယ်။ ကိုကိုးရှန်နယ် ၁၉၂၀ ၀န်းကျင်မှာပထမဆုံး အနက်ရောင်ဝတ်စုံ ကိုဖန်တီးပြီးကတည်းက လက်ရှိအချိန်အထိမှေးမှိန်ပျောက်ကွယ်သွားခြင်း မရှိသေးပါဘူး။ အနက်ရောင်ပွဲ တက်ဝတ်စုံလေးက ဘယ်ဖက်ရှင်အသုံးအဆောင်နဲ့မဆို ဘယ်လက်ဝတ်ရတနာနဲ့မဆို စွယ်စုံ ရတဲ့ ၀တ်စုံဖြစ်တဲ့အတွက် လက်ရှိအချိန်အထိ မှေးမှိန်ပျောက်ကွယ်သွားခြင်းမရှိသေးပါဘူး။

လက်ဝတ်ရတနာ
လက်ဝတ်ရတနာလေးတစ်စုံက မိန်းကလေးတစ်ယောက်အသွင်အပြင်ကို အကြီးအကျယ်ပြောင်းလဲ သွားပါလိမ့်မယ်။ လည်ဆွဲခပ်ကြီကြီးဖြစ်ပါစေ၊ ရှေးပုံစံနားဆွဲတစ်စုံဖြစ်ပါစေ ၀တ်ဆင်လိုက်တဲ့အခါ မိန်း ကလေး တစ်ယောက်ရဲ့ရုပ်သွင်ကိုလုံးဝပြောင်းလဲသွားစေပါလိမ့်မယ်။

ဂျင်းဝတ်စုံ
ဘယ်တော့မှပျောက်ကွယ်သွားမှာမဟုတ်တဲ့ ဖက်ရှင်ပစ္စည်းတစ်ခုကတော့ဂျင်းဝတ်စုံပါ။ မာရီလင် မွန်ရိုးကနေ ဗစ်တိုးရီယားဘက်ခမ်းအထိ ဂျင်းကိုစတိုင်အမျိုးမျိုးနဲ့ဝတ်ဆင်ကြပါတယ်။ ဂျင်းက၀တ်ဆင်သူကို ခပ်မာမာအသွင်လေးနဲ့ ကျော့ရှင်းလှပနေစေပါတယ်။

နေကာမျက်မှန်အကြီးတစ်လက်
နေကာမျက်မှန်က မျက်လုံးကို နေရောင်ခြည်ဘယ်လို ကာကွယ်ပေးတယ် ဆိုတာပြောမှာတော့ မဟုတ် ပါဘူး။ နေကာမျက်မှန်တစ်လက်က မိန်းကလေးတစ်ယောက်အတွက် ဘယ်တော့မှရိုးသွားမှာ မဟုတ်တဲ့ ဖက်ရှင်ပစ္စည်းတစ်ခုပါ။

အဖြူရောင်တီရှပ်
ဘယ်တော့မှရိုးမသွားတဲ့ အရောင်တွေထဲမှာအဖြူရောင်လည်း တစ်ခုအပါအ၀င်ပါ။ အဖြူရောင်     တီရှပ်က မိန်းကလေးပျိုပျိုအိုအိုအရွယ်မရွေးတို့အတွက် အသုံးဝင်တဲ့ဝတ်စုံလေးတစ်ခုပါ။ ကိုယ့်ရဲ့ဘီရိုထဲမှာ မရှိမဖြစ်ဆောင်ထားရမဲ့ဝတ်စုံဆိုရင် မမှားပါဘူး။ 

Crystal  

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment