အလုပ်အင်တာဗျူးအတွက် ဘာဝတ်မလဲ

အင်တာဗျူးတစ်ခုမှာ ကိုယ့်ရဲ့ဝတ်စားဆင်ယင်မှုကဏ္ဍက အရေးကြီးတဲ့ နေရာတစ်ခုကနေပါဝင်နေပါတယ်။ ၄င်းဝတ်စားဆင်ယင်မှုက ကိုယ့်ရဲ့ ဒီကုမ္ပဏီအတွက် ဘယ်လိုကိုယ်စားပြုနိုင်မလဲဆိုတာကို ဖော်ပြနေပါ တယ်။ လုပ်ငန်းခွင်တစ်ခုထဲဝင်ရောက်ဖို့အတွက် ကိုယ့်ရဲ့ပထမဦးဆုံးအသွင်အပြင်က အရေးကြီးဆုံးဖြစ်ပါ တယ်။ အင်တာဗျူးခံတယ်ဆိုတာ ကိုယ့်ရဲ့အရည်အချင်းကို တစ်စုံတစ်ယောက်ထံ ရောင်းချလိုက်တာနဲ့ ဆင်တူပါတယ်။ အဲဒီတစ်စုံတစ်ယောက် ကိုယ့်ရဲ့အရည်အချင်းကို ၀ယ်လိုစိတ်ဖြစ်လာစေဖို့အတွက် ဘယ်လိုပြင်ဆင်မလဲ။ အရေးကြီးဆုံးကတော့ ၀တ်စားဆင်ယင်မှုဆိုတဲ့ ဖက်ရှင်ပဲဖြစ်ပါတယ်။ ကိုယ်ဝတ်ဆင်ထားတဲ့အ၀တ်အစားဟာ ကိုယ့်ရဲ့အတွင်းစိတ်ကိုလည်း တစ်စိတ်တစ်ပိုင်းပြသနေပါတယ်။ အဲဒီတော့ အင်တာဗျူးတစ်ခုအတွက် ဘယ်လိုဝတ်စားဆင်ယင်မလဲ။

မပေါ့တပေါ်ရှောင်

မပေါ့တပေါ်အ၀တ်အစားတွေကိုရှောင်ပါ။ ဒီလိုဝတ်စားဆင်ယင်ခြင်းက ကိုယ်နဲ့ဆက်ဆံအင်တာဗျူးမယ့် လုပ်ငန်းလုပ်ဖော်ကိုင်ဖက်ကို ဂရုမစိုက်ဘူးဆိုတဲ့ အဓိပ္ပာယ်သက်ရောက်စေပါတယ်။ ကိုယ့်မှာ ဘယ်လောက်ပဲဆက်ဆီကျတဲ့ ခန္ဓာကိုယ်အလှပိုင်ဆိုင်ထားပါစေ။ အင်တာဗျူးအတွက်တော့ အတတ်နိုင်ဆုံးဖုံးကာထားပါ။ ကိုယ့်ရဲ့အတွင်းဝတ်စုံ၊ အတွင်းခံဝတ်စုံတွေကိုဖော်ပြတဲ့ အမျိုးသမီးတွေဟာ ပြင်ပမှာတော့ ဆွဲဆောင်မှုရှိကောင်းရှိနိုင်ပေမယ့် လုပ်ငန်းခွင်အင်တာဗျူးအတွက်မှာတော့ ၄င်းဟာ တစ်ဖက်လူကို မလေးစားရာကျစေပါတယ်။ အမျိုးသားတွေအနေနဲ့လည်း အင်္ကျီလက်တစ်ဝက် ခေါက်တင်ထားတာတွေ၊ ရင်ဘတ်ကြယ်သီးဖြုတ်ထားတာတွေ၊ ကော်လာထောင်ထားတာတွေ စတာတွေကလည်း အင်တာဗျူးသူကို စော်ကားတဲ့အပြုအမူတွေပဲဖြစ်ပါတယ်။

ဖိနပ်ရွေးချယ်တဲ့အခါ

ဖိနပ်ရွေးချယ်မှုကလည်း အ၀တ်အစားလိုပဲ ရွေးချယ်ဝတ်ဆင်တတ်ဖို့လိုအပ်ပါတယ်။ ကိုယ့်အ၀တ် အစားနဲ့လိုက်ဖက်မယ့် ခြေညှပ်ဖိနပ်၊ ရှူး စတာကို ရွေးချယ်ဝတ်ဆင်ပါ။ ဖိနပ်ကိုလည်း သန့်ရှင်း စင်ကြယ်နေပြီး တောက်ပပြောင်လက်နေစေဖို့ သတိပြုပါ။

တစ်ကိုယ်ရည်သုံးပစ္စည်းတွေရှောင်

ရေမွှေး၊ ခန္ဓာကိုယ်လိမ်းလိုးရှင်းတို့ အလွန်အကျွံသုံးစွဲခြင်းရှောင်ပါ။ ကိုယ့်ကိုအင်တာဗျူးသူတချို့မှာ အမွေးရနံ့နဲ့ပတ်သက်ပြီး ပြဿနာရှိနိုင်မလားဆိုတာ မသိတဲ့အတွက် အရိုးရှင်းဆုံးပြင်ဆင်တာ အကောင်းဆုံးဖြစ်ပါတယ်။

အသုံးအဆောင်ပစ္စည်း

လက်ဝတ်ရတနာ၊ ဖန်စီပစ္စည်းတွေက အလုပ်အင်တာဗျူးနဲ့ မသက်ဆိုင်တဲ့ပစ္စည်းတွေဖြစ်ပါတယ်။ တကယ်လို့ နားဆွဲ၊ လည်ဆွဲတို့လို ၀တ်ဆင်မယ်ဆိုရင်လည်း ရိုးရှင်းနေဖို့လိုအပ်ပါတယ်။ လက်စွပ်လို လက်ဝတ်တန်ဆာဝတ်ဆင်ရာမှာလည်း အရောင်ကြောင်ကြောင်ကြားကြား ပြုးပြမနေဖို့လိုအပ်ပါတယ်။

ဂျင်းအ၀တ်အစားကိုရှောင်

ကိုယ်က သူငယ်ချင်းတွေနဲ့အပြင်မှာတွေ့ဆုံတာ၊ အပြင်ထွက်လည်တာမျိုးမဟုတ်တဲ့အတွက် အလုပ်အင်တာဗျူးကို ၀တ်ဆင်ခြင်းရှောင်ပါ။

စကပ်တိုဝတ်ဆင်ခြင်းရှောင်ပါ

ကိုယ်ဟာ ခြေထောက်အလှပြမော်ဒယ်တစ်ယောက်ဖြစ်ဖို့အတွက် အင်တာဗျူးတာမဟုတ်ရင်၊ ကိုယ့်စကတ်က ဒူးခေါင်းအထက်နားအထိတိုတက်နေရင် အင်တာဗျူးအတွက် ၀တ်ဆင်ခြင်းရှောင်ပါ။ ထိုင်တဲ့အခါမှာ ကိုယ့်အတွက် အနှောင့်အယှက်မဖြစ်ကောင်း မဖြစ်နိုင်ပေမယ့် အင်တာဗျူးသူအတွက်တော့ စိတ်အနှောင့်အယှက်ဖြစ်ကောင်း ဖြစ်စေနိုင်ပါတယ်။ ကိုယ့်အတွက် နေရထိုင်ရလုံခြုံရမယ့် အ၀တ်အစားမျိုး ရွေးခြယ်ဝတ်ဆင်ပါ။

မိတ်ကပ်အပြင်အဆင်

Eyeliner ၊ နှုတ်ခမ်းဆိုးဆေး အလွန်အကျွံအသုံးပြုခြင်းရှောင်ပါ။ အလှအပအတွက် မိတ်ကပ်လိမ်းခြယ်မယ် ဆိုရင်တောင် သဘာဝကျကျ မိတ်ကပ်လိမ်းခြယ်ခြင်းကိုသာပြုလုပ်ပါ။ Color Cosmetics တွေ အသုံးပြုနိုင် ပါတယ်။ ဒါပေမဲ့ အလွန်အကျွံချယ်သခြင်းရှောင်ပါ။

တစ်ကိုယ်ရည်သန့်ရှင်းမှု

ဖက်ရှင်ပိုင်းပြောလာတဲ့အခါ ၄င်းဖက်ရှင်ကို အထောက်အပံ့ပေးဖို့အတွက် တစ်ကိုယ်ရည်သန့်ရှင်းမှုကလည်း အရေးကြီးပါတယ်။ ခြေသည်းလက်သည်းသေချာညှပ်ထားဖို့ ဆံပင်ကိုသပ်သပ်ရပ်ရပ်ထားဖို့ စတာတွေဟာ အင်တာဗျူးတစ်ခုအတွက် အရေးကြီးဆုံးဖြစ်ပါတယ်။

Crystal

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape