ရည်မှန်းချက်တွေကို ဘယ်လိုအကောင်အထည်ဖော်ရမလဲ…











လူတိုင်းမှာရည်မှန်းချက် ပန်းတိုင်ကိုယ်စီရှိကြပါတယ်။ ဒါပေမဲ့ ရည်မှန်းချက်တွေ အကောင်အထည် ဖော်ဖို့အတွက် မကြိုးစားဘူး။ ကိုယ့်ရည်မှန်းချက်တွေကို ရှင်းလင်းကွဲပြားမသိဘူးဆိုရင်တော့ ဘ၀မှာ ရုန်းကန်နေရပါလိမ့်မယ်။ ရည်မှန်းချက်ပန်းတိုင်အတိုင်း ကြိုးစားကြသူတွေက အောင်မြင်ကြပါတယ်။ အောင်မြင်သူတိုင်း ရည်မှန်းချက်ဆီလျှောက်လှမ်းရာမှာ ဘာအရေးကြီးဆုံးလဲဆိုတာ သိကြပါတယ်။ အဲဒီတော့ ကိုယ့်ရည်မှန်းချက်ပန်းတိုင်တွေကို ဘယ်လိုအကောင်အထည်ဖော်ကြမလဲ …။

ချရေးပါ
ကိုယ်ချရေးထားတဲ့စာရင်းကို ကိုယ်တိုင်နေ့စဉ်ဖတ်ရင်း ကိုယ့်ကိုယ်ကိုယ်သတိပေးရာလည်း ရောက်ပါတယ်။ ချရေးရတာလည်း လွယ်ပါတယ်။ ဒါပေမဲ့ချရေးပြီးတာနဲ့တစ်ပြိုင်နက် ကိုယ့်အားနည်းချက်၊ အားနည်းချက်တွေကို လေ့လာခွင့်ရလာမှာပါ။

ပုံဖော်ပါ
ချရေးပြီးပြီ။ ကိုယ်ဖြည့်စွက်ရမဲ့အားနည်းချက်၊ အားသာချက်တွေကိုလည်း သိပြီးပြီဆိုရင်တော့ ပုံဖော်ဖို့လိုပါပြီ။ ဘယ်လိုလမ်းကြောင်းကနေသွားလဲ။ လူအများစုက ကိုယ်ရွေးချယ်တဲ့လမ်းကြောင်း တစ်ဝက်တစ်ပျက်နဲ့တင် အရှုံးပေးသွားတတ်ကြပါတယ်။

စိတ်အားထက်သန်ဖို့လို
ကိုယ်လျှောက်လှမ်းမဲ့ လမ်းကြောင်းရွေးချယ်ပြီးနောက်မှာတော့ အဲဒီလမ်းကြောင်းအတိုင်း စိတ်အားထက်ထက်သန်သန်နဲ့ လိုက်ဖို့လိုလာပါပြီ။ အဓိက ဘာအခက်အခဲပဲရှိရှိကျော်လွှားသွားလို စိတ်ရှိဖို့အရေးကြီးပါတယ်။

သတ်မှတ်ပါ
ရွေးချယ်ထားတဲ့လမ်းကြောင်းကိုသာ လျှောက်လှမ်းမနေပါနဲ့။ အချိန်ဘယ်လောက်ပေးမှာလဲ။ အဓိက အချိန်သတ်မှတ်ပေးဖို့ လိုပါတယ်။ ဒါမှ ကိုယ်သတ်မှတ်ထားချိန်မှာ နောက်ပြန်ဆုတ်လို့ရမှာပါ။

ခိုင်မြဲပါစေ
ကနဦးမှာတော့ အားမာန်အပြည့်ပါ။ အချိန်တစ်ခုကြာလာတဲ့အခါမှာ အင်အားတွေလျော့ပစ် လိုက်တတ်ကြပါတယ်။ ကိုယ်က ရေရှည်အောင်မြင်မှုကို လိုချင်တာမဟုတ်ပါလား …။ စိတ်ဓာတ်ခိုင်မြဲ ကြံ့ခိုင်နေပါစေ …။

ကိုယ့်ကိုယ်ကိုယ်ဂုဏ်ပြု
ပန်းတိုင်ကိုလျှောက်လှမ်းရင်း လမ်းကြောင်းတစ်လျှောက် သေးငယ်တဲ့အောင်မြင်မှုလေးတွေကို လျစ်လျူမရှုလိုက်ပါနဲ့။ ကိုယ့်ကြိုးစားမှုကို ကိုယ်တိုင်ဂုဏ်ပြုပါ။ ဒါမှလည်း ရှေ့ဆက်လျှောက်လှမ်းရမဲ့ ခရီးလမ်းမှာ ခွန်အားဖြစ်စေမှာမဟုတ်ပါလား။

နေ့တိုင်းအားထုတ်
ကိုယ့်ရည်မှန်းချက်အတိုင်း ရောက်ပြီဆိုပါစို့။ စိတ်လွတ်လက်လွတ်နေလိုက်တော့မှာလား။ အောင်မြင်မှုခိုင်မြဲဖို့အတွက် နေ့စဉ်နေ့တိုင်းအားထုတ်နေဖို့လိုပါတယ်။

ရန်နိုင်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment